YESAYA 22:4 - KITAB NU TUMPU ALLA LELE MA'IMAI'

⁴ Boli mae mompalahatikan aku; bakas da ku haangi ahi' na to mia-mian bansangku anu sinilakamo.

YESAYA 22:4 ပူးပေါင်းရင်းမြစ်များ

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

MATIUS 2:18

“I kampung Rama kinahongoan, kihis ka' tando' tiba haang. I Rahel nontando'i to ana-anaknyo; ia madi' mongka'oho' o indeko' sabab aha i madi'mo.”

MIKHA 1:8

Kalana aijo' aku, i Mikha nolibosmo na kinyonyoa ka' nompele-pele'mo. Aku i lumajangmo langgo-langgo' ka' madi'mo ni sapatu da pompotoa talalomo hondo nolibos na kinyonyoangku. Aku nolohu'mo susumo dedeng nu alas ka' nolokekmo susumo tominsi' unta.

YEREMIA 31:15

Tumpu notatae, “Kiijo' i Rama ihongomo na anu ihumang, mososon ka' pompele-pele' bau nu kasusa' nu kinyonyoa. I Rahel nohangimo to ana-anaknyo, ia madi'mo montalima pohase' kalana aha imadi'anmo.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

MAZMUR 77:2

Pinohosonkumo na aku notatae nongkakase hi Tumpu; pinohosonkumo na aku notatae nongkakase, ka' ia nohongomo mae aku.

LUKAS 19:41

Salatan i Yesus malia'mo ohani i Yerusalem, ka' nontoa kota aijo', Ia nohangimo.

LUKAS 1:2

Aha nontulis sosok tiba apaa na anu sinisikakon hi kita nu to mia-mian anu pinosi toanyo na hahan aijo' lengkat pe'e i momonanyo, ka' lapas mae nompolele lelenyo.

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

YEREMIA 6:26

Tumpu notataemo hi mian anu palesayamo hi Ia, “Pusokmo na hude kalung ka' pingkaliade'mo i uno nu abu'. Oa'imo na kasusa'an ka' hangimo tala-talalo susa' susumo mian mohangi kalana ko anumo sinilaka na anaknyo anu tumpenyo, kalana anu mompatei montumbuhimo mae belemiu nu potolokengkeng mae.”

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YESAYA 33:7

Aha to mia-mian anu toto babaani mahaloboo'anmo momoita tulung; to mia-mian anu mongusahakon paladamean humangmo kalana sinusa'mo hondo.

YESAYA 15:3

To mia-mian anu laja-lajang i jalan nompusokmo hude kalung tanda monsusa'akonmo kalana ko anumo sinilaka; mian lewa'mo tumando' na humang itanah lapang kabai aita ibangkala' nu laigan.

YEREMIA 9:18

Mian nu Yehuda notataemo, “Pokaumo na aha da sampamo monyanyiakon nyanyian anu onyanyi de ko anumo silaka, da kita iwi-iwi' mohongo, da lumelepmo mae na lolu'to mohumpisi gagisingto.”

MOHAANGI 2:11

Matangku binangkakmo kalana aijo'mo ihumaang santuu'ku sinakisamo hondo Kinyonyoangku i hansunmo hondo na nontoa bansaa nahungku'mo montoa to ana-anak tiba bungamea' pinoso'mo tutuus jalan nu kota'.

YEHEZKIEL 27:31

Kalana aha monginau beleyum sahingga kinismo nu aha na ubak. Nompusokmo hude kalung kalana sinusa'mo hondo. Aha ihumangmo kalana nolibosmo ka' nontando'imo uki' nu beleyum.

ESTER 4:1

Salatan i Mordekhai nohongomo apaa na anu jinadimo, bineaknyomo na baju'nyo ka' nompusok hude kalung salaku tanda sinusa'mo hondo na kinyonyoanyo. Kinakambuhakonnyomo na abu' aita' i ubaknyo lantas ilumajangmo i kota' ka' lewa'mo i humang daka-daka' ka' tinongkolibosonmo.

YEHEZKIEL 21:11

Bajak aijo' binoitmo da me kokogia' opake lantas obee'mo hi samian anu tukang kolot.