YESAYA 18:2 - KITAB NU TUMPU ALLA LELE MA'IMAI'

² Lengkat mae ilipu' aijo' tinokamo mae na utusan anu notaapmo mae Kaunyo nu Nil sinumake' mae iduangan. O, utusan-utusan anu toto mako-makolit, sampamo pinsusule' ilipu' nu beleiu anu so' nusahak nu kaunyo haha aijo'. Boa na potuunon aiya sumo uuka toka hi bansa nu belemiu anu toto maho-mahoson ka' toto babaani, ka' mule' belemiu mian nu toto tangka-tangkas, ka' kilitnyo ma'ima' ka' okabuhuk isongko-songko na dunia.

YESAYA 18:2 ပူးပေါင်းရင်းမြစ်များ

2 TAWARIKH 14:9

Daagi' kino minsan samian na aha bansa Sudan sanggonyo i Zerah nontumbuhimo Yehuda, gombuan nu suludadunyo 1.000.000 na mian, ka' 300 na kareta anu bau pahampate. Aha tinokamo mae i Meresa.

2 TAWARIKH 16:8

Te kinolilimanmo na Sudan ka' Libia anu manjoo' hondo na suludadunyo ka' manjoo' na karetanyo anu bau pahampate ka' suludadunyo anu monsake'i ajahan? Panyo maumo sumo aijo' Tumpu nombee'i ka'untungan nahampate na belemiu nompatundu' aha, kalana beleyum samata-mata taha'iman hi Ia.

AYUB 9:26

Susumo duangan anu malolo' hondo, kantumuu'anku ola saimpotulu, sumo kolia' nu bonyia' ningkanabu'mo nokaiyong monsabutmo anu nu kaan.

NOSABATMO 2:3

Panyo bungamea' aijo' madi' pinoko posuluknyo pipin. Sahingga tina nu anak aijo' nongalamo sa'angu' na kalanjang, kalanjang aijo' biho' na binau, ilapisannyo nu ter da uee boli minsoop. Bungamea' aijo' pino una'nyomo i uno nu kalanjang aijo' ka' binoanyomo i Kaunyo nu Nil ka' pino una'nyo i totonga' nu pu'un nu biho' i biwi nu kaunyo aijo'.

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

YEREMIA 49:14

Aku, i Yeremia motatae, “O, Edom, aku nontalimamo lele lengkat mae hi Tumpu. Ia nompokaumo mian hi to bansa-bansa da mo palentah aha momposihuk suludadu ka' bagalagimo montumbuhi beleyum.

YEHEZKIEL 30:9

De sinaa aijo' tokamo mae ka' Mesir hansunmo, Ku saimo na mian osake' ikapan da mompotolokengkeng aha mian nu Sudan anu madi' ko sangka'an ko sampobali mae toka, sahingga aha mabuhukmo hondo. Memang totu'u sinaa aijo' tokamo mae!”

OBAJA 1:1

Sumo uuka na anu kinila-kila i Obaja; ia nompotokamo potuunon nu Tumpu Anu Matangkas na kuasanyo mongkona bansang Edom: Tumpu nonsaimo mian anu sinai-Nyo hi to bansa-bansa ka' kita nohongomo potuunon anu binoanyo nu aha sumo uuka, “Posadiamo saba' mahampatemo! Imbo' kita mambamo montumbuhi Edom.”

HABAKUK 1:7

Iyaya mae aha mompopo buhukmo; Aha takabun hondo madi' montalima iwi-iwi' na atulan, kasuali anu sosok tiba pongka'oho' nu aha.

LUKAS 10:19

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.