YESAYA 2:7 - KITAB NU TUMPU ALLA LELE MA'IMAI'

⁷ Lipu' nu aha kaho' mosoni' tiba salaka, ka' mule' halata' nu aha manjoo' hondo. Ajahan nu aha manjoo' hondo ka' mule' kareta nu aha madi'mo opoko bilang na konjoo'nyo.

YESAYA 2:7 ပူးပေါင်းရင်းမြစ်များ

1 TOMU-TOMUNDO' 4:26

I Salomo ko suludadunyo 12.000 anu monsake'i ajahan ka' 40.000 na pangkun nu to aja-ajahan anu mohela' to kereta-keretanyo.

AYUB 3:15

Aku tinohoyotmo susumo anak mo'ane nu tomundo anu nongisimo laigannyo nu pakakas salaka.

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

YESAYA 30:16

Ola mule' ahi' belemiu binatanga'mo nopalai da boli nu poposia nu sampobali' nu belemiu ka' nonsake'imo ajahan anu malia' hondo. Ma'ima'mo! Memang belemiu tionyo ahi' mopalaimo! Tinutugan nu belemiu au'aitu ajahan nu belemiu atina' sukupmo hondo na kolia'yo na ia mopadeka' padahan anu montotumputi mae belemiu na lebe malia'.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 57:17

Dosa' kageguanan nu aha nonsaduakonmo Aku notambuha, kalana aijo' aha Ku hukumo ka' Ku pala'imo. Panyo aha talalo hondo panggaga ka' tataap mosi liomo jalan.

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

MIKHA 5:10

To kota-kota' anu bau babentengan nu lipu' nu belemiu Ku hansunimo ka' mule' iwi-iwi' na benteng nu belemiu Ku tua'akonmo.

ANU PINOTO'I HI YOHANES 18:3

Kalana iwi-iwi na bansa nonginummo anggur napisu anu binaunyo nasala'. To tomu-tomundo nu dunia nasala'mo tiba ia, ka' to daga-dagang i dunia kinayamo nu napisu anu madi'mo opoko bali'i aijo'.”