YESAYA 17:6 - KITAB NU TUMPU ALLA LELE MA'IMAI'

⁶ Susumo kau' zaitun anu noko tipuanmo na bua'nyo ka' me tinontuha' pa' sangkuka itutuu'nyo nu panga'nyo sumo aijo'mo na Israel me sangkiding na miannyo na salamat. Aku, Tumpu, Tumpu nu aha Israel nompoto'imo.”

YESAYA 17:6 ပူးပေါင်းရင်းမြစ်များ

YESAYA 24:13

Sumo aijo'mo na anu jadi' isongko-songko na dunia saidi' mae hi iwi-iwi' na bansa. Sumomo ahi' itempo' nu pompadakan salatan bua' nu zaitun o, alamo sampe mingkot ka' mule' bua' nu anggur anu kamingkotannyomo otipumo aijo' i pumpungannyo.

PO'ULE' INGULIT 4:27

Nubagi-bagimo nu Tumpu na belemiu mamba i to bansa-bansa sangga'at ka' me sangkiding na belemiu anu daagi' tumuu'.

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

OBAJA 1:5

Anu montomang kabai tololang anu toka mae pihi ola mongala anu nu ka'ima'i nu aha. Mian anu montipu anggur i ale' saja' mompotuha' to pia-piangkuka na bua'nyo. Panyo belemiu opateimo iwi-iwi' madi'mo ko anu tontuha' na nu patei nu aha to sampo-sampo bali' nu beleyum.

TO MIA-MIAN KOPIAN 8:2

Panyo tinaaman i Gideon, “Apaa na anu binaungkumo madi' ko sanggonyo de opokakanakon tiba apaa na anu binaumo nu belemiu. Mau mule' anu binaumo nu belemiu aijo' ola sangkiding, panyo anu ola sangkiding aijo' lebe ko angga'nyo molingkudui apaa na anu binaumo iwi-iwi' nu suludadungku.

ROMA 11:26

Sumo aijo' na mian nu Yahudi iwi-iwi' oposalamat. Kalana i uno nu Kitab nu Tumpu tinulismo sumo uuka, “Tomundo' anu Momposalamat tokaje mae lengkat i Sion; Iaje na mongalini iwi-iwi' ka'idekan anu lengkat mae hi lee' i Yakub.

MIKHA 7:1

Silakamo na aku! Aku sumomo mian anu no'ohopmo mamba montipu bua' nu kau' padahan nokolapasmo natempo'nyo nimbua'. Madi'mo daagi' ko bua'nyo na to kau-kau' Bua' nu anggur tiba bua' kau' ara anu toto ima-ima' iwi-iwi' iningkotmo tinipuan.

YEHEZKIEL 39:29

Ku dudu'akonmo mae na Roh-Ku hi aha bansa Israel, ka' madi'mo daagi' mompala'i aha. Aku, Tumpu Anu Matangkas na Kuasanyo notataemo.”

YESAYA 27:12

Tempo'nyo aijo' Tumpu momposihukmo bansa-Nyo toto sa'angu' lengkat mae i Kaunyo nu Efrat toka-toka ipotempasan tiba Mesir. Nu posi po iwi'mo na aha susumo mian mompo iwi'mo batu nu gandum da madi' maninggalo' tiba ota'nyo.

YESAYA 10:22

Maumo aha bansa Israel tempo uuka aiya konjoo'nyo sumomo bone' i ambai, panyo me to pia-piangkuka na minsusule'. Hukuman nu Tumpu malia'mo mae toka, ka' memang pantasmo ka' adinmo ahi' de bansa aijo' osilakaimo.

YESAYA 1:9

De bisuannyo Tumpu Anu Daka' hondo na Kuasanyo madi' nongala aha to pia-piangkuka na mian, kita sinilakamo iwi-iwi' mimbalu-balu' mo Sodom ka' Gomora.

1 TOMU-TOMUNDO' 19:18

Panyo' 7.000 na mian nu Israel Ku posalamatmo, aijo'mo to mian-mian anu sabole-bole montuluti Aku, ka' madi' toho' tolodadupu monsomba patong nu Baal kabai mongooki ia.”

YEREMIA 4:27

Tumpu nompoto'i kooNyo songko-songko na dunia saidi' mae timbalimo padang tampat anu mateges panyo Ia madi' ahi' monsilakaimo iwi-iwi'.)