YESAYA 24:3 - KITAB NU TUMPU ALLA LELE MA'IMAI'

³ Tano' tabuntala'mo ka' mule' ohansunimo. Tumpu nontaloakonmo, ka' han aijo' tionyo ahi' jadi.

YESAYA 24:3 ပူးပေါင်းရင်းမြစ်များ

2 TAWARIKH 36:21

Sumo aijo'mo na tinimbali susumo apaa na anu pinoto'imo nu Tumpu hi Yeremia tukoonyo lipu' aijo' timbalimo tano' mateges 70 taun na kopinnyo salaku bau pombolosi taun-taun Sabat anu madi'mo kinali-kalinga.

YESAYA 21:17

Anu toto pande-pande na mompana' hi aha mian nu Kedar aijo'mo na mian anu toto babaani hondo. Panyo anu salamat na mian aijo' hi aha ola sangkiding. Aku, Tumpu Allah nu aha Israel notataemo.”

YESAYA 22:25

De bisuanyo aijo' jadimo saba' sapa anu pinokonamo hoso-hoson aijo' tonggautmo ka' manabu'mo. Ka' aijo'mo na kamingkotannyo nu to utu-utusnyo ka' iwi-iwi' na mian anu mompasehakon butong nu aha hi ia. Aku, Tumpu, notataemo.”

YESAYA 24:1

Tumpu monsilakaimo tano' sahingga mategesmo ka' mule' liingmo. Nu bali-balikakonmo na aita' kilitnyo nu tano' ka' mule' mongga'a-ga'atakonmo miana nu monjojoongi.

YESAYA 24:2

Iwi-iwi' na mian mongoa'imo katantuan nu kantumuu'an anu pokakana: aha to ima-imam tiba mian da'isan, botuan tiba anu mompojoong, anu mompobaluk tiba anu mongoli, anu monsabon tiba anu momposabonakon, kaya tiba anu kasiasi.

YESAYA 24:4

Tano' mapenggesmo ka' magayoumo, songko-songko na dunia mongoa'imo kasusa'an. Langit tiba tano' mongoa'imo kasusa'an hingga-hinggat.

YESAYA 42:22

Panyo bansa aijo' lapasmo binulingan; aha pinojoongmo i uno nu salipi' anu kaiyong i uno nu tano', ka' pinaha po, isimo i uno nu talungku', Ahamo aijo' na anu pinahabulingmo mae, ka' madi' ko anu tinoka mae nontulungi.

YESAYA 5:6

Ku pojohokmo da nutumuu'imo nu hemput nu alas. Anggurnyo madimo lewa' Ku patagi na sumpenyo ka' mule' madi'mo lewa' Ku sube'i na hemputnyo. Pakalaus Ku pobakasmo da nu kalumbungimo nu hemput anu kohii'nyo, ka' mule' iwi-iwi na kundom Ku tewa'mo da bolimo montudunakon ujan.”

YESAYA 6:11

Aku nompokilawamo, “Sampe tokaje hi pian na kopinnyo na anu susumo aiya saja' jadi, o, Tumpu?” Tinaaman-Nyo mae, “Sampeje iwi-iwi na kota' hansunmo ka' madi'mo ko anu monjojoongi, iwi-iwi' na laigan madi'mo ko anu monjojoongi ka' mule' tano' madi'mo ko apa-apaanyo ka' mategesmo.

YEREMIA 13:15

O mian nu Israel, Tumpu notataemo! Boli buulon potombihing na Ia!

MIKHA 2:4

Nasib nu belemiu nu gunakonmo nu mian bau ponsindin ka' aha mongajanmo nyanyian anu onyanyiakon de ko anumo silaka, sumo uuka, ‘Tumpu nonsilakaimo lipu' mami aiya ka' mule' nombee'mo hi aha anu nomboamo kami. Kami memang ahi' ihansunmo totu-totu'u.’ ”

MIKHA 4:4

Iwi-iwi na mian tumuu' madi'mo ko anu mompoposia ka' mohumpakmo kantumuu'an ma'ima' itotonga' nu ale' nu anggur tiba ale' nu ara; madi'mo ko anu lewa' monggala-gala ia aijo'mo na palajanjian nu Tumpu Anu Daka' na Kuasanyo.

PO'ULE' INGULIT 29:23

Ale' miu iwi-iwi' madi'mo ma'omuk ka' nutumuu'imo nu padang ka' tabuhonmo nu belelang ka' timuson. Tano'nyo madi'mo timbali posu'anan ka' hemput madi'mo mongka'oho' tumuu' ikiijo'. Lipu' nu belemiu sumomo to kota-kota nu Sodom ka' Gomora, Adma ka' Zeboim anu ingideanmo nu Tumpu tempo'nyo Ia talalomo hondo notambuha'.

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’