YESAYA 2:12 - KITAB NU TUMPU ALLA LELE MA'IMAI'

¹² Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 2:12 ပူးပေါင်းရင်းမြစ်များ

2 SAMUEL 22:28

Miana anu madi' ko bubuun oposalamat nu Belento; panyo mian anu ko bubuun na opatundu' ahi' nu Belento.

AYUB 24:1

Kadaka' Tumpu Allah madi' nompotantu sinaa anu katokaannyo mae momputusi palakala, da to mia-mian anu monsumbu'mo Ia mohumpak kaputusan anu adin?

MAZMUR 131:1

Nyanyian i Daud mamba i tampat anu ko balakatnyo. O, Tumpu, aku madi' mindaka-daka', ka' madi' kobubuun. Aku madi' lewa' pagala molio anu talalo daka', kabai anu talalo mahan ohumpak nu belengku.

MAZMUR 18:28

Mian anu madi' mintige-tige nuposalamat nu Belento, panyo mian anu lewa' kobubuun nupatundu' nu Belento.

MAZMUR 37:13

Panyo nu kokojoi nu Tumpu na mian anu palabuatannyo ma'idek, kalana Nu sumbu' na ka ahenannyo nu mian aijo' maliamo mae toka.

MAZMUR 94:2

Pobungkutmo, o mian kopian nu dunia songko-songko, hukumo na mian anu takabun sitimbang tiba palabuatan nu aha.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 10:33

Tumpu Anu Daka' na Kuasanyo mompobahangkangmo aha susumo panga' nu kau' anu otutu'akonmo i batangnyo. Anu talalo hondo ma'ima' ka' matangkas hi aha aijo' otaa'mo ka' otua'akonmo.

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 13:6

Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 13:9

Sinaa nu Tumpu malia'mo mae toka ka' toka isinaa aijo' nu potudunmo nu Tumpu na tambuha'-Nyo ka' mule' pusa-Nyo anu taha-tahahumo. Tano' timbalimo tampat anu mateges ka' toto samian anu binaladosa'mo osilakaimo.

YESAYA 14:15

Padahan beleyum tinuamo ibagian anu talalo hondo maleeng aijo'mo idunia nu mian anu sinilakamo.

YESAYA 23:9

Tumpu Anu Daka' na Kuasanyo, Iamo na nongala kaputusan aijo'. Ia nomputusimo da bolimo sola' takabun na miannyo anu jojoong ikiijo' maumo ahi' aha noko alamo nohumpak iwi-iwi na apaa, ka' nonteemo to mia-mian anu oholomati i dunia aiya.

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

YESAYA 24:4

Tano' mapenggesmo ka' magayoumo, songko-songko na dunia mongoa'imo kasusa'an. Langit tiba tano' mongoa'imo kasusa'an hingga-hinggat.

YESAYA 40:23

Binau-Nyomo na to mia-mian anu balakuasa da madi'mo moko ala mombau apa-apaa, ka' to pama-pamalentah madi'mo ko kakuasa'annyo.

YESAYA 42:15

Bungkutnyo tiba puge'nyo Ku potimbalimo tano' anu kuunmo, Iwi-iwi' na anu tumuu' ikiijo' Ku potimbalimo magayou. Iwi-iwi na bangka'nyo nu kaunyo Ku abali'mo da timbalimo padang tampat anu mateges, iwi-iwi' na dowiwi Ku po'otimo.

YESAYA 5:15

Toto samian opopo ambangmo ka' anu buulon madi'mo ohalagai.

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YEREMIA 12:9

Aha sumomo ahi' tomonsi' anu kahanda'mo nu sabut nu bonyia' anu lengkat mae iyaya na tampat. Lagamo mae iwi-iwi' na binatang nu alas da suele ahi' mongingkotimo aha.

YEREMIA 13:9

“Sumo aijo' na pombaung-Ku aha mian nu Yehuda tiba mian anu jojoong i Yerusalem. Ku hansunimo na katabuulan nu aha anu taha-tahahumo aijo'.

YEREMIA 30:7

Sinaa anu okabuhuk hondo tokamo mae, sinaa anu madi' hondo-hondo ko gampanyo. Kona hi aha mian anu palesayamo hi beleng-Ku aijo'mo na sinaa anu okabuhuk hondo: panyo aha na Ku posalamatmo ahi.”

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

YEREMIA 50:31

O, Babel, beleyum saja' talalo buulon! Mokonyo aijo', Aku, Tumpu Anu Matangkas na Kakuasa'an, Tumpu Allah Anu Balakuasa hondo mongewamo beleyum. Tinokamo na tempo'nyo beleyum Ku hukumo.

YEHEZKIEL 13:5

Aha madi' monjagai tampat-tampat anu nohobo'mo na pagan mesen ka' mule' madi' mompokopiani pagan mesen haha aijo'. Jadi, Israel madi'mo daagi' moko ala totahan de tokamo na pahampatean isinaa nu Aku, Tumpu tokamo mae mohukum.

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

AMOS 5:18

Totu-totu'u silakamo na belemiu, anu saja' monginau' sinaa nu Tumpu! Apaa na gunanyo sinaa aijo' hi belemiu? Sinaa aijo' ola susumo sinaa anu pikat, misa' sinaa anu manjingka hi belemiu.

MIKHA 2:3

Kalana aijo' Tumpu notataemo, “Aku ko tanga'anmo montuda'i balaa' belemiu sahingga belemiu madi' ko madi'nyo nu konamo ahi' nu balaa'. Toka i tempo'nyo anu soe' aijo' belemiu madi'mo daagi moko ala junjuhi na lumajang.

MIKHA 5:11

To aji-ajimat nu belemiu Ku hopu'imo ka' mule' iwi-iwi' na anu topo tahi'i Ku laa'mo.

ZEFANYA 1:16

Sansinaa aijo' na mohongo onyi' nu tolompet tiba ais nu mian anu mahampate aijo'mo aha to sulu-suludadu anu nontumbuhimo iwi-iwi' na kota' anu bentengnyo ka' laigan toto tangka-tangkas bau pontanggalakonan mian.

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

MALEAKHI 4:5

Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

MATIUS 23:12

Mian anu mohangkat butongnyo, o tauhakon, ka' mian anu montauhakon butongnyo o hangkatakon.”

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

1 KORINTUS 5:5

komiu tionyo mombee' mian aijo' hi Ibilis da butong nu mian aijo' osilakai, desumo aitu yo santuu'nyo oposalamat de Tumpu po'ule'mo toka.

1 TESALONIKA 5:2

Kalana posi komiu monsumbu'mo totu-totu'u te Sinaa Katokaan nu Tumpu aijo', toka sumo anu buling toka pihi.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”