YESAYA 2:2 - KITAB NU TUMPU ALLA LELE MA'IMAI'

² Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YESAYA 2:2 ပူးပေါင်းရင်းမြစ်များ

KAJADIAN 49:1

Lapas aijo' i Yakub nolagamo to ana-anaknyo ka' notatae, “Imbo' sihuk mae i aiya, koko aku. Da ku poto'i hi belemiu apaa na anu o'oa'ije nu belemiu, sinaa aiya mae i mihi:

AYUB 19:25

Ku sumbu' kiita' i suluga' daagi' ko anu monsangaja'i aku; ahennyo mae Ia na toka mae montulungi aku.

MAZMUR 102:23

Tempo'nyo to bansa-bansa ka' to kala-kalaja'an sinihukmo da monsombahmo Tumpu.

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 22:28

Iwi-iwi' na bansa tionyo ahi' monginau' Tumpu ka' po'ule' mae minsusule' hi Ia, iwi-iwi' na tulunan nu bansa tionyo tolodadupu monsombah Ia.

MAZMUR 48:2

Memang talasanggo ahi' na Tumpu ka' talalo ahi' opuji', ikota' nu Tumpu, ipuge'nyo anu susi'.

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

MAZMUR 87:1

Sa'angu' na nyanyian. Mazmur nu aha sa'anakan i Korah. Tumpu nompotinjomo kota'-Nyo aita' i puge'-Nyo anu susi', anu Ia na Tumpu-Nyo.

MAZMUR 87:2

Iwi-iwi' na kota' i Israel, Yerusalemo na anu talalo hondo nu kalibosi.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 25:6

I Puge'nyo nu Sion, Tumpu Anu Daka' na Kuasanyo momposadiamo anu okaan i bau-bauon nu aha iwi-iwi' na bansa i dunia aiya. Nu tatuakonmo na kaanon anu toto ima-ima' hondo tiba anggur anu memang pinile'anmo.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

YESAYA 30:29

Panyo belemiu mian anu palesayamo Tumpu, saidi' mae lame'mo ka' lewa'mo manyanyi susumo pihi de molame'akon agama. Belemiu saidi' mae bilahimo susumo to mia-mian lumajang mojajalan tiba mian anu mompuhi puloit mamba i Laigan nu Tumpu, anu monsangaja'i Israel.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 56:5

saba' sanggo nu belemiu madi' okolilimi i uno nu Laigan-Ku, ka' mule' hi aha bansang-Ku. Aijo' na lebe ma'ima' nalingkudui na mohumpak anak to momo'ane ka' to bou-boune. Belemiu ku bee'imo sanggo sidu-sidutu', anu madi'mo okolilimi.”

YESAYA 56:7

“Belemiu Ku boamo mamba i Sion i bungkutnyo anu susi' anu Aku na tumpunyo ka' Ku bee'imo kalame'an i laigan-Ku ponso-ponsoban Aku. Koloban iwi-iwi' anu osombahkon nu belemiu i mezbah-ngKu, Ku talimamo. Laiganku osanggohimo laigan balado'an nu iwi-iwi' na bansa.”

YESAYA 60:3

To bansa-bansa mojonjulumo mae toka i jingka nu belemiu to tomu-tomundo kino kinyonyoamo i sahaya anu binete'mo atina' hi belemiu.

YESAYA 65:11

Panyo misa' sumo aijo' na nasib nu to mia-mian anu nompala'imo Aku, anu madi' mompajuli Sion, puge'-Ku anu susi', anu monsombahkon kaanon hi Gad ka' hi Meni to pilo-pilogot nu ka'untungan ka' nasib nu mian.

YESAYA 66:20

Lengkat mae ilipu' haha aijo' nu boamo mae nu aha na to utu-utus nu belemiu anu bubuu' bansa nu belemiu salaku palasen anu obee' hi beleng-Ku. Nu boamo mae nu aha na mian haha aijo' i puge'nyo anu susi' anu Aku na tumpunyo i kota' Yerusalem monsake'i mae ajahan, keledai tiba unta ka' mule' kareta tiba loda susumo kabiasa'an nu aha Israel momboa palasombahan i Laigan nu Tumpu aijo'mo gandum anu o'isi i gumbang anu belesi'.

YESAYA 66:23

Salatan Bitu'onmo anu sala'je bete' ka' mule' salatan sinaamo nu Sabat iwi-iwi' na manusia tokamo mae monsombah Aku i kota' Yerusalem.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 23:20

Tambuha'-Nyo madi' momohokot de ma'isa pe'e iwi-iwi' jadi na anu tinanga'an-Nyomo. Saidi' mae imihinyo mian anu palesayamo hi Tumpu mangalati'je totu-totu'u han aijo'.”

YEREMIA 26:18

“Tempo'nyo i Hizkia tinimbalimo tomundo' nu Yehuda, i Nabi Mikha anu lengkat mae i Moresyet nompoto'imo hi aha mian da'isan potatae sumo uutu, lengkat mae hi Tumpu Anu Mahakuasa, ‘Sion opajekomo susumo ale' Yerusalem timbalimo tambulan nu anu na'idekmo, tiba puge'nyo nu Laigan nu Tumpu timbalimo alas.’

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEREMIA 48:47

Panyo sinaa anu aiya mae i ahop po ule'mo Ku sule'akon na kantumuu'an nu lipu' Moab. Aku, Tumpu notataemo!” Sumo aijo' na anu tionyo ahi' nu bau nu Tumpu hi aha mian nu Moab.

YEREMIA 49:39

Panyo saidi' mae imihinyo kantumuu'an nu aha Elam po ule'mo ahi' Ku potinjo. Aku, Tumpu, notataemo.”

YEREMIA 51:44

Bel, pilogot nu lipu' Babel Ku hukumo. Ku kakeha'mo na ia da monsule'akon apaa na anu ingagoannyomo. Bansa-bansa madi'mo daagi' monsombah ia. Pagan mesen nu Babel nohobo'mo iwi-iwi'.

YEHEZKIEL 38:16

Lantas nu tumbuhimo na mian Israel anu palesayamo hi beleng-Ku susumo antong anu daka' hondo montintipmo tano'. De tokamo na tempo'nyo, beleyum Ku saimo mae da monjojoongimo tano'-Ku. Tiba jalan sumo aiya Aku nonggunakonmo beleyum o, Gog, nusumbu'je nu to bansang-bansang ihe sabenannyo na Aku, aijo'mo Tumpu Allah anu susi'.

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

DANIEL 10:14

Aku tinoka mae da mompopangalati' beleyum da osumbu' pa' apaa na anu jadi saidi' mae hi bansa nu belemiu. Anu tinoa aijo' mongkona sinaa anu aiya mae i ahop.”

DANIEL 2:28

Panyo kiita' i suluga daagi' ko Tumpu na anu monsumbu' mompoto'i lahasia iwi-iwi' ka' noko poto'i-Nyomo hi Belento Tuanku apaa na anu jadi saidi' mae imihi. Uuka aiya pobee'mae na aku de timbali da montalangkan ipion ka' apaa na anu tinoamo nu belento Tuanku titinoamo tempo'nyo hoyo-hoyot aijo'.

DANIEL 2:35

Tempo'nyomo aitu na patong aijo' i hansun ka' tinimbalimo tambulan nu besak, tano' kun, tambaga, salaka ka' mosoni' anu i hansunmo susumo abu' i tampat pongututan gandum de masingitmo. Tambulan aijo' lewa'mo nu lahabakon nu mombun sahingga madi'mo daagi' ko anu tinontuha'. Panyo batu anu nontuda'mae patong aijo' tinimbalimo dinaka' susumo bungkutnyo ka' nompobuke'imo songko-songko na dunia.

DANIEL 2:45

Temisa' tinoamo nu belento Tuanku madi' kino mian nohenggo sa'angu' na batu nolingginmo mae aita i keles lantas nontuda'mo ka' mule' nompohintutumo patong besak, ka' tambaga, tano' kun, salaka tiba mosoni' aijo'? Tumpu Anu daka' na Kuasanyo nompoto'imo hi belento Tuanku apaa na anu jadi saidi mae. Ipion aijo' timbali opalesaya ka' mule' katalanganku madi' sala'.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

ZAKHARIA 14:10

Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

ZAKHARIA 8:22

Lantas manjoo'mo na mian ka' mule' bansa manjoo'mo anu toto hoso-hoson tokamo mae i Yerusalem da monsombah Aku Tumpu Anu Daka' na Kuasanyo, ka' momoitamo balakat-Ku.

ZAKHARIA 8:3

Aku po ule'mo minsusule' i Yerusalem, kota'-Ku anu susi' aijo' ka' jojoongmo ikiijo' mae. Yerusalem saidi mae nu sumbu'je nu mian salaku kota' anu tulu-tulutan, ka' puge'nyo nu Tumpu Anu Daka Na Kuasanyo osanggohije Puge'nyo anu Susi'.

MALEAKHI 3:12

Sahingga belemiu otaloakonmo nu bansa iwi-iwi' sanang na kantumuu'an nu belemiu, kalana lipu' nu belemiu timbalimo tampat anu ma'ima na bau kajojoongan.”

NOMBILANGMO 24:14

Notatae na i Bileam hi Balak, “Uuka aiya aku minsusule'mo i bansangku. Panyo ma'isa pe'e aku mamba ku poto'imo hi belento Tuanku apaa na anu saidi' mae nubau nu bansa Israel hi bansa nu belento Tuanku i sinaa anu aiya mae o ahopi.”

SISIKON NU TO RASUL-RASUL 2:17

Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

2 TIMOTIUS 3:1

O inau' na aiya: I sinaa anu imihinyo mae manjoo'mo hondo na kasusa'annyo.

IBRANI 1:2

Panyo tempo' uuka Ia basisik hi kita, Anak-Nyomo na mompotoka hi kita. Anak-Nyomo aiya na nombau pakalaja'an nu Tumpu nompotimbali dunia aiya songko-songko. Ka' suele Tumpu nontantukanmo tukoonyo Anak-Nyomo aiya na mohaki iwi-iwi'.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.