YESAYA 26:8 - KITAB NU TUMPU ALLA LELE MA'IMAI'

⁸ Kami montulutimo kaputusan nu Belento, o, Tumpu, ka' saja'mo montanda'i Belento; Belentomo na anu opuji ka' mule' anu o, inau'nu kinyonyoa mami.

YESAYA 26:8 ပူးပေါင်းရင်းမြစ်များ

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

MAZMUR 106:3

Mohumpak ka'ima'an na mian anu montuluti totu-totu'u palentahnyo iwi-iwi', ka' saja' totu'u na anu, nu bau.

MAZMUR 130:5

Aku montanda'imo pontulungi mae nu Tumpu, anu jinanji'-Nyomo, ku taha'imanimo.

MAZMUR 18:23

iwi-iwi' na atulan-Nyo sabole-boleh ku inau', palentah-Nyo iwi-iwi' madi' ku kolilimi.

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 65:6

Belento nontaamimo mae kami ka' nombee'imo mae kami da inguntungmo na nahampate, binaumo nu Belento na hahan anu okabangangi kahanda' momposalamat kami. Belento na kataha'imanan nu bansa iwi-iwi' toka-toka i ndalangon anu najo'onmo.

MAZMUR 73:25

Ihe na anungku kiita' i suluga', olamo ahi' samata-mata Belento? Madi' ko anu ku ka'ima'i sangga'at i dunia aiya, olamo ahi' samata-mata Belento.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

NYANYIAN ANU TALASANGGO 5:8

Balajanji'mo na belemiu to lalangkoyang nu Yerusalem, poto'i hi ia saba' aku talalomo nongka'ima'i ia.

YESAYA 12:4

Tokaje mae na tempo'nyo belemiu motataemo, “Pontalima kaseh hi Tumpu, ka' sombahmo na Ia. Bebakonmo hi aha to bansa-bansa na katalasanggoan ka' mule' iwi-iwi' na anu binau-Nyomo.

YESAYA 24:15

ka' mian anu isasu kinsoban mompuji'mo Ia. Mian nu jojoong isonibi nu ambai mompuji'mo katalasanggoan nu Tumpu, Tumpu Israel.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 26:13

Kami toho'mo kinuasan nu to tuan-tuan sangga'at, panyo ola-olamo ahi' Belento na anu o, akui mami, o, Tumpu mami!

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 33:2

O, Tumpu, kalibosiakon mae na kami. Belentomo na anu otaha'imani mami. Jagaiakon mae na kami sansina-sinaa ka' posalamatakon mae na kami de kami sakisamo.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 51:4

O, intomakon na potataeng-Ku, o, belemiu bansang-Ku, potombihing mae na potataeng-Ku, o, mian anu palesayamo hi beleng-Ku. Ku bee'imo pangajalan-Ku hi aha to bansa-bansa, sinin na atulan-Ku monjingkaimo aha.

YESAYA 56:1

Tumpu notatae hi mian anu palesayamo hi Ia, “Baumo apaa na anu adin ka' anu situju hi atulan-Ku. Kalana madi'mo daagi' pin Aku tokamo mae momposalamat belemiu ka' ka'adinan-Ku oponyata'mo.

MIKHA 4:5

Iwi-iwi na bansa i dunia aiya monsombahmo ka' tulu-tulutanmo hi posi pilogot nu aha. Panyo kita na montuluti ahi' Tumpunto ka' monsombah Ia sampe toka sidu-sidutu'.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

MALEAKHI 4:4

O'intomakon na pangajalan-Ku iwi-iwi' anu pinoto'imo i Musa, o'intomakon na atulan iwi-iwi' ka' mule' palentah iwi-iwi' anu binee'-Kumo hi ia kiita' mae i Bungkutnyo nu Sinai da otuluti nu aha mian Israel iwi-iwi'.

NOMBILANGMO 36:13

Aijo'mo na to atu-atulan anu pinotataapmo ka' binee'mo nu Tumpu hi bansa Israel anu pinoto'imo i Musa, tempo'nyo bansa Israel kiijo' i hatanyo nu Moab i sohipi' nu Kaunyo Yordan, koko kota Yerikho.

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

SISIKON NU TO RASUL-RASUL 1:4

Ka' tempo'nyo Ia sinilimu'mo tiba aha, Ia nombee'imo palentah aiya hi aha, “Boli opala'i na Yerusalem. Tanda'i kiijo' sampe Tuumang-Ku mombee'mo apaa na anu jinanji'-Nyomo, aijo'mo anu noko poto'ing-Kumo hi komiu u'utu mae.

ROMA 8:25

Panyo de kita montaha'imani apa-apaa anu ma'isa tinoanto, yo kita sabaan na montanda'i.

2 TESALONIKA 3:5

O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.