YESAYA 3:5 - KITAB NU TUMPU ALLA LELE MA'IMAI'

⁵ Aha to mia-mian mompaha bebee'mo kasusa'an. To oli-olitau madi'mo mompajuli aha to tu'a-tu'anyo ka' mian anu kasiasi madi'mo mompajuli mian anu kaya.

YESAYA 3:5 ပူးပေါင်းရင်းမြစ်များ

2 TOMU-TOMUNDO' 2:23

Lapas aijo' i Elisa nambamo nompala'i Yerikho ka' nambamo i Betel, I olot nu jalan daagi' ko to ana-anak pa' aha sangkuka nosabatmo mae lengkat i kota' lewa'mo nongkokojoi ia, “O ubak lenggeng, ubak lenggeng, lako' pala'i na tampat aiya!” na anu lewa' i loobo'akon nu aha.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 11:13

Kalaja'an Israel madi'mo daagi' mongka'ideki kalaja'an Yehuda, ka' mule' kalaja'an Yehuda madi'mo daagi' monsampobali' Israel.

YESAYA 19:2

Tumpu notataemo, “Aku mompojadimo pahampatean utus mongewa utusnyo i Mesir: Anu mompaha ohani laigan mompaha ewa-ewamo kota' mongewamo kota', kalaja'an mongewamo kalaja'an.

YESAYA 9:18

Tumpu Anu Daka' na Kuasanyo talalomo hondo notambuha' ka' hukuman anu Nu nabu'akon sumomo apu anu kino ilos-ilosmo ka' bansa aijo', aijo'mo na anu nu nu toyo'imo. Madi'mo daagi' kosamian na anu mongkalibosi utusnyo.

YEREMIA 22:17

Panyo beleyum, Yoyakim, sangalasan. Beleyum ola molio posi ka untungan nu beleyum. Beleyum nompateimo mian anu madi' ko sala'nyo ka' talalo ahi' monsakisa mian da'isan nu beleyum ka' talalo ahi' singgi.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

IMAMAT 19:32

O angga'i ka' o adati na to mia-mian anu motu'amo. Tionyo ahi' belemiu mongadati ka' okabuhuk na Aku, kalana Akumo na Tumpu.

AMOS 4:1

Potombihing mae to bou-boune nu Samaria anu nompaka polompo'mo susumo to sapi-sapi' anu molompo' kiijo' i Basan! Belemiu mongkabisa'i mian anu madi'moko ala, lewa' mompakisa mongala anu nu mian kakiasi, ka' mompa kisa mo'ane nu belemiu da saja' momposadiakon inumon anu moko palangu hi belemiu!

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MIKHA 7:2

Mian anu madi' tageo' na kinyonyoanyo imadi'mo ko anu jinojoong ilipu', mian anu tulu-tulutan hi Tumpu madi'mo daagi' kinabot. Batu-batu mian montanda'imo kasampatan kahanda'mo mompatei. Toto samian nompokonamo so'o da bau pohakop sangko mian.

ZAKHARIA 11:6

Aku madi'mo daagi' kokalibosan maumo pa'hihe na mian ilipu' aiya. Ku bee'mo iwi-iwi' na miannyo hi aha anu balakuasa. Aha aijo' mohansunimo lipu' aiya, ka' Aku madi'mo mompo ago aijo' ikakuasa'an nu aha.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 26:67

Lantas aha nontupe'i ohup i Yesus ka' nomboboti Ia. Daagi' mule' ko anu nohapa' Ia,

MARKUS 14:65

Lantas to pia-piangkuka na mian nontampu'unimo nontupe'i Yesus, ka' aha nongkukubi mata-Nyo ka' nondoke Ia, lantas notatae, “Soba tili'i, ihena nondoke Beleyum?” To sulu-suludadu suele nohapa'mo i Yesus.

LUKAS 22:64

Binobodan nu aha na mata-Nyo ka' pinokilawa nu aha hi Ia, “Soba tili'i, ihe na nondoke Oko?”

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.