YESAYA 40:1 - KITAB NU TUMPU ALLA LELE MA'IMAI'

¹ Sumo uuka potatae nu Tumpu nu belemiu, “Hase'mo-hase'mo na bansang-Ku!

YESAYA 40:1 ပူးပေါင်းရင်းမြစ်များ

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

MAZMUR 85:3

Belento nongampuni dosa' iwi-iwi' nu mian anu palesayamo hi Belento; ingampunanmo nu Belento na kasala'an nu aha iwi-iwi'.

MAZMUR 85:8

Potoa mae hi kami da osumbu' mami taalu' sabole-boleh ahi' na Belento mongkalibosi mae, o, Tumpu, bee'i mae na kami kasalamatan anu lengkat mae hi Belento.

ANU MOMPOLELE POTATAE NU TUMPU 3:4

Tumpu na nontantukan tempo'nyo da humang ka' tempo'nyo kumojo, tempo'nyo da montando'i ka' tempo'nyo monsalelei.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 41:27

Aku, Tumpu na momona nompolele hi Sion; Aku na nonsai aku nomboa lele ma'ima' hi aha Yerusalem.

YESAYA 50:10

O, belemiu anu moholomati Tumpu, ka' mompotombihing mae potatae nu posaihon-Nyo, jalan anu otului nu belemiu ugaat ahi' pintung madi' kojingkanyo anu monjingkai belemiu; panyo palesaya na Tumpu; paninseha hi Tumpu nu belemiu.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 51:3

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

YESAYA 52:9

Pontaligalaimo lame-lame' o, anu singkapmo ihansun i Yerusalem, kalana Tumpu mohase'mo mian anu palesayamo hi Ia ka' mompobebasmo Yerusalem.

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YEHEZKIEL 16:42

Atina'je ka' Aku madi'mo motambuha' ka' tendamo na kinyonyoang-Ku, Aku madi'mo sola' motambuha' kabai sola' mombata-batai.

ZAKHARIA 1:13

Tumpu nontaani malaikat aijo' tiba potatae anu monghibun,

ZAKHARIA 1:17

Malaekat aijo' nonsaimo aku da mompoto'i potuunon aiya mule', “Tumpu Anu Daka' na Kuasanyo binalajanji'mo tukoo-Nyo to kota-kota'nyo po ule'mo mohumpak kasanangan i uno nu kantumuu'an ka' tukoo-Nyo mule' daagi' minsan na Ia montulungi Yerusalem ka' mongakui salaku tumpunyo Ia ahi'.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

2 KORINTUS 1:4

Ia mompohoson kinyonyoa mami i uno nu kasusa'an anu o'oa'i mami, da kahosonan anu otalima mami lengkat hi Tumpu aijo', kami suele timbali mompohoson kinyonyoa nu iwi-iwi' mian anu i uno nu kasusa'an.

1 TESALONIKA 4:18

Kalana aijo' tionyo ahi' komiu mompaha poho-pohoson kinyonyoa ka' mompake potatae haha aijo' sumo uuka.