YESAYA 40:3 - KITAB NU TUMPU ALLA LELE MA'IMAI'

³ Daagi' ko potatae anu lewa' nontaloakon, “Posadia na jalan ipadang tampat anu mateges da bau kajalanan nu Tumpu. Pohodi' na jalan daka' ipadang tampat anu loas da bau kajalanan nu Tumpunto!

YESAYA 40:3 ပူးပေါင်းရင်းမြစ်များ

MAZMUR 68:4

Panyo mian anu palesayamo totu-totu'u na bilahimo ahi' ka' lame'mo, aha lewa'mo montaligalai i ahop nu Tumpu kalana sinanangmo.

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 40:4

Iwi-iwi na bangka'nyo tionyo ahi' otabuhi, bungkutnyo tiba puge'nyo opohata. Tano' anu mapuge' pojadimo da mahata ka' anu milebo-lebok opalonde'mo.

YESAYA 43:19

Soba palahatikan, Aku mombaumo apaa na anu sala'je obau; uuka aiya tinampu'unanmo pa' ma'isa, o tinoa nu beleyum? Ku baumo na jalan i padang tampat anu mateges, ka' mule' kaunyo i padang tampat anu ewa.

YESAYA 49:11

Aku mombaumo jalan montulu bungkutnyo iwi-iwi' na jalan anu bau kajalanan-Ku, Ku pohatamo.

YESAYA 57:14

Daagi' ko anu notatae, “Baumo ka' posadiamo na jalan da bau kajalanan nu mian anu palesayamo hi beleng-Ku bolimo daagi' ko anu madi' mombau.”

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

YOHANES 1:23

I Yohanes nontaami, “Akumo na ia anu titinaloakon i Nabi Yesaya: ‘Mian anu noloboo' i padang bone': Pohata na jalan da bau kajalanan nu Tumpu.’ ”