YESAYA 22:5 - KITAB NU TUMPU ALLA LELE MA'IMAI'

⁵ Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

YESAYA 22:5 ပူးပေါင်းရင်းမြစ်များ

LUKAS 23:30

I tempo' aitu, mian motataeje i to bungku-bungkutnyo, ‘Tuda' mae na kami!’ Ka' to puge-puge'nyo, ‘Tabuhi mae na kami!’

MIKHA 7:4

Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

MOHAANGI 1:5

Sampobali' nu aha binilahimo kalana nongkuasaimo. Tumpu nombaumo aha da sinansala, kalana talalomo hondo na dosa'nyo. Mian anu jojoong i kiijo' i hakopmo, ka' binoamo i tampat pinompojoongan.

YESAYA 37:3

Sumo uuka na potuunon mae i Hizkia anu nunu poto'i nu aha hi Yesaya, “Sinaa uuka sinaa binaladukamo; kita ohukumo ka' pinopo ambangmo. Kita sumomo ahi' boune anu kahanda'mo monganak panyo madi'mo kinokahosonan.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

HOSEA 10:8

Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

MOHAANGI 2:2

Batu-batu padang hemput ilipu' nu aha Yehuda madi'mo daagi kinokalibosan na Ia no hansuni. I uno nu kapusan-Nyo tinumbalakon-Nyomo sampe nohobo'mo na to bente-benteng anu mompagan lipu' aijo'. Kalaja'an aijo' tibamo to pola-polaya'nyo binau-Nyomo da pinatundu' sahingga na ambangmo.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YESAYA 22:1

Sumo uuka na potuunon mongkona Bangka'nyo nu Pinontoan; O, belemiu mian nu Yerusalem, kadaka' belemiu noliba'mo nokiita' i atop nu laigan?

MATIUS 24:16

Tempo'nyo aitu, mian anu daagi' kiijo' i Yudea tionyo malai i bungkutnyo.

YESAYA 25:10

Nu jagaimo nu Tumpu na Puge'nyo nu Sion, panyo Moab opahampeja'akonmo susumo hat itampat nu duhehe.

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

ESTER 3:15

To paka pokauhon sampamo namba nomboa sulat haha aijo' hi to pro-propinsi nu kalaja'an. Ka' mule' pinalentahmo i tomundo, da palentah aijo' obebakonmo suele i Susan, puso nu kota Persia. Ilapas na aijo' i tomundo ka' i Haman lewa'mo kinosusuhang ka' lewa'mo binatawa' nu anggur, panyo kota' Susan ginago'mo kalana lele anu ihongomo nu aha aijo'.

2 TOMU-TOMUNDO' 25:10

Lantas suludadunyo iwi-iwi' nohobo'akonmo pagan mesen iwi-iwi' i kota' aijo'.

2 TOMU-TOMUNDO' 19:3

Sumo uuka na potuunon i Hizkia anu pinotoka nu aha hi Yesaya. “Sinaa uuka aiya sinaa nu mian susa'; kita aiya i hukumo ka' ingambanganmo. Kita aiya sumomo boune anu kahanda'mo mompohampe anak panyo butongnyo i lundengmo.

YESAYA 63:3

“Sausa'-Ku na ninsoop i tampat pompetian anggur aha mian anu palesayamo hi beleng-Ku madi' ko anu nontulungi Aku. To bansa-bansa pinahampeja'akon-Kumo bau nu tambuha'-Ku, susumo nompeja-peja'mo bua' nu anggur. Baso' nu aha tinolopinjitmo mae nohomei baju'-Ku, nohumimi'imo songko-songko baju'-Ku.

YESAYA 63:6

I uno nu tambuha'-Ku anu talalomo hondo, Ku pahampeja'akonmo na to bansa-bansa; Ku silakaimo na aha, ka' baso' nu aha Ku bubusakonmo i tano'.”

YEHEZKIEL 7:7

Iwi-iwi' sinampemo na tempo'nyo hi beleyum, o, bansa anu jojoong itano' aiya. Uuka aiya madi'mo daagi' sola' mombau bau-bauon itampat-tampat mezbah anu aita' mae i bungkutnyo, anu daagi' memo ahi' pahampatean.

ZEFANYA 1:15

Sinaa aijo' sinamo nu tambuha' ka' sinaamo nu kakulangan ka' sinaa nu kasusa'an, sinaamo nu kapohobo'an ka' sinaamo nu kahansunan ka' sinaamo nu kapintungan, ka' sinaamo nu madi' talalo majingka, ka' sinaamo anu pikat hondo, ka' sehu'onmo.

MOHAANGI 2:8

Tumpu nomputusimo da iwi-iwi' na pagan mesen nu Sion tionyo ahi' ohobo'akonmo, Pagan mesen haha aijo' noko ukun-Nyomo da iwi-iwi' timbali ohansuni. Iwi-iwi' na pagannyo mesen tiba laigannyo tangka-tangkas uuka aiya memo kahansunannyo.