YESAYA 4:5 - KITAB NU TUMPU ALLA LELE MA'IMAI'

⁵ Lantas aita i Puge'nyo nu Sion tiba iwi-iwi' na mian anu sinihukmo ikiita' nu potimbalimo nu Tumpu na kundom de sinaamo ka' mule tibuk lantas moak nu apu de pihimo. Kakuasa'an-Nyomo ahi' nu Tumpu na montindungi ka monjagai songko-songko na kota' aijo'.

YESAYA 4:5 ပူးပေါင်းရင်းမြစ်များ

NEHEMIA 9:12

Kundom binaumo pinohohungi nu belento aha de sinaamo. Ka' de pihimo na aha lumajang nu jingkaimo nu belento nu apu.

MAZMUR 105:39

Tumpu nongkokamo kundom da bau pohohungi mian anu palesayamo hi Ia, ka' apu na bau ponjingkai de pihimo.

MAZMUR 111:1

O puji' na Tumpu! Totu-totu'u na kinyonyoangku montalima kaseh hi Tumpu hau-haunyo kiijo' hi aha mian anu palesayamo hi Ia anu binalagombumo.

MAZMUR 78:14

Ia nolaya'mo aha, ka' kundom na binau pinohohungi de sinaamo ka' apu na binau pinonjingkai de pihimo.

MAZMUR 85:9

Aku nohongomo potatae nu Tumpu; ia nonjanji'mo ka'ima'an nu kantumuu'an hi kita, mian anu palesayamo hi Ia, asan kita bolimo po'ule' mombau dosa'.

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

NOSABATMO 14:24

Ohanimo maliana Tumpu nontoamo lengkat mae aita' i jingka nu apu ka' hohung nu kundom nokiijo' hi suludadu nu aha Mesir ka' nompokalangkabutmo.

NOSABATMO 24:16

Jingka nu Tumpu kalana nintatau'mo mae aita' i bungkutnyo aijo', ka' tinoamo nu aha mian nu Israel, sumomo apu anu i noakmo aita' i bawo nu bungkutnyo. Inganomsinaa na kinopinnyo na kundom nonsaput bawo nu bungkutnyo aijo' ka' salatan tinokamo i sinaa kino ipitunnyomo, Tumpu nolagamo i Musa potatae-Nyo lengkat mae i uno nu kundom aijo'.

NOSABATMO 26:1

“Baui na Aku kemah obau sampulu' na kolongan nu lenan anu ma'ima' hondo, otonun tiba laken mobilu', mingkamumu' ka' momea'. Osuji'i na hude aijo' nu gambalan anu sumo malaekat.

NOSABATMO 26:7

Atop nu Kemah aijo' sampulu' ka' sa'angu' na kolongan nu hude bulu nu mee' na obau.

YESAYA 32:18

Mian anu palesayamo hi Tumpu bebasmo ikasusa'an ka' tumuu'mo itampat anu madi' ko anu mompoposia ka' madi'mo ko anu mombau kahengge'an.

YESAYA 33:20

Tonto'i na Sion tampat bau polame'akonanto lamean nu agama. Tonto'i na Yerusalem! Madi' hondo ko anu mompoposia na tampat aijo' bau kajojoongan sumomo ahi' kemah anu madi' toho' ilali-alin, pinontotoli madi' toho' ginautakon, ka' kahohonnyo madi' toho' nobotu'.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 46:13

Ku polia'mo mae na katokaan nu sinaa anu baumo pompo bebasan, kasalamatan anu Kubee' madi'mo daagi' otunda. Ku posalamatmo na Yerusalem ka' mombee'imo kaholomatan hi Israel.”

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

YESAYA 60:2

Dunia sinongkohanmo nu pikat to bansa-bansa sinaputmo nu pintung panyo jingka nu Tumpu binete'mo atina' hi belemiu; sahaya nu kinahampean-Nyo onyata'mo atina' hi belemiu.

MATIUS 18:20

Kalana iya na mian ua'aha kabai totolu' na mogombu kalana Aku, Aku toka i totonga' nu aha.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110