YESAYA 2:10 - KITAB NU TUMPU ALLA LELE MA'IMAI'

¹⁰ Aha saidi' mae minsoopmo liang anu i to puge-puge'nyo nu bungkutnyo nu batu gahanggan kabai mongkekemo bolo' itano' bau paninsulukan da madi' nu kona nu tambuha' nu Tumpu tiba kuasa-Nyo anu talasanggo.

YESAYA 2:10 ပူးပေါင်းရင်းမြစ်များ

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

AYUB 40:13

Lamunmo na aha iwi-iwi' i uno nu abu'; pojoongmo na aha i dunia nu mian anu sinilakamo.

MAZMUR 145:12

Da nusumbu' nu mian iwi-iwi' na palabuatan nu Belento anu daka' hondo, ka' kalaja'an nu Belento anu talasanggo hondo ka' talapuji' hondo.

MAZMUR 90:11

Ihe na monsumbu' tambuha' nu Belento anu taha-tahahumo kabai mangalati' hondo pa' mosia na ka'ahenannyo nu tambuha' nu Belento?

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YESAYA 25:11

Mian anu jojoong i Moab montajuakonmo limanyo susumo mian anu kahanda'mo lumangu. Panyo nu pokalamo nu Tumpu na aha tala-talalo buulon sahingga aha madi'mo daagi' moko ala mombau apa-apaa.

YESAYA 42:22

Panyo bansa aijo' lapasmo binulingan; aha pinojoongmo i uno nu salipi' anu kaiyong i uno nu tano', ka' pinaha po, isimo i uno nu talungku', Ahamo aijo' na anu pinahabulingmo mae, ka' madi' ko anu tinoka mae nontulungi.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

YEREMIA 10:7

Ihe na madi' mongka'oho' tundu' hi Belento, tomundo' nu aha bansa iwi-iwi'? Memang, Belento patut hondo o, adati. Iwi-iwi' na anu pande hi aha to bansa-bansa ka' hi aha iwi-iwi' na tomundo' nu aha, madi' ko samian pe'e na timbali pompokakana i tiba butong nu Belento o, Tumpu.

YEREMIA 13:9

“Sumo aijo' na pombaung-Ku aha mian nu Yehuda tiba mian anu jojoong i Yerusalem. Ku hansunimo na katabuulan nu aha anu taha-tahahumo aijo'.

HOSEA 10:8

Tampat-tampat anu ponsomban pilogot anu aita maei to bungku-bungkutnyo nu Betel tampat nu aha mian Israel monsombah pilogot ohansunimo. Hii' tibaa hemput tumuu'mo i mezbah nu aha. Lantas aha moloboo'imo to bungku-bungkutnyo, “Tabuhimo mae na kami!” Ka' hi to puge-puge'nyo, “Tuda'mo mae na kami!”

NAHUM 3:11

O Ninewe beleyum suele poso'mo kalana malangumo. Beleyum suele bala'usaha da madi' nu poposia nu sampo bali' nu beleyum iwi-iwi'.

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

LUKAS 23:30

I tempo' aitu, mian motataeje i to bungku-bungkutnyo, ‘Tuda' mae na kami!’ Ka' to puge-puge'nyo, ‘Tabuhi mae na kami!’

2 TESALONIKA 1:9

Mian haha aijo' montalimamo hukuman kapatean anu sampe toka sidu-sidutu', nu alinmo nu Tumpu i sambiha'nyo ka' nusabatakonmo i kuasa-Nyo anu talasanggo;