YESAYA 2:6 - KITAB NU TUMPU ALLA LELE MA'IMAI'

⁶ O, Tumpu Belento nompala'imo mian anu palesayamo hi Belento, lee' mae i Yakub! Kalana iyaya mae ilipu' aiya mian lewa'mo mompake pangatahuan anu nolengkat ame isasu kabete'an ka' anu nolengkat mae hi aha mian nu Filistin. Aha to mia-mian montulutimo adat nua aha mian anu lengkat mae isalipu'an.

YESAYA 2:6 ပူးပေါင်းရင်းမြစ်များ

2 TOMU-TOMUNDO' 1:2

Daagi' kino sansinaan i Tomundo' Ahazia anu nolengkat mae i Israel nanabu'mo aita' mae i salipi' nu laigan nu tomundo' anu kajo-kajojoongannyo kiijo' i Samaria, lantas ia binelaonmo talalo daka' hondo. Sahingga ia nonsaimo mian da'isan da mamba mompokilawa hi Baal-Zebub pilogot nu aha kota Ekron kiijo' i Filistin, pa' ia daagi' ma'alin kabai madi'mo.

2 TOMU-TOMUNDO' 17:20

sahingga Tumpu madi'mo daagi' nongakui iwi-iwi' na mian nu Israel. I hukum-Nyomo na aha ka' binee'-Nyomo hi anu monsampo bali' aha anu toto ue-uesan. Ia madi'mo daagi' monginau' aha, panyo ingalin-Nyomo na aha da madi'mo jojoong i tano' anu binee'-Nyomo hi aha.

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 24:20

Lantas i Zakharia anak i Imam Yoyada kinuasanmo nu Roh nu Tumpu Allah. I Zakharia nokiijo'mo i ahop nu mian da'isan, ka' notatae daka-daka', “Tumpu Allah nompoto'imo, ‘Kadaka' belemiu madi'mo mohongo-hongo apaa na anu ku palentahkon ka' mosi pateimo butong nu belemiu. Belemiu madi'mo mompajuli Aku, sahingga Aku suele madi'mo mompajuli belemiu!’ ”

NEHEMIA 13:23

Tempo'nyo aijo' tinoangkumo mule' manjoo' na mian nu Yahudi no'osoamo tiba to bou-boune anu lengkat mae i bansa Asdod, Amon ka' Moab.

MAZMUR 106:35

Pakalaus aha mule' no'osoamo tiba to bansa-bansa sangga'at haha aijo', ka' aha nontihomo kabiasa'an nu mian anu madi' monsumbu' Tumpu.

NOSABATMO 22:18

Ihe-he na boune anu mompokonai hame tionyo opatei.

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

AMSAL 6:1

O ana-anaku, pa' beleyum toho'mo binalajanji' hi sala' samian da montanggungimo samaya'nyo.

YESAYA 14:29

O, belemiu bansa Filistin, amangkun anu pinake pinompan belemiu nopato'mo. Panyo boli beleyum lame' kalana de sa'angu na ulo matemo, saba ulo anu sangga'at mule' tokamo mae mombolosakon ka' lebe ma'idek mule' na pombaunyo ka' nggalau' nu ulo ai-aijo' mimoso'mo naga' anu mimpolipik.

YESAYA 8:19

Panyo aha to mia-mian mompokaumo belemiu da momoita pokinde' hi to sando-sando anu ola lewa' mo'oyong ka' maha kija-kijapan. Mian haha aijo motataemo, “Temisa' kita patut ahi'momoita pokinde' hi aha santuu' nu mian anu sinilakamo da bau kapentingan nu mian anu daagi' tutuu'?”

YEREMIA 10:2

Ia notatae, “Bolimo mombau kabiasa'an nu to bansa-bansa sangga'at ka' boli tolokengkeng na montoa tanda-tanda aita' ilangit anu nunu kabuhuk nu bansa haha aijo'.

YEREMIA 12:7

Tumpu notatae, “Tampat kajojoongan-Ku madi'mo daagi' pinajulian-Ku, lipu' anu Akumo na tumpunyo pinala'ian-Kumo ka' mian anu palesayamo hi belengku anu Ku kalibosi binee'-Kumo ilima nu sampobali' nu aha.

MOHAANGI 5:20

Kadaka' Nu pala'i na kami sumo aijo'mo na kopinnyo? Ugaat beleyum mongkolilimimo mae kami sampe toka sidu-sidutu'?

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

IMAMAT 20:6

Mian anu mamba momoita pikilan hi sando anu mompaha sumbu' tiba to santu-santuu' nu mian anu sinilakamo Ku hukumo ka' madi'mo Ku posoop mian anu pinalesayamo hi beleng-Ku.

MIKHA 5:11

To aji-ajimat nu belemiu Ku hopu'imo ka' mule' iwi-iwi' na anu topo tahi'i Ku laa'mo.

MIKHA 5:12

Ku hansunimo na to pato-patong nu belemiu ka' mule' iwi-iwi' na tugu anu o'anggap nu belemiu ko balakatnyo; Belemiu madi'mo monsombah to bala-balang anu oposi bau nu lima nu belemiu.

ZEFANYA 1:8

“I sinaa ponsilakaianmo aijo'” Tumpu nompoto'imo, “Aku mohukumo anu toto tangka-tangkas na pangkatnyo, to ana-anak mo'ane nu tomundo' ka' mule' iwi-iwi' na mian anu mombatukimo bau-baunyo nu mian anu isalipu'an.

NOMBILANGMO 23:7

Lantas i Bileam nompoto'imo sisikonnyo sumo uuka, “Lengkat mae i Aram, bungkutnyo kiijo' mae i sasu kabete'an, i Balak, tomundo nu aha Moab nolagamo aku, ka' notatae, ‘Tokamo mae, poto'i mae hi belengku. Kutukimo na bansa Israel aijo'!’

ROMA 11:20

Aijo' memang totu'u. Panyo aha o'alin kalana aha madi' palesaya, panyo kita Utus otalimamo kalana kita Utus pinalesayamo. Jadi boli kita timbali kobubuun kalana tinalimamo; ola ahi' kita Utus tionyo mongoa'i mabuhuk.

1 SAMUEL 6:2

aha mian nu Filistin nolagamo to ima-imam ka' anu pa'ilimu' lantas pinokilawamo nu aha, “Peti' Palajanjian nu Tumpu aijo' oposiantomo? De osule'akontomo i una'annyo momona mosia na kita mombau?”