YESAYA 2:3 - KITAB NU TUMPU ALLA LELE MA'IMAI'

³ aha iwi-iwi' motatae, “Imbo' da kita mokiita' mindako i ‘Bungkutnyo nu Tumpu,’ ilaigan nu Tumpu Israel. Laje na mongajan mae kita apaa na anu tionyo ahi' obaunto. Kita mombatukimo kajalanan-Nyo kalana ajalan nu Tumpu molengkat mae i Yerusalem, Ia motatae lengkat mae i Sion.”

YESAYA 2:3 ပူးပေါင်းရင်းမြစ်များ

ESTER 9:27

nonsaduakon da aha nosi baumo atulan anu kona hi posi butong nu aha, kona hi lee' nu aha ka' kona hi iwi-iwi' mian anu ninsoopmo bansa Yahudi. Koonyo nu atulan aijo' sataun toka sataun aha tionyo ahi' molame'akon ohu-ohua' na sinaa aijo' anu pinoto'imo i Mordekhai.

MAZMUR 102:23

Tempo'nyo to bansa-bansa ka' to kala-kalaja'an sinihukmo da monsombahmo Tumpu.

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

MAZMUR 119:171

Aku saja'mo mompuji' Belento, kalana Belento nompotinganmo aku atulan nu Belento.

MAZMUR 122:1

Nyanyian i Daud mamba i tampat anu ko balakatnyo. Aku lame' hondo salatan mian nompoto'imo hi belengku, “Imbo' da kita mambamo i Laigan nu Tumpu!”

MAZMUR 48:1

Mazmur nu aha sa'anakan i Korah.

YESAYA 1:26

Belemiu po ule'mo Ku bee'i to mia-mian ko pian ka' mule' anu lewa' mompokinde'i susumo nai puan mae. Sahingga Yerusalem osanggohimo kota' anu adin ka' mule' susi'.”

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 19:23

Tempo'nyo aijo' kojalanmo anu daka' lengkat i Mesir mamba i Asyur. Mian anu jojoong i ohua' na lipu' aijo' mambamo ka' mo uuka mae montulu jalan aijo' ka' aha monsombahmo Tumpu hingga-hinggat.

YESAYA 28:9

Aha notusamo hi belengku, koonyo nu aha, “Ugaat koonyo pa' mongajan ihe? Daagi' ihe na mompalalui katalangan hi ia? Ugaat koonyo kita aiya daagi'anak ise' anu sala'je gina'at isusu nu tinanyo?

YESAYA 44:5

Samian ka' samian mongakuimo butongnyo Aku na tumpunyo, ka' tokamo mae maninggalum tiba lee' i Yakub. Toto samian montulismo ilimanyo: Anumo nu Tumpu, ka' monsanggohim butongnyo ninsoopmo mian nu Tumpu.”

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YESAYA 56:7

“Belemiu Ku boamo mamba i Sion i bungkutnyo anu susi' anu Aku na tumpunyo ka' Ku bee'imo kalame'an i laigan-Ku ponso-ponsoban Aku. Koloban iwi-iwi' anu osombahkon nu belemiu i mezbah-ngKu, Ku talimamo. Laiganku osanggohimo laigan balado'an nu iwi-iwi' na bansa.”

YESAYA 60:3

To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YESAYA 66:20

Lengkat mae ilipu' haha aijo' nu boamo mae nu aha na to utu-utus nu belemiu anu bubuu' bansa nu belemiu salaku palasen anu obee' hi beleng-Ku. Nu boamo mae nu aha na mian haha aijo' i puge'nyo anu susi' anu Aku na tumpunyo i kota' Yerusalem monsake'i mae ajahan, keledai tiba unta ka' mule' kareta tiba loda susumo kabiasa'an nu aha Israel momboa palasombahan i Laigan nu Tumpu aijo'mo gandum anu o'isi i gumbang anu belesi'.

YEREMIA 12:16

De aha totu-totu'umo ahi' na montalima agama nu mian anu palesayamo hi beleng-Ku ka' basumpa'mo ahi' ka' motatae, ‘Tiba sanggo nu Tumpu anu tumuu',’ – susumo naipuan mae aha nongajanmo mian anu palesayamo hi beleng-Ku binasumpa'mo tiba sanggo nu Baal – sahingga aha suele minsoopmo mian anu palesayamo hi beleng-Ku ka' mohumpakmo kantumuu'an anu ma'ima'.

YEREMIA 26:18

“Tempo'nyo i Hizkia tinimbalimo tomundo' nu Yehuda, i Nabi Mikha anu lengkat mae i Moresyet nompoto'imo hi aha mian da'isan potatae sumo uutu, lengkat mae hi Tumpu Anu Mahakuasa, ‘Sion opajekomo susumo ale' Yerusalem timbalimo tambulan nu anu na'idekmo, tiba puge'nyo nu Laigan nu Tumpu timbalimo alas.’

YEREMIA 31:6

Memang totu'u tokaje mae na tempo'nyo to mia-mian anu monjaga kota' moloboo'akonje mokiita ibungkutnyo nu Efraim, ‘Imbo' kita mindakomo mokiita' i Sion, hi Tumpu Allah-nto'.’ ”

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

YOHANES 4:22

Komiu mian nu Samaria monsombah anu madi' osumbu' miu, panyo kami mian nu Yahudi monsombah Ia anu osumbu' mami, kalana kasalamatan toka lengkat mae hi mian nu Yahudi.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

ROMA 10:18

Panyo kupokilawa: Pa' totu'u aha memang ma'isa nohongo lele aijo'? Tantu polo'mo! Kalana i uno nu Kitab nu Tumpu tinulis sumo uuka, “Potatae nu aha sinongkomo i dunia, sisi-sisik nu aha tinokamo i puus nu tano'.”

PO'ULE' INGULIT 33:19

Aha nolagamo iwi-iwi' na bansa mamba i bungkutnyo nu aha ka' nonsombahkonmo koloban anu sahondo-hondonyo kiita' mae. Aha nohumpakmo kakaya'an i ambai, ka' i bone' tutuus sonibi nu ambai.”

PO'ULE' INGULIT 6:1

“Tumpu Allah nompokaumo aku da mompogulu' iwi-iwi' na atulan aiya hi belemiu da obau nu belemiu i lipu' anu madi'mo pin o jojoongimo nu belemiu.

YAKOBUS 1:25

Atulan nu Tumpu na'ima'mo hondo ka' ko kuasa mompobebas mian. Ka' mian anu monggulu'i ka' mongintomakon ima-ima' tiba mule' montuluti atulan aijo', ka' misa' ola mohongo lantas okolilimimo, mian anu aijo' apaa na anu nubau nu aha nu balakati nu Tumpu.