YESAYA 26:6 - KITAB NU TUMPU ALLA LELE MA'IMAI'

⁶ Aha to mia-mian anu kasiasi ka' sinansalamo, mompahampeja'akonmo ia.”

YESAYA 26:6 ပူးပေါင်းရင်းမြစ်များ

2 TOMU-TOMUNDO' 9:33

I Yehu notataemo i aha, “Lumbu'akon na ia mokaiyong!” Sahingga i lumbu'akonmo nu aha nai i Izebel nokaiyong lantas ia iligismo nu kareta sahingga baso'nyo tinolopinjitmo no kiijo' i pagan mesen ka' nokiijo i ajahan haha aijo' anu mohela' kareta aijo'.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YESAYA 28:3

Anu nunu takabunakon nu to pola-polaya' anu nalangu'mo aijo' saidi' mae opahampeja'akonmo.

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

YESAYA 3:15

Kadaka' belemiu nonsakisamo mian anu palesayamo hi beleng-Ku ka' lewa'mo nongakali mian anu kasiasi? Aku, Tumpu Anu Matangkas na Kuasanyo ka' mule' Anu Daka' na Kuasanyo notataemo.”

YESAYA 37:25

Beleyum suele' nombuulakonmo tukooyum beleyum nongkekemo bubung ka' nonginumo uee ilipu' nu mian anu isalipu'an ka' kooyum mule' suludadu nu beleyum nompahampeja'akonmo Kaunyo nu Nil sampe no oti.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YEREMIA 50:45

Mokonyo aijo', potombihing mae apaa na anu tinanga'an-Kumo hi kota' Babel, ka' apaa na anu kahanda'mo Ku bau hi aha mian anu jojoong ikiijo'. To ana-anak nu aha suele oboamo ahi' da mambamo, ka' iwi-iwi' na mian mabuhukmo.

DANIEL 7:27

Kakuasa'an tiba katalasanggoan nu iwi-iwi' na kalaja'an i dunia aiya, obee'mo hi mian anu palesayamo hi Tumpu Anu Matangkas na Kuasanyo. Kakuasa'an nu aha mompalentah madi'mo daagi' ko kamingkotannyo ka' mule' iwi-iwi' na anu balakuasa i dunia aiya ta'alukmo ka' mule' tulu-tulutanmo.”

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

MALEAKHI 4:3

Kona isinaa aijo' Aku momputusimo, ka' mule' belemiu mompatundu'mo to mia-mian anu ma'idek na palabuatannyo, sahingga aha sumomo abu' anu opahampeja'akonmo nu belemiu.

LUKAS 10:19

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.

ROMA 16:20

Tumpu anu mombee'i ka'ima'an hi mian, malia'mo mompotundu' Ibilis i aluk nu kakuasa'anum, ka' mohopu'imo ia. O amalakon da to Utu-utus saja' Nubalakati Yesus Kristus Tumpunto!

1 KORINTUS 1:26

To Utu-utus! Soba tutugi mosia na bau-baunyo tempo'nyo Tumpu nolagamo komiu. Ola sangkiding na anu pande itina' hi komiu, kabai ko kuasa, kabai anu ko pangkat matangkas susumo koonyo nu mian.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

YOSUA 10:24

ka' binoamo hi Yosua. Lantas i lagamo i Yosua iwi-iwi' na aha mian nu Israel da sihuk, lapas aijo' nompalentahkonmo da iwi-iwi' na kapala nu suludadu anu namba nahampate tiba ia toka mae mompahampeja'akon gogohong nu tomundo haha aijo'.

ANU PINOTO'I HI YOHANES 2:26

Aha anu inguntungmo, i uno nu kasabalan ka' anu sampe toka imihinyo na mombau apaa na anu Ku kahanda'i, Kubee'ije kuasa anu pokakana sumo anu i humpak-Kumo hi Tuumang-Ku. Aha montalimaje kakuasa'an hi beleng-Ku da mompalentah to bansa-bansa nu tokon besak, da bau pohopu'i to bansa-bansa aijo' sumo kuhon tano'.

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.