YESAYA 26:1 - KITAB NU TUMPU ALLA LELE MA'IMAI'

¹ Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 26:1 ပူးပေါင်းရင်းမြစ်များ

EZRA 3:11

Mian da'isan nonyanyiakonmo pompuji-puji' Tumpu, ka' nonguli-ulit anu mongohanimo kapupusan nu nyanyian, sumo uuka na onyi'nyo, “Tumpu aijo' ma'ima'; ka' kalibosan-Nyo hi aha Israel sampe toka sidu-sidutu'.” Iwi-iwi' na mian da'isan suele nontaligalaimo ka' nompuji'mo Tumpu, kalana mesen bau pompotinjoan Laigan nu Tumpu binaumo.

MAZMUR 31:21

Belento nomposulukmo aha i uno nu ponjaga'an nu Belento, da madi' nu poko ala nu tanga'an ma'idek nu aha mian anu ma'idek na kinyonyoanyo; jinaganmo nu Belento na aha da aha mihohung hi Belento da madi' nu kona nu tuduhan nu anu mongewa aha.

MAZMUR 48:12

Sahanyo layat nu Sion tiba Yehuda montaligalaimo ka' lame'mo, kalana Belento nohukumo anu mongewa mae aha.

MAZMUR 48:4

Tumpu jojoong ipuri-puri-Nyo, ka' taalu' posi iamo ahi' na monjagai Ia.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 14:31

Polotando'mo na humang, ka' mule' poloboo'mo momoita tulung o, belemiu kota-kota' Filistin! Tionyo ahi' belemiu iwi-iwi' kalangkabutmo ka' mule' mabuhukmo! Abu' susumomo kundom na kopuha-puha lengkat mae i sasu utara montandaimo katokaan mae nu gombuan nu suludadu nu aha sampobali'; madi' ko anu tolokondon' na kinyonyoa nu aha aijo'.

YESAYA 2:11

Ola-olanyomo ahi Tumpu na anu opopodaka'.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 31:5

Susumo sa'angu' na tomonsi' lewa'mo mompapa'i aita' i petaanyo monjagai soma'nyo, sumo aijo'mo na Aku, Tumpu Anu Daka' na Kuasanyo monjagai, montinjohi ka' mule' momposalamat Yerusalem.”

YESAYA 31:9

Tomundo' nu aha mopalaimo kalana mabuhukmo ka' to sulu-suludadunyo anu toto tangka-tangkas na pangkatnyo tolokengkengmo sahingga nu pala'imo nu aha na bandela'nu aha iwi-iwi'.” Tumpu notataemo, Tumpu anu osombah ka' mule' anu oholomati nu koloban anu opotunu i Yerusalem.

YESAYA 33:5

Tumpu talalo hondo susi'; Ia na mongkuasai iwi-iwi na apaa. Ia na montoongi totu-totu'u atulan tiba ka' adilan i Yerusalem

YESAYA 33:6

ka' mombee'i ka amanan hi aha mian anu palesayamo hi Ia. Halata' anu momposalamat aha aijo'mo kapandean tiba ilimu' ka' mule' moholomati Tumpu.

YESAYA 4:2

Po ule'je toka na tempo'nyo nu potimbalimo nu Tumpu na sosu'anon iwi-iwi' ka' mule' kau' tumuu'mo ka' daka'mo ilipu' aiya. Toka isinaa aijo' aha mian nu Israel anu salamat mongoai'mo kabilahian ka' sanangmo na kinyonyoa kalana nohumpakmo hasin nu ale'nyo.

YESAYA 5:1

Potombihing mae na nyanyianku anu mompantisakon ale' nu anggur nu sangalungku. Sangalungku ko ale' nu anggur isohipi' nu puge'nyo anu molumba'.

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YESAYA 60:18

Madi'mo daagi' ko lele mongkona kasinggian ilipu' nu beleyum, ka' mule' mongkona kahansunan ka' anu o'idei i daerah nu beleyum. Susumo pagan mesen Aku monjagaimo beleyum, ka' beleyum mompuji'mo Aku salaku anu Nomposalamatmo beleyum.

YESAYA 62:10

Mian anu jojoong i Yerusalem, posabatmo mae motulu i sabatan daka' posadiakon na jalan hi aha to mia-mian anu minsusule'mo. Baumo na jalan daka', alinakon na batunyo, potinjo na to bande-bandela' nu to bansa-bansa.

YESAYA 62:11

Tumpu mombee'imo potunon sumo uuka hi aha songko-songko na dunia, “Poto'i hi aha anu jojoong i Sion, ‘Toa, Tumpu anu Momposalamat tinokamo! Ia sinangaluan mae nu to mia-mian anu pinobebasnyomo.’ ”

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

YEHEZKIEL 40:5

Lantas aku nontoamo Laigan nu Tumpu anu tinikuban nu pagan mesen. Mo'ane aijo' notampu'unimo nongukun pagan mesen aijo' nu kau' anu bau pongukunnyo, ko mantannyo totolu' na meten. Sahingga sinumbu'mo na pagan mesen aijo' ko tangkasnyo totolu' na meten ka' mule' ko butolunyo suele totolu' na meten.

ZAKHARIA 2:5

Tumpu binalajanji'mo tukoo-Nyo Iamo na timbali pagan apu na montikubi kota' aijo' da monjagai ka' mule' Ia jojoongmo ikiijo' tiba kakuasa'an-Nyo ka' Ia talasanggomo.”

ZAKHARIA 2:9

“Posi Tumpumo ahi' na mongewa belemiu! Ka' belemiu nu bulingimo nu aha anu toho'mo binau posaihon nu belemiu. De han aijo' jadimo osumbu'je nu belemiu talu' Tumpu Anu Daka' na Kuasanyo na nompalentahmo mae aku.”

NOMBILANGMO 21:17

Tempo'nyo aitu aha bansa Israel nonyanyiakonmo lagu sumo uuka, “O, to bubu-bubung pimbubuamo mae na uee nu beleyum olabotmo mami nu lagu.

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!