YESAYA 26:2 - KITAB NU TUMPU ALLA LELE MA'IMAI'

² Tuhea'akon na tumban nu sabatan toto daka-daka', da minsoopmo na bansa anu tulu-tulutan, bansa anu nombaumo apaa na nu kahanda'i nu Tumpu-nyo.

YESAYA 26:2 ပူးပေါင်းရင်းမြစ်များ

MAZMUR 106:5

O' amalakon da aku montoa kasanangan nu kantumuu'an, nu to mia-mian anu pinile'anmo nu Belento, ka' suele lame' tiba to mia-mian anu ninsoopmo Belento na tumpunyo.

MAZMUR 118:19

Tuhea'akon mae na sabatan daka' i Laigan nu Tumpu da aku minsoopmo ka' montalima kaseh hi Ia.

MAZMUR 118:20

Aiyamo na sabatan daka' nu Tumpu, ola mian anu hodi' na kinyonyoanyo na timbali minsoop.

MAZMUR 24:7

Po'ewa na montuhea'akon sabatan daka' anu pini-pininmo, da minsoopmo na Tomundo' anu talasanggo aijo'.

NOSABATMO 19:6

ola posi Aku na tumpunyo ka' belemiu mombaumo apaa na anu Ku palentahkon salaku to ima-imam.”

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YESAYA 58:8

Sahingga jingka tolohinsi'mo hi belemiu susumo sinaa bete'mo mae ka' iwi-iwi'na bela nu belemiu malia'mo ma'alin. Au monsangaluimo belemiu ka' momposalamatmo belemiu. Aku toka monjagai belemiu iyaya mae na tampat.

YESAYA 60:11

Sinaa pihi tumban nu sabatan daka-daka' saja'mo tuhe-tuhea' da kakaya'an nu to bansa-bansa timbali oboa hi beleyum tiba to tomu-tomundo' nu aha salaku anu i hakop mae.

YESAYA 60:18

Madi'mo daagi' ko lele mongkona kasinggian ilipu' nu beleyum, ka' mule' mongkona kahansunan ka' anu o'idei i daerah nu beleyum. Susumo pagan mesen Aku monjagaimo beleyum, ka' beleyum mompuji'mo Aku salaku anu Nomposalamatmo beleyum.

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YESAYA 62:1

Kalana Yerusalem sahingga aku motataemo, kalana Sion sahingga aku madi' ola momohokot, sampe ia momposalamatmo ka' kamenangannyo majingkamo susumo potong de pihimo.

YESAYA 62:10

Mian anu jojoong i Yerusalem, posabatmo mae motulu i sabatan daka' posadiakon na jalan hi aha to mia-mian anu minsusule'mo. Baumo na jalan daka', alinakon na batunyo, potinjo na to bande-bandela' nu to bansa-bansa.

YESAYA 62:2

O, Yerusalem, to bansa-bansa montoamo kamenangan nu beleyum, to tomu-tomundo' montoamo kaholomatan nu beleyum. Beleyum osanggohimo nu sanggo anu salaje ponsanggohi posi Tumpu na nombee'i sanggo aijo'.

ZAKHARIA 8:20

Tumpu Anu Daka' na Kuasanyo notataemo, “Tempo'nyo tokamo mae, manjoo' na mian anu jojoong ito kota-kota' tokamo mae i Yerusalem.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

2 PETRUS 3:13

Panyo kita montanda'imo apaa na anu jinanji'mo nu Tumpu Allah, aijo'mo langit anu bu'ou ka' tano' anu bu'ou, anu daagi'mo ko ka'adilan-Nyo.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.

ANU PINOTO'I HI YOHANES 21:24

To bansa-bansa i dunia lumajangje i uno nu jingkanyo, ka' to tomu-tomundo mule' momboaje kakaya'an nu aha i uno nu kota aijo'.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.