YESAYA 40:9 - KITAB NU TUMPU ALLA LELE MA'IMAI'

⁹ Pindakomo pokiita ibungkutnyo mata-matangkas, ka' poto'i na lele ma'ima' hi Yerusalem! Loboo'akon daka-daka', ka' poto'i na lele ma'ima' hi Sion! Poto'i hi kota-kota' nu Yehuda, taalu' Tumpu nu aha tokamo mae!

YESAYA 40:9 ပူးပေါင်းရင်းမြစ်များ

2 TAWARIKH 13:4

Ohu-ohua' na gombuan nu suludadu haha aijo' nompaha aho-ahopmo i da'erah bungkutnyo nu Efraim. I Abia nindakomo nokiita' i Bungkutnyo nu Zemarim ka' iloboo'akonnyomo hi Yerobeam ka' hi mian nu Israel, “Potombihing mae!

YESAYA 1:1

Kitab aiya isinyo to potu-potunon toka i Yehuda ka' Yerusalem anu pinonyata'mo nu Tumpu hi Yesaya anak i Amos tempo'nyo i Uzia, Yotam, Ahas ka' Hizkia nompalentah Yehuda.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 35:2

Padang tampat anu mateges ko ewa-ewanyomo, ka' mongelokmo nu lagu anu mompolame'. Ia ma'ima' hondo sumomo ahi' bungkutnyo nu Libanon, sahayanyo sumomo ahi' bangka'nyo nu Karmel ka' Saron. Sahingga batu-batu mian timbali montoa kuasa nu Tumpu, ka' mule' kaholomatan nu Tumpunto.

YESAYA 41:27

Aku, Tumpu na momona nompolele hi Sion; Aku na nonsai aku nomboa lele ma'ima' hi aha Yerusalem.

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

YESAYA 52:6

Kalana aijo' belemiu tionyo ahi' mongakuimo saba' Akumo na Tumpu ka' tempo' aitu detokamo, belemiu monsumbu'je taalu' akumo na notatae hi belemiu.”

YESAYA 58:4

Hau-haunyo belemiu puasa', belemiu mahanggaga ka' mahantuda' moka' mongalamo kabaaniannyo. Osangka nu belemiu, belemiu puasa' mombau da Aku mohongomo do'a nu belemiu?

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 22:20

Tumpu notatae, “O mian anu jojoong i Yerusalem, lako mamba i Libanon ka' i Basan, ka' poloboo'mo kiijo' mae. Polokihis aita' mae i bungkutnyo nu Moab, kalana iwi-iwi' na sangalu nu belemiu pinatundu'mo.

YEREMIA 29:11

Te misa' Ku posi sumbu'i ahi' na anu tinanga'an-Kumo mosia na belemiu atina'? Apaa na anu tinanga'an-Kumo aijo' misa' da monsilakai belemiu panyo da bau ka'ima'an nu kantumuu'an nu belemiu ka' mombee'i belemiu kasampatan anu lebe ma'ima' aiya mae i ahop.

NAHUM 1:15

Soba toa samian na anu sinai mae tokamo mae montulu iwi-iwi na bungkutnyo momboa mae lele ma'ima' lele inguntungmo na nahampate. O bansa Yehuda lame'akon na sinaa daka' nu belemiu ka' bayanmo na anu jinanji'mo nu belemiu hi Tumpu. Lipu' nu belemiu madi'mo daagi opalentah nu to mia-mian anu ma'idek na kinyonyoanyo. Aha ihansunmo iwi-iwi'.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

SISIKON NU TO RASUL-RASUL 2:14

Lantas i Petrus tinuminjo hingga-hinggat aha sampulu' ka' sa'angu' na rasul sangga'at, lapas aitu aha notatae hi mian da'isan aijo'. Ia notatae daka-daka', “To Utu-utus, to mia-mian Yahudi ka' iwi-iwi' anu jojoong i Yerusalem! Hongo ima-ima', kalana han aiya palalu ku talangkanakon hi komiu.

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

SISIKON NU TO RASUL-RASUL 4:29

Uuka aiya, Tumpu, toamo mosia na aha kahanda'mo monsilakai kami. Ka' poloasmo na kami, to posa-posaihon-To aiya, mompolele lele anu lengkat mae hi Kita ka' madi' mabuhuk.

ROMA 10:18

Panyo kupokilawa: Pa' totu'u aha memang ma'isa nohongo lele aijo'? Tantu polo'mo! Kalana i uno nu Kitab nu Tumpu tinulis sumo uuka, “Potatae nu aha sinongkomo i dunia, sisi-sisik nu aha tinokamo i puus nu tano'.”

EFESUS 6:19

Ka' aku suele odo'akon mae da toka i tempo'nyo aku motatae, Tumpu mombee'i mae aku potatae anu sahondo-hondonyo. Ka' da aku baani moko ala mompoto'i lahasia nu Lele Ma'ima' aijo'.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

1 PETRUS 3:14

Panyo mau mule' belemiu tionyo ahi' mongoa'i kasansala'an kalana mombau hahan anu ma'ima', komiu mohumpak dale'! Boli mabuhuk mau pa' hi he, ka' boli bata-bata.

TO MIA-MIAN KOPIAN 9:7

Salatan i hongomo i Yotam na han aijo' ia nambamo tinuminjo aita' i Bungkutnyo nu Gerizim, lantas i loobo'akonnyomo daka-daka' nokaiyong hi mian haha aijo', “Potombihing mae na aku o belemiu to mia-mian anu jojoong i Sikhem da suele belemiu nu hongo nu Tumpu Allah!