YESAYA 4:2 - KITAB NU TUMPU ALLA LELE MA'IMAI'

² Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YESAYA 4:2 ပူးပေါင်းရင်းမြစ်များ

MAZMUR 67:6

O'amalakon da iwi-iwi' na bansa mompuji' Belento, o, Tumpu, o'amalakon da iwi-iwi' na bansa monsumbu' montalima kase hi Belento.

MAZMUR 72:16

O'amalakon da gandum saja' sida hondo ka' madi' kokamingkotannyo i songko-songko na lipu', ka' iwi-iwi' na puge'nyo kahomo anu mingguna na hasinnyo. O'amalakon da tano'nyo ma'omuk susumo Bungkutnyo nu Libanon, ka' anu monjojoongi kota'nyo ko pintu-pintuangnyomo sumomo hemput i tampat padang anu ewa.

NOSABATMO 28:2

Bau na baju' nu imam anu i Harun, da otoa na ia mian anu o'angga'i.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 26:1

Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 45:8

Lengkat mae ilangit tinau'akon-Kumo na ka'untungan mahampate susumo ujan, tano' binalabukamo da montalimamo ia, lantas nompotumuu'mo kasalamatan tiba kabebasan; Akumo na Tumpu anu nombaumo aijo' sahingga jinadimo.”

YESAYA 53:2

Tumpu mongkahanda'i da posaihon-Nyo aijo' susumo ahi' sulot mae nu kau' anu tumuu' i tano' anu nategesmo. Madi' ko anu ma'ima' na otoanto aijo' hi ia madi' ko anu ma'ima' na anu timbali o kamiluinto.

YESAYA 60:15

Beleyum madi'mo opala'i ka' oka'ideki, ka' madi'mo opojohok da timbali liing hondo. Beleyum Ku pojadimo katalompoan sampe toka sidu-sidutu' bau tampat kalame'an sampe toka sidu-sidutu'.

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

YESAYA 61:11

Mimbalu-balu' bine' anu sinaumo tumuu'mo timbali pomulaon, sumo atina'mo na Tumpu mompotokamae kasalamatan ka' iwi-iwi' na bansa mompuji'mo Ia.”

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 33:15

Toka itempo'nyo aijo' samian na anu lengkat mae hi lee' i Daud Ku pile'imo da timbali tomundo'. Tomundo' aijo' mompojalanmo anu adin tiba anu totu'u isongko-songko na lipu'.

YEREMIA 44:14

Aha mian nu Yehuda anu daagi' tinontuha' anu nambamo i Mesir, ka' jojoongmo kiijo' mae madi'mo daagi' ko samian na daagi' tumuu' kabai madi' silaka. Madi'mo daagi' ko samian na daagi' minsusule' mae i Yehuda maumo ahi' han aijo' talalo hondo nu ka'ima'i nu aha. Totu-totu'u madi'mo daagi' ko anu minsusule' mae, boli mompiakon pa' to pia-piangkuka na mian anu moko ala mopalai.”

YEREMIA 44:28

Me pa' to pia-piangkuka na mian na daagi' tumuu' ka' daagi' minsusule' i Yehuda lengkat mae i Mesir. Sahingga iwi-iwi' na mian nu Yehuda anu kiijo' i Mesir montoaje pa' potatae nu aha kabai pa' potataeng-Ku na anu ko bukutinyo.

YEHEZKIEL 34:29

Ku pojadimo molumba' na ale' iwi-iwi' nu aha, sahingga madi'mo daagi' ko tempo' kasusa'an i anu okaan, ilipu' aijo'. Aha madi'mo daagi' lewa' o, alu nu to bansa-bansa sangga'at.

YEHEZKIEL 36:8

Panyo kona hi belemiu Ku poto'i o, to bungku-bungkutnyo i Israel, ka' mule' iwi-iwi na kau' nu belemiu minsumpeje ka' mimbua' mule' da nu kaan nu mian Israel anu palesayamo hi beleng-Ku anu malia'mo mae minsusule'.

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

YOËL 2:32

Panyo de ihe na momoita tulung hi Tumpu saidi mae nu posalamatmo. Tumpu motataemo, “I Yerusalem to mia-mian anu pinile'an-Kumo oposalamatmo.”

YOËL 3:18

Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.

OBAJA 1:17

“Panyo i bungkutnyo nu Sion saidi' mae ko anumo oposalamat ka' bungkutnyo aijo' timbalimo sa'angu' na tampat bau katokaan-Ku. Sahingga lee' i Yakub po Ule'mo montumpui tano' pusaka' nu aha.

ZAKHARIA 3:8

Hongo mae Imam Daka' Yosua, ka' suele belemiu to ima-imam anu salaku to sanga-sangalunyo, belemiu iwi-iwi' aijo'mo na bau ibalat nu kantumuu'an ma'ima'mo aiya mae i ahop. De tokamo i tempo'nyo aijo' Ku palentahje na posaihon-Ku anu osa-osanggohi, ‘Sang Tunas’.

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

MATIUS 24:22

De Tumpu madi' mompokodo' tempo'nyo; saba' madi' ko samian pe'e anu salamat. Panyo kalana mian, anu palesayamo hi Ia Tumpu, nompokodo'mo tempo'nyo aijo'.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.