YESAYA 26:5 - KITAB NU TUMPU ALLA LELE MA'IMAI'

⁵ Tumpu mompota'alukmo mian anu buulon; Nu hansunimo na kota'nu aha anu kobentengnyo, ka' opohatamo susumo tano'.

YESAYA 26:5 ပူးပေါင်းရင်းမြစ်များ

MAZMUR 79:8

Boli mohukum mae kami kalana dosa' nu mompolee' mami. Sampamo mae kalibosi na kami kalana madi'mo koanu otaha'imani mami.

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 14:13

Beleyum binalaniatmo da moliba'mo mokiita' ilangit, ka' mompokokomo kasuhangan nu beleyum aita' imandala' mata-matangkas hondo! Nu sangka nu beleyum timbali sumuhang salaku tomundo' aita' ibungkutnyo sasu utara, tampat nu to pilo-pilogot sihuk.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 24:10

Songko-songko na kota' singkapmo notomuhuk, iwi-iwi' na tumban nu sabatan singkapmo ginunsing kalana tumpunyo nabuhukmo.

YESAYA 25:2

Kota' aijo' ihansunanmo nu Belento; kota' anu kobentengnyo aijo' nohobo-hobo'mo. Laigan nu tomundo' anu binau nu mian anu lengkat mae isalipu'an ihansunmo, ka' madi'mo po ule' obau sampe toka sidu-sidutu!

YESAYA 32:19

Memang sanangmo na kantumuu'an nu belemiu iwi-iwi' kalana sukup na uee bau ponguei tano' nu belemiu, ka' pompo inum potuu'on nu belemiu timbalimo mongotot iyaya mae madi' ko anu mompoposia. Panyo sampobali' nu belemiu sumomo ahi' alas anu nutuda'imo nu ujan batu ka' mule' kota nu aha ohansunimo.

YESAYA 47:1

Tumpu notatae, “O, Babel pintatau', bolimo sumuhang atina' ikadela nu beleyum, ka' suhangmo i abu'. Beleyum madi'mo nompokopiani butong ka' madi'mo natopos susumo naipuan mae.

YEREMIA 51:37

Lipu' aijo' timbalimo tambulan nu anu ihansunmo ka' mule' timbalimo tampat paninsulukan nu dedeng nu alas. Mian mabuhukmo na montoa, ka' madi'mo ko mian anu mongka'oho' jojoong ikiijo'.

YEREMIA 51:64

Ka' otaloakon, ‘Sumo aiya na saidi' mae jadi i Babel. Lipu' aiya saidi' mae molomosmo ka' madi'mo daagi' lubat mae kalana aha tinuda'anmo nu balaa' nu Tumpu.’ ”

MOHAANGI 2:2

Batu-batu padang hemput ilipu' nu aha Yehuda madi'mo daagi kinokalibosan na Ia no hansuni. I uno nu kapusan-Nyo tinumbalakon-Nyomo sampe nohobo'mo na to bente-benteng anu mompagan lipu' aijo'. Kalaja'an aijo' tibamo to pola-polaya'nyo binau-Nyomo da pinatundu' sahingga na ambangmo.

YEHEZKIEL 26:11

Gombuan nu suludadu anu monsake'i mae ajahan montumbuhimo iwi-iwi na jalan nu belemiu ka' nu tabasmo na belemiu nu bajak nu aha na mian anu atina' jojoong ikota'nu belemiu. Tugu nu belemiu anu toto ima-ima' ka' mahoson ohobo'akonmo.

YEHEZKIEL 28:17

Ohup nu beleyum anu ontinganan atina' nonsaduakonmo beleyum sahingga kinobubuunmo ka' kalana beleyum tinalasanggomo atina'mo na nonsaduakon beleyum sahingga pinonga'mo na binalatanga'. Mokonyo aijo' beleyum Ku sapahakonmo itano' ka' Ku pojadimo salaku sonto' hi aha to tomu-tomundo' sangga'at'.’ ”

ANU PINOTO'I HI YOHANES 18:2

Potataenyo daka' hondo ia noloboo'mo, “Nahungku'mo! Babel anu daka' nahungku'mo! Tempo' uuka ia tinimbalimo tampat nu to setan-setan ka' roh-roh ma'idek. I unonyo daagi' ko tomonsi' anu manjoo' na ngahanannyo anu mahenyu ka' anu nuka'ideki nu mian.