YESAYA 22:2 - KITAB NU TUMPU ALLA LELE MA'IMAI'

² Madi' pantas na iwi-iwi' na kota' sola' mombau bau-bauon ka' lewa' montaligalai. Kalana iwi-iwi' na suludadu nu belemiu anu sinilaka aiya misa' sinilaka kalana nahampate.

YESAYA 22:2 ပူးပေါင်းရင်းမြစ်များ

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 23:7

Soba toa na kota' nu belemiu aijo' Tirus anu daagi'mo salatanmo pe'e naipuan mae. Te aiyamo na kota' anu biasa balasana-sanang? Te aiyamo na kota' anu biasa monsai mian mamba motaap ambai montoa lipu' nu mian kiijo' mae?

YESAYA 32:13

kalana tano' nu aha bansang-Ku nu tumuu'imo nu hemput tiba kuhat anu kohii'nyo. Ya, haangimo na laigan nu belemiu iwi-iwi' tampat sola' binalasana-sanangan ka' mule' kota' anu kaho kalame'an.

YESAYA 32:14

Ka' mule' laigan nu tomundo' saidi' mae opala'imo ka' ikota' anu lame' timbalimo liing hondo. Puge'nyo tiba laigan toto tangka-tangkas tampat pontanggalakonan sampobali opohatamo susumo tano' sampe toka sidu-sidutu'. Keledai anu toto ela-ela' tiba domba saidi' mae sumolinsapmo ikiijo' ka' mongototmo hemput ikiijo.

YESAYA 37:33

Aiyamo na anu titinaloakonmo nu Tumpu mongkona tomundo' nu aha Asyur: ‘Ia madi' koko minsoop i Yerusalem kabai mompana'akon pana' ikota' aijo'. To sulu-suludadu anu mintoongon nu kanta madi'mo daagi' ko anu mongohani kota' aijo', ka' ititikupnyo nu kota' aijo' madi'mo ko anu montambuni da bau pontumbuhian.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YEREMIA 14:18

De aku mamba i padang tampat anu loas, tinoangkumo na bangke' nu anu sinilakamo ipahampatean. I uno nu kota' tinoangkumo na kasansala'an, nu to mia-mian anu mompai patemo nu ohop. Nabi tiba imam mompojalan kawajibannyo madi' nu sumbu' pa apaa na anu nu bau.”

YEREMIA 52:6

Itanggan kino osio'nyomo bitu'on ko opatnyomo tauno ai-aijo', tempo'nyo balaa' kasusa'an i anu okaan tinahahumo hondo sahingga mian da'isan madi'mo daagi' ko anu okaan,

MOHAANGI 1:1

Talalomo hondo iliing na Yerusalem uuka aiya, kota' anu u'utu mae lame' hondo. U'utu mae talalo hondo mamba i mona hi aha to bansa-bansa, uuka aiya tinimbalimo susumo anu balu. U'utu mae kota' anu talalo hondo talasanggo hi aha to bansa-bansa uuka aiya tinimbalimo susumo balu.

MOHAANGI 2:20

O Tumpu toamo ahi' ka' palahatikan na aha anu sinsalamo nu belento aijo'! Pa' daagi ko anu toho'mo binau nu belento susumo aijo'? Tinanyo nongkaanmo posi anaknyo anu talalo hondo nu kalibosi, imam tiba nabi pinateanmo i uno nu Laigan nu belento anu susi'.

YEHEZKIEL 22:5

Beleyum sola'mo oleetakon nu aha lipu' anu toto jo'o-jo'on ka' anu toto oha-ohani kalana beleyum me saja' molanggai atulan tiba palentah.

ZEFANYA 2:15

Sumo aijo' na anu jadi saidi' mae i kota' aijo' anu talalomo hondo lame' ka' mongoa'i butongnyo madi' ko anu mompoposia. Mian anu jojoong ikiijo' monsangka au' aitu kota' nu aha aijo' kota'mo anu talalo hondo daka' i dunia aiya! Liingmo hondo na daerah aijo' madi'mo ko miannyo anu monjojoongi me to bina-binatang nu alas na mimpeta ikiijo'! Batu-batu mian anu motulu ikota' aijo' tolokengkeng ka' mongoaimo mabuhuk.