YESAYA 27:8 - KITAB NU TUMPU ALLA LELE MA'IMAI'

⁸ Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YESAYA 27:8 ပူးပေါင်းရင်းမြစ်များ

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

YEHEZKIEL 19:12

Panyo ia ginautmo nu lima nu to mia-mian anu pinusamo, lapas aijo' ilumbu'akonmo i tano'. Mombun anu lengkat mae isasu Kabete'an, nomanggasimo bua'nyo anu ma'ima'. Panga'nyo nopato'mo ka' nanggasmo lantas pinapuanmo.

YEREMIA 10:24

Doke mae na kami o Tumpu panyo boli ahi' talalomo opolanit na mondoke mae. Ka' boli ahi' mohukum mae kami de Belento hau-haunyomo pusa, kalana tantu kami silakamo ingko-ingkot.

YEREMIA 4:11

Tempo'nyo tokamo mae mian nu Yehuda tiba mian anu jojoong i Yerusalem mohumpak mo lele koonyo mombun anu mapanas lengkat mae ipadang tampat anu mateges hau-haunyomo tobung mamba hi aha. Mombun aijo' misa' mombun biasa anu ola molahabakon ota',

1 PETRUS 1:6

Kalana aijo' oposanang na kinyonyoa miu, kalana tempo' uuka mau mule' ola sasaingoni' na tempo' panyo komiu tionyo susa' kalana saidi' mae komiu mongoa'i ngangahan nu soba'an.

HOSEA 13:15

Naumo Israel sinanangmo na kantumuu'an nu aha susumo hemput anu molumba' panyo Ku pokauje na mombun nu kabete'an anu mapanas hondo lengkat mae i padang anu mateges. Mombun aijo' na montiisi iwi-iwi na mata nu uee tiba to bubu-bubung. Sahingga manggasmo iwi-iwi' na anu mahan na olinyo.

YEREMIA 46:28

Jadi bolimo daagi' mabuhuk, o mian anu palesayamo hi beleng-Ku Aku tokamo mae momposalamat belemiu. To bansa-bansa, tampat pipinongga'a-gaa'takonan-Kumo belemiu iwi-iwi' Ku silakaimo, panyo belemiu na madi' ahi' sumo aijo'. Memang belemiu madi' ahi' bebas ihukuman panyo hukuman-Ku anu onabu'akon hi belemiu na adin ahi' madi' mompahasala' tiba anu tinantukanmo. Aku, Tumpu, notataemo.”

YEREMIA 30:11

Aku tokamo mae ka' belemiu Ku posalamatmo. Bansa-bansa, tampat pinongga'a-ga'atakonan-Ku belemiu iwi-iwi' Ku silakaimo, panyo belemiu na madi' ahi' Ku bau sumo aijo'. Memang belemiu madi' ahi' bebas ihukuman panyo hukuman anu Ku bee' hi belemiu na adin ahi' sosok tiba anu sahondo-hondonyo. Aku, Tumpu notataemo.”

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

YESAYA 57:16

Madi' sampe toka sidu-sidutu'mo na Aku mompisala'i mian anu palesayamo hi beleng-Ku; madi' ahi' saja'mo Aku motambuha', da boli hente na kinyonyoa nu aha, padahan Akumo aiya na mompotumuu' aha.

YESAYA 54:7

“Ola sasaingoni' na aku mompala'i beleyum; po'ule Ku ala na beleyum kalana okalibosi hondo.

YESAYA 50:1

Tumpu notataemo hi aha Israel, “O, mian anu palesayamo hi beleng-Ku, nu sangka nu beleyum Aku molaa'mo beleyum, susumo samian na langkai' nu mian molaa'mo bengkele'nyo? De sumo aijo' yo iya na sulat poga'atan? Nu sangka nu beleyum Aku mompobalukmo beleyum, susumo samian na tuuma mompobalukmo anaknyo hi mian anu nontagemo samaya? Misa' ahi' sumo aijo'! Beleyum ihakop ka' binoamo ilipu' nu mian, kalana dosa' ahi' tiba palabuatan ma'idek nu beleyum!

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 1:5

Kadaka' belemiu me saja' monggagakon? Mongka'oho' na belemiu da o hukum nu anu lebe talalo maboat hondo? Ubak nu beleyum sinongkomo nu kumahut anu minana' ka' mabusik, ma'idekanmo na kinyonyoa nu beleyum ka' pikilan nu beleyum.

MAZMUR 103:14

Kalana nusumbu' nu Tumpu, kita aiya apaa sabenannyo na binau, nu tutugi kita aiya ola abu' na gampanyo.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

MAZMUR 38:1

Mazmur i Daud tempo'nyo ia nonsombahkon koloban salaku peringatan.

MAZMUR 6:1

Anu mongkapalai panyanyi. Okuti'akon kasapi. Lagunyo ingala anu ko uwalu'nyo. Mazmur i Daud.

AYUB 23:6

pa' ia memang mompotoamo mae ahi' kakuasa'annyo hi belengku? Madi' mule'! Ia tantu mohongo mae ahi' potataengku?

MAZMUR 103:9

Ia madi' sabole-boleh saja'mo monsegai ka' madi' motambuha' sampemo toka sidu-sidutu'.

YESAYA 64:5

Belento molalabot mian anu hodi' na kinyonyoanyo ka' anu tumuu' montuluti pongka'oho' nu Belento. Belento nontambuha'imo kami panyo kami tataap ahi' baladosa' memang naipuan pe'e mae kami sinala'mo.

MOHAANGI 3:31

Kalana, Tumpu madi' kokoan madi'mo montalima kita sampe toka sidu-sidutu'.

MOHAANGI 3:32

Salatan ia nombee'imo mae kasansala'an ia mule' nolibosmo ahi', kalana ia tataap mongkalibosi kita tiba liibos anu madi' ko kahimpusannyo.