YESAYA 3:1 - KITAB NU TUMPU ALLA LELE MA'IMAI'

¹ Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YESAYA 3:1 ပူးပေါင်းရင်းမြစ်များ

2 TOMU-TOMUNDO' 25:3

I tanggan ko osio'nyomo bitu'on anu ko opatnyomo i taun aijo' salatan tinalalomo hondo na balaa' kasusa'an i anu o kaan, sahingga mian da'isan madi'mo hondo-hondo ko anu okaan,

MAZMUR 105:16

Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

YESAYA 1:24

Kalana aijo' Tumpu Anu Daka' na Kuasanyo, Tumpu Israel notatae, “O, mian anu monsampobali' Aku, Ku balosakonmo na idekku hi belemiu sahingga belemiu madi'mo monsusa'i Aku.

YESAYA 2:22

Jadi boli montaha'imani mian anu madi' tumuu' batu kalana ia madi' ko angga'nyo.

YESAYA 3:16

Tumpu notatae, “Buulon hondo na to bou-boune nu Yerusalem! Aha saja' honbagaya ka' saja mata kalajang ka' mule' aha lumajang saja' kotige-tige. Aha lu majang sumo anu obau-bau ka' gilinsingan na galang nu tengkenyo.

YESAYA 36:12

Suludadu nu Asyur mata-matangkas na pangkatnyo aijo' nontaamimo, “Te ola toka hi belemiu tiba hi tomundo' nu belemiu na aku pinalentah mae nu tomundo' Asyur mompotoka potatae aiya iwi-iwi'? Aku suele ahi' motatae hi mian da'isan anu paha-paha suhang ipagan mesen aita' anu saidi' mae hingga-hinggat tiba belemiu mongkaan posi anu sala'nyo ka' mule' monginum posi tatidi'nyo.”

YESAYA 5:13

Kalana aijo' mian anu palesayamo hi beleng-Ku anu pinonga'mo oboamo salaku mian anu ihakop. To pola-polaya' tiba aha mian da'isan saidi' mae mateje nu ohop ka' mule' mate nu megot.

YESAYA 51:22

Sumo uuka na potatae nu Tumpu nu beleyum Tumpu nu beleyum anu nontinjohimo belemiu, “Kasansala'an anu binee'-Kumo kalana Aku notambuha'mo, po ule'mo Ku ala da madi'mo nu kona na belemiu. Aku madi'mo motambuha' ka' belemiu madi'mo daagi' montanggung.

YESAYA 9:20

Aha mian nu Manasye tiba aha mian nu Efraim mompaha tumbu-tumbuhimo lantas mosangalumo mongewa Yehuda. Panyo Tumpu daagi' ahi' tataap motambuha' ka' tataap mule' ahi monabu'akon hukuman.

YEREMIA 37:21

Sahingga i Tomundo' Zedekia nompalentahkonmo da aku otalungku'mo i popasan nu nu laigan nu tomundo'. Jadi aku jinojoongmo ikiijo' mae, ka' sansina-sinaa obee'i roti anu o'alamae itampat pombauan roti sampe palasadia'an roti ikota' aijo' i ningkotmo iwi-iwi'.

YEREMIA 38:9

“Tuan Anu Opopodaka', palabuatan nu mian haha aijo' madi' ma'ima'. Aha nonguluakonmo i Nabi Yeremia i uno nu bubung; ia tantu silakamo nu ohop ikaiyong, kalana anu okaan i kota' aiya ningkotmo.”

YEREMIA 52:3

Tumpu notambuha'mo hondo hi aha mian anu jojoong i Yerusalem tiba aha mian nu Yehuda sahingga ilaa'-Nyomo na aha ka' madi'mo daagi' nonjagai aha. I Zedekia notomuhukmo hi Nebukadnezar tomundo' nu aha Babel,

YEREMIA 52:6

Itanggan kino osio'nyomo bitu'on ko opatnyomo tauno ai-aijo', tempo'nyo balaa' kasusa'an i anu okaan tinahahumo hondo sahingga mian da'isan madi'mo daagi' ko anu okaan,

MOHAANGI 5:4

Uee anu o'inum ka' kau' anu oposun tionyo ahi' o'oli mami.

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

AMOS 4:6

Akumo na anu mombee'i balaa' ka ohopan hi belemiu iwi-iwi' na kota' nubelemiu, panyo belemiu madi' po'ule' minsusule' mae hi beleng-Ku.

MIKHA 4:9

Kadaka' humangmo na beleyum hoso-hoson? Kadaka' beleyum nongoa'imo kasansala'an susumo boune anu kahanda'mo monganak? Pa' ugaat kalana beleyum madi' ko tomundo'nyo ka' mule' anu lewa' mompokinde'i beleyum sinilakamo?