YESAYA 3:8 - KITAB NU TUMPU ALLA LELE MA'IMAI'

⁸ Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

YESAYA 3:8 ပူးပေါင်းရင်းမြစ်များ

2 TAWARIKH 28:18

Tempo'nyo aitu mule' mian nu Filistin nontumbuhimo to kota-kota i da'erah anu i tengkenyo nu bungkutnyo sasu kinsoban ka' i da'erah sasu selatan Yehuda. Aha nongkuasaimo kota' Bet-Semes, Ayalon, ka' Gederot, tiba kota' Sokho, Timna ka' Gomzo ka' mule' kampung toto ise-ise' anu mompaha ohani kota' totolu' haha aijo', lantas jinojoongmo i kiijo'.

2 TAWARIKH 33:11

Mokonyo aijo' pinotokamo mae nu Tumpu na to tale-talenga'nyo nu suludadu nu aha Asyur nontumbuhi Yehuda. I Manasye i hakop nu pongkakait lantas pinungumo ka' binoamo i Babel.

AMSAL 26:27

Ihe na mongkeke bolo' da bau panabu'an nu mian sangga'at aijo' baumo panabu'annyo. Ihe na molingginakon batu da nu kona na mian sangga'at, posi ia na nu tuda' nu batu aijo'.

YESAYA 1:7

Lipu' nu belemiu ingideanmo; kota-kota' nu belemiu pinapuanmo iwi-iwi'. Mian anu i salipu'an nongalamo tano' nu belemiu ka' ingideannyomo na isinyo.

YESAYA 49:19

Lipu' nu beleyum anu kinunmo ka' iliingmo hondo uuka aiya binunsokmo hondo hi aha to mia-mian anu kahanda' monjojoongi. Ka' aha to mia-mian anu kahanda'mo mompatei beleyum, nambamo jo'o-jo'on nompala'i beleyum.

YESAYA 57:4

Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?

YESAYA 59:3

Belemiu sinala'mo kalana binaleko'mo ka' mule' nombaumo anu madi' totu'u kalana talalomo ahi' sininggi ka' sola'mo nompatei mian.

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YEREMIA 23:36

Aha madi'mo timbali daagi' monggunakon potatae, ‘tanggungan anu nu bee' nu Tumpu’. De daagi' ko mian anu monggunakon potatae aijo', saba' Ku pojadimo na potuunon-Ku totu-totu'u da baumo tanggungan anu obee'mo hi ia. Mian anu montaloakon ‘tanggungan anu nu bee' nu Tumpu'’ ola kalana monggeo-geo'akon potataeng-Ku, Tumpu Allah nu aha, Tumpu Allah anu tumuu', Tumpu Anu Mahakuasa.

YEREMIA 26:18

“Tempo'nyo i Hizkia tinimbalimo tomundo' nu Yehuda, i Nabi Mikha anu lengkat mae i Moresyet nompoto'imo hi aha mian da'isan potatae sumo uutu, lengkat mae hi Tumpu Anu Mahakuasa, ‘Sion opajekomo susumo ale' Yerusalem timbalimo tambulan nu anu na'idekmo, tiba puge'nyo nu Laigan nu Tumpu timbalimo alas.’

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 4:13

Soba toa sampobali tinokamo mae sumomo ahi' kundom. Kareta nu aha anu bau pahampate sumomo ahi' tombusisi', ajahan nu aha lebe malia' nulingkudui na bonyia nu mahap. Ado silakamo na kita! Kita mohopu'mo!

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

YEHEZKIEL 8:12

Tumpu notataemo hi belengku, “O, manusia anu madi' tumuu' batu, tinoamo nu beleyum apaa na anu binaumo nu to pola-polaya' nu Israel pohowini nu aha na mombau aijo'? Aha monsombah i unonyo aijo' kalana koonyo nu aha Aku nompala'imo lipu' aiya, ka' madi' mule' montoa palabuatan nu aha.”

YEHEZKIEL 9:9

Tinaaman nu Tumpu, “Aha to mia-mian nu Israel tiba Yehuda nombaumo dosa' anu daka' hondo. Aha nompateimo isongko-songko na tampat, ka' Yerusalem ihumimi'anmo nu palabuatan anu ma'idek. Aha nontaloakonmo tukoonyo nu aha Aku, Tumpu nompala'imo lipu' aiya sahingga madi'mo montoa palabuatan nu aha.

HOSEA 5:5

Katabuulan nu mian Israel talalomo hondo inyata' ka' tinimbalimo bukuti' nu kasala'an nu aha. Dosa' nu aha nonsaduakonmo aha tinosumpun ka' notua', ka' bansa Yehuda suele notua'mo tiba aha.

HOSEA 7:16

Aha lasaja mombatuki topilo pilogot anu madi kokuasa apa-apaa. Aha madi bisa otahaimani sumo panah anu madi mayontok. To tana tanaas nu aha la saja motatae sombong. Mokanyo aitu aha tionyo opatei nu bajak ka nu kokojoi nu tomia mian nu Mesir.”

MIKHA 3:12

Kalana palabuatan nu belemiu anu ma'idek aijo', Sion opajekomo susumo ale'. Yerusalem timbalimo tambulan nu laigan anu i hansunmo ka' mule' puge'nyo aita' pipinombauan Laigan nu Tumpu timbalimo alas ka' hemputonmo.

MIKHA 6:12

To mia-mian anu kaya i kota nu belemiu mongkabisa'i mian anu kasiasi ka' mule' belemiu iwi-iwi' singkap ahi' baleko'.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

YUDAS 1:15

kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”