YESAYA 3:10 - KITAB NU TUMPU ALLA LELE MA'IMAI'

¹⁰ Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 3:10 ပူးပေါင်းရင်းမြစ်များ

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

MAZMUR 58:11

Montoa mian anu ma'idek na kinyonyoanyo i hukumo, mian anu hodi' na kinyonyoanyo i lame'mo, ka' mombaso'imo tengkenyo i baso' nu mian anu palaganta.

NOSABATMO 1:20

Sahingga Tumpu Allah nombalakatimo to bou-boune anu montulungi mompohampe anak, ka' nombee'imo lee' hi aha, kalana aha mongadati Tumpu Allah. Ka' mian nu Israel mule' nompaka panjoo'mo ka' to hoso-hoson.

AMSAL 10:6

Mian anu manonong mohumpak balakat. Panyo palabuatan nu mian anu taha-tahahumo hi mian kiijo' sulu-sulu' ipotatae nu mian anu ma'idek na kinyonyoanyo.

AMSAL 12:14

Toto samian mohumpakmo hukuman sitimbang tiba potataenyo ka' palabuatannyo, panyo toto samian obee'i tambonyo ka' sitimbang tiba palabuatannyo.

AMSAL 13:21

Mian anu baladosa' saja' otumput nu kasoe'an; panyo mian anu manonong saja' mohumpak kasanangan i uno nu kantumuu'annyo.

AMSAL 18:21

Jila' ko kuasanyo momposalamat kantumuu'an kabai mongidei; mian tionyo ahi' montanggung apaa na anu tinaloakonnyomo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YEREMIA 15:11

O Tumpu de aku madi' ahi' nompojalan pakalaja'anku na'i-na'ima' ka' madi' ahi' nontinjohi sampobali' i ahop nu Belento tempo'nyo aha nohumpakmo balaa' ka' kasusa'an, yo bakasmo da pinongkutuki mae nu mian haha aijo' totu-totu'u jadimo mae. (

YEREMIA 21:14

panyo Ku hukumo na beleyum kalana palabuatan nu beleyum atina'. Laigan nu tomundo' nu belemiu Ku papumo, ka' sinin na apaa anu atina' ohani suele ahi' motoyo'mo. Aku, Tumpu notataemo.”

YEREMIA 22:15

Potombihing mae o Tomundo' Yoyakim! De beleyum mombaumo laigan nu tomundo' kau' lontio' anu ma'ima' hondo lengkat mae i Libanon, pa' aijo' timbalimo sa'angu' na bukutinyo saba' beleyumo na tomundo' anu lebe ma'ima' molingkudui tomundo'-tomundo' sangga'at? Soba tutugi na tuuma nu beleyum: Ia nolasaimo kasanangan i uno nu kantumuu'an ka' iwi-iwi' na usahanyo ihumpaknyomo kalana ia saja' hodi' na kinyonyoa ka' mule' mongulus palakala nu mian anu kasiasi adin hondo. Memang sumo aijo' ahi' na palabuatan nu mian anu monsumbu' Tumpu.

YEREMIA 7:23

Aku ola nompalentahkon hi aha da montuluti Aku da Aku timbalimo Tumpu Allah nu aha, ka' mule' aha timbalimo mian anu palesayamo hi beleng-Ku. Aku nompalentahmo aha da tumuu' montuluti sinin na palentang-Ku da kantumuu'an nu aha timbali ma'ima'.

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 9:4

“Lako' songkohi na kota' aiya ka' obee'i tanda isiakan nu aha toto samian na anu nongoa'imo kasusa'an kalana palabuatan anu okahegati bibinaumo nu aha ikota' aijo'.”

MIKHA 7:13

Panyo tano' timbalimo kun kalana palabuatan anu ma'idek nu mian anu jojoong ikiijo'.

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

LUKAS 19:19

Hi pokauhon aijo', tomundo notatae, ‘Beleyum timbali mongkuasai olima' na kota.’

PO'ULE' INGULIT 12:25

De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.