YESAYA 2:8 - KITAB NU TUMPU ALLA LELE MA'IMAI'

⁸ Iyaya mae ko bapilogotan, ka' mule' aha monsombah pato-patong anu nu posi bau nu aha.

YESAYA 2:8 ပူးပေါင်းရင်းမြစ်များ

2 TOMU-TOMUNDO' 17:10

Aita' mae i to puge-puge'nyo ka' i patu nu kau' anu toto tambo-tambok na honnyo, aha lewa'mo nombau tugu ka' to patong-patong Pilogot boune Asyera.

2 TOMU-TOMUNDO' 17:16

Aha madi' mombatuki iwi-iwi' na atulan nu Tumpu, Tumpu Allah nu aha ka' montutukmo logam binau ohua' na sapi' da osombah. Aha nombaumo patong pilogot boune Asyera, nonsombahmo to bina-binatang ka' nonsombahmo pilogot Baal.

2 TAWARIKH 27:2

I Yotam saja' momposanang kinyonyoa nu Tumpu susumo i Uzia tuumanyo. Ola ia madi' nompapui kamangian i Laigan nu Tumpu, susumo anu binaumo nu tuumanyo. Panyo maumo sumo aijo' mian da'isan na saja ahi' mombau dosa'.

YESAYA 17:8

Aha madi'mo daagi' montaha'imani hasin nu posi palabuatan nu aha, aijo'mo mezbah-mezbah tampat pompapuan kamangian ka' mule' iwi-iwi na patong Pilogot boune Asyera.

YESAYA 26:13

Kami toho'mo kinuasan nu to tuan-tuan sangga'at, panyo ola-olamo ahi' Belento na anu o, akui mami, o, Tumpu mami!

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

YESAYA 40:19

Ia na madi' ahi' susumo patong nunu bau nu to tuka-tukang patong anu olapisi nu mosoni' ka' olatasi nu salaka.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

YESAYA 57:5

Belemiu nonsombahmo to pilo-pilogot anu mombee'i kalumba'an ka' butong nu belemiu binoamo nu napisu ipatuu nu kau' anu o, anggap ko balakatnyo. Belemiu nolamunmo to ana-anak nu belemiu i bangka'nyo nu kaunyo nyo, i liang nu batu.

YEREMIA 1:16

Ku hukumo na mian anu palesayamo hi beleng-Ku, kalana aha binaladosa'mo ka' nohikumo mae Aku. Aha nonsombahkonmo koloban hi pilogot nu aha ka' lewa'mo nombau patong ka' sinombahmo nu aha.

YEREMIA 11:13

Pilogot nu aha Yehuda manjoo' hondo, sumo konjoo'nyo nu kota' nu aha. Mian anu jojoong i Yerusalem nompotinjomo mezbah-mezbah sumo konjoo'nyo nu jalan ikota' Yerusalem da bau ponsombahkonan koloban hi Pilogot Baal.

YEREMIA 2:28

Iyamo mae na pilogot nu belemiu anu bibinaumo nu belemiu? De ko kasusa'an, pokau na aha da momposalamat belemiu de memang ahi' aha moko ala! O Yehuda, pilogot nu belemiu sumomo ahi' konjoo'nyo nu kota' nu belemiu!

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

HOSEA 8:6

Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

MIKHA 5:12

Ku hansunimo na to pato-patong nu belemiu ka' mule' iwi-iwi' na tugu anu o'anggap nu belemiu ko balakatnyo; Belemiu madi'mo monsombah to bala-balang anu oposi bau nu lima nu belemiu.

SISIKON NU TO RASUL-RASUL 17:16

Hau-haunyo i Paulus montanda'i i Silas ka' i Timotius kiijo' i Atena, kinyonyoanyo molibos na montoa kota aijo' nobuke'mo nu to pilo-pilogot.

PO'ULE' INGULIT 4:28

Ikiijo' mae belemiu monsombahmo to pilo-pilogot anu nubau nu lima nu manusia, pilogot haha aijo' kau' na binau ka' batu anu madi' moko ala montoa kabai mohongo, madi' moko ala mongkaan kabai mongooki.

ANU PINOTO'I HI YOHANES 9:20

Panyo tuha' nu mian anu madi' pinatean nu balaa' haha aijo' suele madi' ahi' mompala'i pakalaja'an nu lima nu aha. Aha sabole-bole ahi' monsombah to roh-roh ma'idek, ka' to pilo-pilogot mosoni', salaka, tambaga, batu ka' kau' anu madi' moko ala montoa kabai mohongo, kabai pe'e lumajang.