YESAYA 40:8 - KITAB NU TUMPU ALLA LELE MA'IMAI'

⁸ Hemput manggasmo ka' bunga-bunga magayoumo, panyo potatae nu Tumpunto tataap sampe toka sidu-sidutu'.”

YESAYA 40:8 ပူးပေါင်းရင်းမြစ်များ

MAZMUR 111:8

Atulan-Nyo opake sampe toka sidu-sidutu' totu'u ka' adin na mompojalan.

YESAYA 59:21

Aku mombaumo palajanjian tiba belemiu: Kuasang-Ku Kubee'mo hi belemiu ka' ajalan-Ku sampe toka sidu-sidutu'. Ajanakon hi to ana-anak nu belemiu da aha mongajanakon suele i tulunan uuka aiya sampe toka sidu-sidutu'.”

YEREMIA 44:29

Ku potokamo mae na balaa' hi belemiu itampat aiya bau pompobukuti hi belemiu saba' hukuman anu tinanga'an-Kumo onabu'akon hi belemiu totu-totu'u memang ahi' ototu'uimo.

ZAKHARIA 1:6

Aha to nabi-nabi posaihon-Ku haha aijo' pinoto'ing-Kumo na to pale-palentang-Ku ka' mule' to poki-pokinde'-Ku da opoto'i hi mompolee' nu belemiu. Panyo aha madi' nompajuli sahingga aha tionyo ahi' montanggung apaa na anu jadi saidi' mae imihinyo. Lantas aha nompele-pele'mo ka' mule' nongakuimo tukoonyo nu aha Akumo na Tumpu Anu Daka' na Kuasanyo mohukumo aha sitimbang tiba kasala'an nu aha ka' susumo ahi' anu tinantukan-Kumo.”

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

MATIUS 24:35

Langit ka' tano' lanjap, panyo potataeng-Ku tataap sampe toka sidu-sidutu'.”

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MARKUS 13:31

Langit ka' dunia lanyap, panyo potataeng-Ku tataap sidu-sidutu'.”

YOHANES 10:35

Osumbu'to apaa na anu tinulis i uno nu Kitab nu Tumpu opake sidu-sidutu'. Jadi de Tumpu monsanggohi ‘tumpu’ hi to mia-mian anu montalima potatae-Nyo,

YOHANES 12:34

Mian da'isan aijo' notatae hi Ia, “De koonyo nu Kitab nu Atulan mami, Tomundo' anu Momposalamat tumuu' sidu-sidutu'. Mosia ka' Beleyum timbali montaloakon Anak nu Mian tionyo ohangkat tangka-tangkas i bawo nu dunia? Ihe na Anak nu Mian aijo'?”

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.