YESAYA 21:3 - KITAB NU TUMPU ALLA LELE MA'IMAI'

³ Anu tinoangku aijo' nompobingungmo hondo aku sampe aku madi'mo noko ala nontoa kabai nohongo. Aku nabuhukmo ka' mule' nasakitmo sumomo ahi' samian na boune anu kahanda'mo monganak.

YESAYA 21:3 ပူးပေါင်းရင်းမြစ်များ

YESAYA 13:8

Aha iwi-iwi' jadimo mabuhuk anu taha-tahahumo, ka' lewa'mo maha piosan nu buhuk susumo boune anu kahanda'mo mompohampe anak. Aha mompaha didinmo ka' bata-batamo, ohup nu aha mohahamo kalana na ambangmo.

YESAYA 26:17

Susumo boune anu kahanda'mo mompohampe anak mongka'oa'imo ka' mondede'akonmo sakitnyo, sumo aijo'mo na kami i ahop nu Belento, o, Tumpu.

MAZMUR 48:6

Panyo salatan nontoamo puge'nyo aijo' aha binangangmo; aha kinalangkabutmo ka' nalaimo kalana biningongmo.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

YEREMIA 48:41

Sinin na kota'nyo tiba bentengnyo iwi-iwi' opatundu'mo ka' suludadunyo singkapmo mabuhuk sumomo boune anu kahanda'mo mompohampe anak.

YESAYA 16:11

Kinyonyoangku nolokihismo ka' ihansunmo hondo-hondo montoa ka' ada'an nu aha Moab tiba Kir-Heres.

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

YEREMIA 50:43

Salatan nohongo lele aijo' itomundo' Babel madi'mo daagi' noko ala nombau apa-apaa. Ia tinokanmo nu buhuk anu taha-tahahumo, ka' nongoa'imo sakit susumo boune anu kahanda'mo mompohampe anak.

YEREMIA 49:22

Susumo bonyia' monsabut nu boka na polipiknyo, sumo aijo'mo na sampobali' toka mae ka' monsabut Bozra. Toka isinaa aijo' suludadu nu Edom mabuhukmo susumo boune anu kahanda'mo mompohampe anak.”

YESAYA 16:9

Uuka aiya aku mohangimo anggur anu kiijo' i Sibma susumo aku nohangimo Yaezer Aku nonjujuhakonmo lolu'ku kalana Hesybon tiba Eleale, kalana isi nu ale'nyo ingingkotanmo nu sampobali'.

YESAYA 15:5

Aku molibosmo hi aha Moab! Mian anu jojoong ikiijo'nopalaimo namba ikota' Zoar tiba Eglat-Selisia. Daagi' ko anu nindako nontulu jalan mamba i Luhit ka' sola' humang; daagi' ko anu nalai namba i horonaim ka' sola'mo molokihis kalana tinokanmo nu balaa'.

PO'ULE' INGULIT 28:67

Maumo pa' apaa na anu otoa nu belemiu sule nu belemiu langkakatanmo kalana mabuhukmo. Daagi' subu belemiu monggaganmo da malomo, ka' de malomo belemiu monggaganmo da subu-subumo.

YOHANES 16:21

De samian na boune ohanimo na mohampeakon, ia susa' kalana tempo'nyomo na ia mongoa'i sansala. Panyo salatan anaknyo i hampemo, nukolilimimo nu boune aijo' na sansala anu ingoa'annyo, kalana lame' samian na bungamea' i hampemo i dunia.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YEREMIA 6:24

Nohongo lele aijo', anu jojoong i Yerusalem madi'mo daagi' noko ala nombau apa-apaa. Aha tinokanmo nu buhuk ka' nongoa'imo sansala susumo boune anu kahanda'mo mompohampe anak.