YESAYA 17:8 - KITAB NU TUMPU ALLA LELE MA'IMAI'

⁸ Aha madi'mo daagi' montaha'imani hasin nu posi palabuatan nu aha, aijo'mo mezbah-mezbah tampat pompapuan kamangian ka' mule' iwi-iwi na patong Pilogot boune Asyera.

YESAYA 17:8 ပူးပေါင်းရင်းမြစ်များ

2 SAMUEL 22:42

Aha lewa'mo noloboo' panyo madi' ko anu nontulungi mae aha nomoita tulung hi Tumpu panyo Ia madi' nontaami.

2 TAWARIKH 14:5

Iwi-iwi' na tampat ponsomban pilogot ka'tampat pompapuan kamangian anu i uno nu iwi-iwi' na kota Yehuda pinaha alinanyomo. Sahingga madi'mo lewa' ko anu mompoposia kalaja'annyo aijo', tempo'nyo ia na nompalentah.

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

2 TAWARIKH 34:4

Patong ka' bapilogotan haha aijo' ingideanmo nu suludadu i Yosia lantas abu'nyo kinakambuhakonmo nu aha i pinolamunan to mia-mian anu nonsombahkonmo koloban hi to pilo-pilogot haha aijo'. Sinin na mezbah nu Baal ka' mezbah pompapuan kamangian anu daagi' i kiijo' i hobo'akonmo nu aha.

NOSABATMO 34:13

Jadi, boli mombau sumo aijo' panyo hobo'akon na mezbah nu aha, idei na bau ponsomban nu aha pilogot anu nusangka nu aha ko balakatnyo ka' taa' na ohi' nu Asyera, pilogot nu aha.

YESAYA 1:29

Aha ma'ambangmo kalana lewa'mo nonsombah to ka-kau' ka' nontantukan ale' da baumo bagi nu to pilo-pilogot.

YESAYA 10:20

Tempo'nyo tokamo saidi' mae, tuha' nu bansa Israel anu madi' pinatean madi'mo daagi' saja' montaha'imani kantumuu'annyo hi bansa anu balakuasa anu me ise-ise' nompateimo aha, panyo hi Tumpumo ahi nu aha Israel anu susi'.

YESAYA 17:9

Toka isinaa aijo' kota-kota' Israel anu toto hoso-hoson na bentengnyo singkapmo hansun ka' liingmo hondo, susumo kota-kota' anu pinalaianmo nu aha mian Hewi tiba aha mian nu Amori tempo'nyo aha nopalaimo nompala'i Israel.

YESAYA 2:8

Iyaya mae ko bapilogotan, ka' mule' aha monsombah pato-patong anu nu posi bau nu aha.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 37:19

Pilogot-pilogot nu aha suele pinapuanmo nu aha ka' ihansunanmo kalana pilogot haha aijo' madi' hondo-hondo balakuasa. Aha ola patong kau' na binau ka' batu anu binau nu mian.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

YESAYA 44:15

Sambagian na kau' aijo' ingalanyomo binau kau' anu oposun da pinjohuan ka' mule' da bau pontunuan roti ka' mule bau pontapa' ponoha' lantas sanangmo na kinyonyoanyo. Ia minjohumo ka' motataemo, “Beh, na ko ima' hondo, ka'napanasmo mae! Memang nomposanangmo mae na apu aiya!” Tuha' aijo' binaunyomo patong. Ia tinolodadupumo ka' nonsombahmo ka' ia binalado'amo, “Belentomo na tumpu allah ngku, posalamatakon mae na aku!”

YEREMIA 17:2

Belemiu mian monsombah aijo' i mezbah-mezbah tiba ohii' nu bapilogotan anu pinotinjomo ponsomban Pilogot boune Asyera itoto sa'angu' na kau' anu tambok na honnyo, ka' mule' aita' mae ibawo nu puge'nyo iwi-iwi',

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

HOSEA 14:9

Mian nu Israel mongalinmo iwi-iwi' na patong nu pilogot nu aha aha Ku jagaimo ka' mule' Ku talimamo na do'a nu aha. Susumo kau' anu tambok na honnyo, Kujagaimo na aha. Akumo na polengkatan mae nu balakat, iwi-iwi' anu nu humpak nu aha. Akumo na Tumpu anu notataemo.

ZEFANYA 1:3

iwi-iwi' na mian tiba binatang sagalamo tomonsi' tiba ikan. Mian anu ma'idek na kinyonyoanyo Ku hopu'imo. Iwi-iwi' na mian Ku silakaimo madi'mo ko samian na anu Ku potumuu'. Aku, Tumpu na notataemo.

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

PO'ULE' INGULIT 7:5

Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.