YESAYA 2:11 - KITAB NU TUMPU ALLA LELE MA'IMAI'

¹¹ Ola-olanyomo ahi Tumpu na anu opopodaka'.

YESAYA 2:11 ပူးပေါင်းရင်းမြစ်များ

2 SAMUEL 22:28

Miana anu madi' ko bubuun oposalamat nu Belento; panyo mian anu ko bubuun na opatundu' ahi' nu Belento.

MAZMUR 18:27

Kona hi mian anu susi', butong nu Belento suele nu poto'i ahi' susi', panyo anu ma'idek na kinyonyoanyo suele ahi' nuka'ideki nu Belento.

MAZMUR 18:28

Mian anu madi' mintige-tige nuposalamat nu Belento, panyo mian anu lewa' kobubuun nupatundu' nu Belento.

MAZMUR 20:8

Daagi' ko mian anu montakabunakon kaletanyo anu opake mahampate, daagi' mule' ko anu montakabunakon ajahannyo. Panyo kita montakabunakon kuasa nu Tumpu, Tumpu-nto.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 94:2

Pobungkutmo, o mian kopian nu dunia songko-songko, hukumo na mian anu takabun sitimbang tiba palabuatan nu aha.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

AMSAL 30:13

Daagi' ko mian anu mongoa'i butongnyo talalo hondo manonong memang talalo hondo manonong!

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 12:4

Tokaje mae na tempo'nyo belemiu motataemo, “Pontalima kaseh hi Tumpu, ka' sombahmo na Ia. Bebakonmo hi aha to bansa-bansa na katalasanggoan ka' mule' iwi-iwi' na anu binau-Nyomo.

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 14:15

Padahan beleyum tinuamo ibagian anu talalo hondo maleeng aijo'mo idunia nu mian anu sinilakamo.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 23:9

Tumpu Anu Daka' na Kuasanyo, Iamo na nongala kaputusan aijo'. Ia nomputusimo da bolimo sola' takabun na miannyo anu jojoong ikiijo' maumo ahi' aha noko alamo nohumpak iwi-iwi na apaa, ka' nonteemo to mia-mian anu oholomati i dunia aiya.

YESAYA 24:21

Tempo'nyo aijo' Tumpu mohukumo to mia-mian anu balakuasa aita' ilanga tiba to tomu-tomundo' idunia aiya.

YESAYA 25:9

Tempo'nyo aijo' mian motataemo, “Memang totu'u, Ia ahi' na Tumpu-nto; Iamo ahi' ia na anu ota-otanda'into, da kita oposalamat. Totu'umo ahi' aiyamo na Tumpu; Iamo ahi' ia na anu ota-otanda'into. Uuka aiya poloaismo lame-lame', kalana Ia momposalamatmo kita.”

YESAYA 26:1

Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 28:5

Tumpu Anu Daka' na Kuasanyo na timbalimo bunga anu kaimai hi aha mian anu palesayamo hi Ia, aijo' aha anu daagi' tinontuha'.

YESAYA 29:18

Toka itempo'nyo aijo' mian anu mabongon timbalimo mohongo potatae anu isa'angu' na kitab anu obasa'mo ka' anu mapisok anu u'utu mae tumuu' i uno nu kapintungan timbalimo montoa.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 30:23

De belemiu motuganmo bine', Tumpu montudunakonmo mae ujan da bine' aijo' tumuu' da kohasinnyo ahi' anu opadak ka' molabi-labi. Ka' mule' potuu'on nu belemiu sadiamo na hemput padang anu ewa na tampatnyo.

YESAYA 37:23

Pa' sinumbu'mo nu beleyum ihe na anu lewa'mo kinaan nu beleyum ka' mule' anu pinopo ambangmo aijo'? Aku, Tumpu nu Israel, Tumpu anu susi'.

YESAYA 4:1

Tempo'nyo aijo' aha popitu' na to bou-boune montoongimo samian na mo'ane ka' notatae, “Pobee' mae na kami da mongakuimo beleyum salaku langkai'mo mami, da kami madi' ma'ambang kalana madi' no'osoa. Anu okaan tiba pakean mami oposi tanggungje mami.”

YESAYA 40:23

Binau-Nyomo na to mia-mian anu balakuasa da madi'mo moko ala mombau apa-apaa, ka' to pama-pamalentah madi'mo ko kakuasa'annyo.

YESAYA 52:6

Kalana aijo' belemiu tionyo ahi' mongakuimo saba' Akumo na Tumpu ka' tempo' aitu detokamo, belemiu monsumbu'je taalu' akumo na notatae hi belemiu.”

YEREMIA 12:9

Aha sumomo ahi' tomonsi' anu kahanda'mo nu sabut nu bonyia' anu lengkat mae iyaya na tampat. Lagamo mae iwi-iwi' na binatang nu alas da suele ahi' mongingkotimo aha.

YEREMIA 9:24

Ihe na mongka'oho buulonmo kalana apa-apaa, anu ahi' obuulakon aijo'mo ia monsumbu' ka' mompangalati'i Aku; tukoonyo ia monsumbu' taalu' Aku mongkalibosi sampe toka sidu-sidutu' ka' Akumo ahi' na nompodaagi' atulan tiba ka adilan idunia aiya. Iwi-iwi' aijo' momposanang mae kinyonyoang-Ku. Aku, Tumpu, na nompoto'imo aijo'.”

YEHEZKIEL 38:14

Mokonyo aijo' Tumpu Anu Matangkas na Kuasanyo nonsaimo mae aku da mompoto'i hi Gog potuunon aiya, “Kakona mian Israel anu palesayamo hi beleng-Ku tinumuu'mo madi'mo ko anu nompoposia ka' na'ima'mo beleyum tokamo mae montumbuhi.

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

YEHEZKIEL 39:11

Tumpu notatae, “De iwi-iwi' aijo' jadimo Ku bee'imo na i Gog tano' bau polamunan i Israel, i Bangka'nyo nu Potapan anu kiijo' isasu kabete'an i Ambai Mate. Ikiijo'mo na i Gog tiba iwi-iwi' na suludadunyo olamun, ka' bangka'nyo aijo' osanggohimo ‘Bangka'nyo nu Suludadu i Gog’.

YEHEZKIEL 39:22

Mulai aijo' nu sumbu'je nu aha Israel taalu' Akumo ahi' na Tumpu nu aha.

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

HOSEA 2:16

Lantas ia nonsanggoje Aku na langkai'nyo, ka' misa'mo daagi' Baalnyo.

HOSEA 2:18

Tempo'nyo aijo' Aku mombaumo palajanjian tiba iwi-iwi' na ngahannyo nu binatang da aha boli mompoposia mian-Ku anu palesayamo. Madi'mo Ku pobee' na mahampate ka' mongalinimo to paka-pakakas anu bau pahampate aijo' i lipu' nu mian-Ku anu palesayamo aijo', ka' mombau aha da tumuu' sanang ka' amanmo.

HOSEA 2:21

Tempo'nyo aijo' de mian-Ku Israel anu palesayamo balado'a Ku potombihingje na aha. Lengkat mae i langit Ku tudunakonmo mae na ujan sahingga tano' mohasinakonmo gandum, anggur ka' lanya' nu zaitun. Lengkat mae i langit Ku tudunakon mo mae na ujan sahingga tano' mohasinakonmo gandum, anggur tiba lanya' nu zaitun.

YOËL 3:18

Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

OBAJA 1:8

De tokamo isinaanyo pohukuman-Kumo Edom aha to mia-mian anu pande Ku paha pateimo. Ka' iwi-iwi' na kapandean nu aha bapikin mingkotmo madi'mo ko anu otoa.

MIKHA 2:3

Kalana aijo' Tumpu notataemo, “Aku ko tanga'anmo montuda'i balaa' belemiu sahingga belemiu madi' ko madi'nyo nu konamo ahi' nu balaa'. Toka i tempo'nyo anu soe' aijo' belemiu madi'mo daagi moko ala junjuhi na lumajang.

MIKHA 4:6

Tumpu notatae, “Tokaje mae na tempo'nyo Ku posihukmo na to mia-mian anu Kuhukumo, aitumo aha anu binee'anmo kasansala'an i tampat pinomboan ka' pinompojoongan aha.

MIKHA 5:10

To kota-kota' anu bau babentengan nu lipu' nu belemiu Ku hansunimo ka' mule' iwi-iwi' na benteng nu belemiu Ku tua'akonmo.

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

ZEFANYA 3:16

Tokaje na tempo'nyo to mia-mian motataeje, “O Yerusalem bolimo mabuhuk ka' hente na kinyonyoa.

ZAKHARIA 9:16

De sinaa aijo' tokamo mae, Tumpu momposalamatmo mian anu palesayamo hi Ia, susumo polaya' nu potuu'on momposalamatmo dombanyo da madi' mohumpak balaa'. Aha majingkamo itano' nu Tumpu, susumo mainan nu makota' anu jongkilaban hondo.

MALEAKHI 4:1

Tumpu Anu Daka' na Kuasanyo notataemo, “Tokaje na sinaanyo iwi-iwi' na mian anu buulon tiba mian anu ma'idek na palabuatannyo opapuimo susumo hat. Kona i sinaa aijo' aha opapuimo sampe motanggot iwi-iwi', sahingga aha aijo' madi'mo daagi ko anu tontuha'.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

2 KORINTUS 10:17

I uno nu Kitab nu Tumpu tinulismo, “Mian anu mongka'oho' mombuulakon apa-apaa, tionyo ahi' mombuulakon apaa na anu binaumo nu Tumpu.”

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

2 TESALONIKA 1:10

iwi-iwi' aijo' timbalimo de sinaa katokaannyomo da Ia opopodaka'mo nu mian-Nyo anu palesayamo, ka' o'angga'imo nu iwi-iwi' mian anu pinale sayamo. Komiu suele pinonsoopmo i kiijo' hi mian anu palesayamo hi Tumpu aijo', kalana komiu pinalesayamo i lele anu pinotokamo mami hi komiu.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”