YESAYA 27:9 - KITAB NU TUMPU ALLA LELE MA'IMAI'

⁹ Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YESAYA 27:9 ပူးပေါင်းရင်းမြစ်များ

2 TOMU-TOMUNDO' 10:26

ka' nosabatakonmo patong nu Baal lantas pinapuanmo nu aha.

2 TOMU-TOMUNDO' 23:14

Tugu iwi-iwi' nu pilogot tiba patong boune Asyera ihobo'akonmo lantas tano' anu pinombauan tugu haha aijo' tiba patong haha aijo' tinambulanmo i Yosia nu to buku-buku nu manusia.

2 TOMU-TOMUNDO' 25:9

I Nebuzaradan nompapumo Laigan nu Tumpu, laigan nu tomundo' ka' laigan iwi-iwi' nu to mia-mian anu talasanggo i Yerusalem.

2 TAWARIKH 14:5

Iwi-iwi' na tampat ponsomban pilogot ka'tampat pompapuan kamangian anu i uno nu iwi-iwi' na kota Yehuda pinaha alinanyomo. Sahingga madi'mo lewa' ko anu mompoposia kalaja'annyo aijo', tempo'nyo ia na nompalentah.

2 TAWARIKH 34:4

Patong ka' bapilogotan haha aijo' ingideanmo nu suludadu i Yosia lantas abu'nyo kinakambuhakonmo nu aha i pinolamunan to mia-mian anu nonsombahkonmo koloban hi to pilo-pilogot haha aijo'. Sinin na mezbah nu Baal ka' mezbah pompapuan kamangian anu daagi' i kiijo' i hobo'akonmo nu aha.

2 TAWARIKH 36:19

Pagan mesen nu kota Yerusalem i hobo'akonnyomo ka' pinapunyomo na kota aijo', tibamo Laigan nu Tumpu ka' iwi-iwi' na laigan nu tomundo tibamo sinin na balangnyo anu mahan na olinyo anu daagi' kiijo' i iwi-iwi' i laigan nu tomundo.

MAZMUR 119:67

Ma'isa aku i hukum, aku noselemo madi'mo nontuluti palentah nu Belento, uuka aiya aku nontoongimo palentah nu Belento.

MAZMUR 119:71

Memang sahanyo Belento mohukumo mae aku, da ku sumbu' na atulan iwi-iwi' nu Belento.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

AMSAL 20:30

Toto minsan kasusa'an anu o'oa'i mongalini palabuatan anu ma'idek, ka' mompobelesi' kinyonyoa nu manusia.

YESAYA 1:29

Aha ma'ambangmo kalana lewa'mo nonsombah to ka-kau' ka' nontantukan ale' da baumo bagi nu to pilo-pilogot.

YESAYA 17:8

Aha madi'mo daagi' montaha'imani hasin nu posi palabuatan nu aha, aijo'mo mezbah-mezbah tampat pompapuan kamangian ka' mule' iwi-iwi na patong Pilogot boune Asyera.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 4:4

Kakuasa'anmo nu Tumpu na momputusi saidi' mae ka' mompoko ima'imo mian anu palesayamo hi Ia. Ia mompobelesi'mo baso' nu to mia-mian i Yerusalem anu pinatean ikota' aijo'.

YESAYA 40:2

Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”

YESAYA 48:10

Aku nonguji'mo beleyum i uno nu apu kasansala'an susumo salaka sinuangmo i uno nu apu.

YEHEZKIEL 11:18

De aha minsusule'mo mae, iwi-iwi' na pilogot anu mahumimi' ka' okahegati tionyo ahi' nu alin nu aha na anu ingalamo nu aha.

YEHEZKIEL 20:38

To mia-mian anu saja' motomuhuk tiba anu saja' mombau palabuatan anu ma'idek madi'mo Ku pogalum atina' hi belemiu. Aha Ku boamo mosabat lengkat lipu' iwi-iwi', tampat nu aha tempo uuka aiya ka' madi'mo Ku pobee' minsusule' itano' nu Israel. Sahingga nu sumbu'je nu belemiu taalu' Akumo ahi' na Tumpu.”

YEHEZKIEL 6:4

Iwi-iwi' na mezbahnyo otua'akonmo ka' mule' anu sola' pompapuan kamangian opahambiha'akonmo. Iwi-iwi' na mian anu ikiijo' opateimo i ahop nu pilogotnyo.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

MIKHA 5:11

To aji-ajimat nu belemiu Ku hopu'imo ka' mule' iwi-iwi' na anu topo tahi'i Ku laa'mo.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

ROMA 11:27

Aku binajanji'mo salaku bau pontoongingku aha tempo'nyo Aku nongampunimo to dosa-dosa' nu aha.”

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

PO'ULE' INGULIT 12:3

Hobo'akon na mezbah nu aha haha aijo' ka' pahantutukakon na ohi' batu haha aijo' anu nusangka nu aha ko balakatnyo. Papui na anu bau pontandai Asyera ka' hansuni na to pato-patong bapilogotan nu aha, sahingga pilogot haha aijo' madi'mo osombah i tampat nu aha haha aijo'.

IBRANI 12:6

Kalana Tumpu mompokinde'i, batu-batu mian anu Nu kalibosi, ka' Nu pohos na batu-batu mian anu Nu akui salaku anak-Nyo.”