YESAYA 39:2 - KITAB NU TUMPU ALLA LELE MA'IMAI'

² I Hizkia nolabotmo aha anu sinai mae aijo' ka' sinanangmo hondo na kinyonyoanyo ka' nompotoamo iwi-iwi na kakaya'annyo aijo'mo mosoni', tiba salaka, to lampa-lampa, ka' mule' minya-minya' ka' mule' iwi-iwi' na suludadunyo anu pinosadiannyomo. Madi' ko sa'angu' pe'e anu i uno nu laigan nu tomundo' ka' isongko-songko na kalaja'annyo na madi' pinotoanyo hi aha aijo'.

YESAYA 39:2 ပူးပေါင်းရင်းမြစ်များ

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 10:15

ma'isa minsoop na ka'untungan sangga'at anu o humpak badagang ka' hasin anu o'ala hi to mia-mian anu badagang, to tomu-tomundo' nu Arab ka' anu o humpak gohi to gubo-gubolonun nu Israel.

1 TOMU-TOMUNDO' 10:2

Ia namba sinangaluan nu mian da'isan hondo, ka' unta pinaha posake'an manjo'ona lampa-lampa, to batu-batu nu mainan, ka' mosoni' manjoo' hondo. Salatan siningkabotmo tiba i Salomo, tomundo' boune aijo' soba sobamo nompokilawa iwi-iwi' na ngahannyo anu uutu i kinyonyoanyo.

1 TOMU-TOMUNDO' 10:25

Aha toto samian de aha toka mae ko anu nu boa mae nu aha o palasen nakon hi Salomo. Aha mombee'i to bala-balang salaka, mosoni', hude, toongon anu bau pahampate, santo lampa-lampa, ajahan ka' bagal. Sumo aijo'mo sataun toka sataun.

2 TOMU-TOMUNDO' 20:13

I Hizkia nolabotmo ma'i-ma'ima' mian haha aijo' ka' pinotoanyo na kakaya'annyo aijo'mo mosoni' ka' salaka, to lampa-lampa, ka' minya-minya' ka' iwi-iwi' na talakonan nu suludadunyo. Iwi-iwi' apaa na anu kiijo' i laigan nu tomundo' ka' anu i songko-songko na kalaja'annyo pinaha potoanyomo hi aha madi' ko anu madi' pinotoanyo.

2 TAWARIKH 32:25

Panyo kalana ia sinombongmo, ia madi'mo nontalima kase hi Tumpu kalana na'alinmo na ia. Kalana aitu tinambuha'anmo nu Tumpu na Yerusalem ka' Yehuda.

2 TAWARIKH 32:27

I Tomundo Hizkia kinayamo hondo ka' iwi-iwi' na mian nongangga'imo ia. Ia nombaumo pa' sangkuka na salipi' pompo'una'annyo kakaya'annyo aijo'mo: mosoni', salaka, batu mainan, to lampa-lampa, kanta ka' to bala-balang anu mahan na olinyo sangga'at.

2 TAWARIKH 32:31

Ka' tempo'nyo to mia-mian anu sinai mae lengkat i Babel tinoka nompokilawa mosia ka' po'ule' na'alin, kalana ia na'alin aijo' memang okahelani hondo, Tumpu nompojohokmo i Hizkia mosi batanga' da o uji' na kinyonyoanyo.

2 TAWARIKH 9:1

Tomundo boune i lipu' Syeba nohongomo mae lele i Salomo anu tinalasanggomo. Sahingga ia nambamo mae i Yerusalem kahanda' monsobai i Salomo, ia nompokilawa han anu toto maha-mahan. Ia tinoka mae sinangaluan mae nu mian nanjoo' hondo, ka' unta anu pinaha posake'an mae manjoo' hondo na to lampa-lampa, batu mainan, ka' suele mosoni' manjoo' hondo. Salatan siningkabotmo tiba i Salomo, tomundo boune aijo' lewa'mo nompokilawa nga-ngahan nu han anu lewa'mo pinotutugakonnyo.

2 TAWARIKH 9:9

Lapas aijo' tomundo boune nu lipu' Syeba aijo' nombee'mo hi Salomo palasen mosoni' anu binoanyo mae molabi 400 na kilogram na mosoni', ka' mule' batu mainan ka' to lampa-lampa manjoo' hondo. Madi'mo toho' i Salomo nohumpak to lampa-lampa anu sumo aijo' na ko'ima'nyo susumo anu binee'mo i tomundo boune nu lipu' Syeba aijo', hi ia. (

AYUB 31:25

kabai nombuulakonmo kakaya'anku.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

ANU MOMPOLELE POTATAE NU TUMPU 7:20

I dunia aiya madi' ko mian anu talakana'; madi' koa anu saja' mombau anu ma'ima' ka' madi' toho' binaladosa'.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

1 YOHANES 1:8

De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.