YESAYA 21:2 - KITAB NU TUMPU ALLA LELE MA'IMAI'

² Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YESAYA 21:2 ပူးပေါင်းရင်းမြစ်များ

KAJADIAN 10:22

To ana-anak i Sem aijo'mo i Elam, i Asyur, i Arpakhsad, i Lud ka' i Aram.

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

MAZMUR 119:158

Ku ka'ideki na montoa mian haha aijo' anu singkap palaganta kalana aha madi' montuluti pangajalan nu Belento.

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 25:3

Anu madi' montapali Belento, na opopo'ambang panyo anu palesaya hi Belento na madi' ahi' ise-ise' na kinyonyoa.

MAZMUR 60:3

Belento madi'mo mae nongkalinga kami o Tumpu, ka' ka' nompojohokmo mae kami da opatundu'mo. Belento nontambuha'imo mae kami; uuka aiya po'ule' pokopinahon mae nakami.

MAZMUR 79:11

Potombihingakon mae na tando' nu to mia-mian anu i uno nu talungku'; o'amalakon da to mia-mian anu tinantukanmo osilakai opobee'mo da boli osilakai kalana kakuasa'an nu Belento.

AMSAL 13:15

Mian anu manonong oholomati; panyo mian anu madi' timbali opalesaya saidi mae tumuu' susa'.

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 14:4

De nu posidamo nu Tumpu na aijo' nu alumo nu aha na itomundo' Babel sumo uuka, “Tomundo' anu buhingison pinatundu'mo! Ia madi'mo daagi mombee'i mae pakalaja'an anu monsakisa.

YESAYA 14:7

Ahennyo songko-songko na dunia sanangmo madi'mo ko anu mompoposia ka' toto samian lame'mo na solaa' manyanyi.

YESAYA 22:6

Aha mian nu Siria tinokamo mae nonsake'i ajahan tiba kareta anu bau pahampate, aha mian nu Elam toongon mae nu aha bau pahampate pompelet tiba hihisnyo, aha mian nu Kir nomposadia mae kanta nu aha.

YESAYA 24:16

Lengkat mae i puusnyo nu dunia na onyi' nu nyanyian mompuji' Israel, bansa anu tulu-tulutan hi Tumpu. Panyo silakamo na aku! Aku mongoa'imo kasusa'an. Mian anu saja' mombau palabuatan anu ma'idek daagi' ahi' saja' mombau palabuatan ma'idek ka' aha ola mule' ahi' mompaka bau palabuatan anu ma'idek.

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YESAYA 47:6

Naipuan mae Aku nontambuha'imo mian anu palesayamo hi beleng-Ku, aha madi'mo daagi' Ku anggap Aku na tumpunyo, Lantas aha Ku bee'mo hi beleyum, ka' beleyum madi'mo nongkaliboso aha, ka' mule' to tu'a-tu'anyo pinosansalamo nu beleyum taha-tahahu.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

YEREMIA 31:25

Aha anu nalawemo Ku pohosonmo ka' anu ilundengmo kalana no'ohopmo Ku pobosumo.

YEREMIA 45:3

beleyum notusa'mo sumo uuka, ‘Beh memang aku aiya sinoe'mo hondo! Kasusa'anku aiya nanjoo'mo hondo ka' pinaka tuangan mule' nu Tumpu nu kasansala'an. Aku nalawemo hondo na sola' motusa', madi'mo daagi' ko kasanangan nu kinyonyoa!’

YEREMIA 49:34

Madi' pinin salatan i Zedekia tinimbalimo tomundo' nu aha Yehuda, Tumpu Anu Balakuasa hondo notataemo mae hi belengku apaa na saidi' mae jadi hi lipu' Elam.

YEREMIA 49:35

Tumpu notataemo, “Ku pateimo iwi-iwi' na anu pande mompana' anu nompohosonmo hondo Elam.

YEREMIA 50:14

O, belemiu anu toto pande-pande na mompana'! Atunmo na balisan nu belemiu da olambanimo ka' otumbuhimo na Babel. Peletakonmo iwi-iwi' na hihis nu pana' nu belemiu mokiijo' i Babel, kalana ia binaladosa'mo hi beleng-Ku.

YEREMIA 50:34

Panyo Aku anu momposalamat aha aijo' mahoson, sanggong-Ku Tumpu Anu Balakuasa. Posi aku na balajuang mongulus palakala nu aha ka' momboa kadamean idunia aiya. Panyo kona hi aha Babel Ku potokamo mae na ka'idekan nu tano' tiba kabuhukan.”

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

YEREMIA 51:44

Bel, pilogot nu lipu' Babel Ku hukumo. Ku kakeha'mo na ia da monsule'akon apaa na anu ingagoannyomo. Bansa-bansa madi'mo daagi' monsombah ia. Pagan mesen nu Babel nohobo'mo iwi-iwi'.

YEREMIA 51:53

Maunyomo ahi' Babel timbali moko ala moliba' mokiita' ilangit ka' mombaumo palatahanan anu madi' opko ala otoka, panyo tataap ahi' Ku pokau na mian da mamba mohansuni. Aku, Tumpu, notataemo.”

MOHAANGI 1:22

Palahatikan iwi-iwi' na ka'idekan nu aha haha aijo', ka' baumo na aha susumo belento nombaumo aku, kalana iwi-iwi' na dosa' anu binaungkumo hi belento, Tina upkumo na kasansala'an kinyonyoangku sinusa'mo ka' butongku ko page-pagesuknyomo.”

DANIEL 5:28

binagi, kalaja'an nu belento Tuanku obagimo ka' mule' obee'mo hi aha mian nu Media tiba Persia.”

DANIEL 5:9

I Tomundo' Belsyazar nompaka pabuhukmo ka' mule' inesemo hondo! Ka' suele anu to tangka-tangkas na pangkatnyo binangangmo hondo.

DANIEL 8:2

Aku nontoa aijo', au' aitu butongku kiijo' mae i propinsi Elam, kiijo' i kota' Susan puso nu kota' Persia. Aku tinuminjo koko Kaunyo nu Ulai,

DANIEL 8:20

Domba lakinyo anu tinoa nu beleyum aijo' anu ko tanduknyo ohua', aijo' mongibalatakon kalaja'an Media tiba Persia.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”

1 SAMUEL 24:13

O'amalakon da Tumpuje na momputusi kita aiya ohua' ihe na anu ko sala'nyo! Tumpuje na mombalosakon apa-apaa na anu binaumo nu belento Tomundo' hi belengku aiya, panyo mau mule' mosiamo aku madi' mombau anu ma'idek hi belento Tomundo'.