YESAYA 17:4 - KITAB NU TUMPU ALLA LELE MA'IMAI'

⁴ Tumpu nontataemo, “Tokaje mae na tempo'nyo katalasanggoan nu aha Israel mingkotmo, ka' mule' ka'ima'an nu kantumuu'an nu aha lanyapmo.

YESAYA 17:4 ပူးပေါင်းရင်းမြစ်များ

KAJADIAN 41:3

Lapas aijo' popitu na sapi' sangga'at i lubat mae mule'; binatang haha aijo' magesuk ka' me kilit na kampi-kampit i buku. Sapi' anu toto gesu-gesuk haha aijo' tinuminjomo i sohipi' nu sapi' haha aijo' toto lompo-lompo' i biwi nu kaunyo aijo'.

2 TOMU-TOMUNDO' 17:3

Ia pinahampateakon ka' pinatundu'mo i Salmaneser tomundo' nu Asyur sahingga sataun toka sataun ia tionyo ahi' mombayan hasin hi ia.

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

YESAYA 10:16

Kalana aha mian nu Ayur nombuulakonmo butong nu aha, sahingga Tumpu Anu Daka' na Kuasanyo mompotokamo mae panyakit anu molele da bau pohukum to sulu-suludadu anu toto tangka-tangkas na pangkatnyo ka' mule' toto hoso-hoson. Aha molasaimo pipin sakit nusihabi anu taha-tahahumo pokakanamo susumo apu anu madi'mo kokamingkotannyo na montoyo'i.

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 17:3

Israel madi'mo daagi' ko anu monjagai ka' mule' Damsyik madi'mo daagi' maladeka'. Aha mian nu Siria anu daagi' tontuha' tumuu' madi'mo oholomati susumomo ahi' aha mian nu Israel. Aku, Tumpu Anu Daka' na Kuasanyo nontaloakonmo.”

YESAYA 24:13

Sumo aijo'mo na anu jadi' isongko-songko na dunia saidi' mae hi iwi-iwi' na bansa. Sumomo ahi' itempo' nu pompadakan salatan bua' nu zaitun o, alamo sampe mingkot ka' mule' bua' nu anggur anu kamingkotannyomo otipumo aijo' i pumpungannyo.

YESAYA 24:16

Lengkat mae i puusnyo nu dunia na onyi' nu nyanyian mompuji' Israel, bansa anu tulu-tulutan hi Tumpu. Panyo silakamo na aku! Aku mongoa'imo kasusa'an. Mian anu saja' mombau palabuatan anu ma'idek daagi' ahi' saja' mombau palabuatan ma'idek ka' aha ola mule' ahi' mompaka bau palabuatan anu ma'idek.

YESAYA 9:8

Iwi-iwi' na bansa Israel tiba anu jojoong i Samaria saidi' mae monsumbu'je taalu' Tumpu ahi' na mombau aijo'. Uuka aiya aha binulonmo ka' kinobubuunmo. Aha notatae,

YEHEZKIEL 34:20

Kalana aijo' Aku, Tumpu Anu Matangkas na Kuasanyo nontaloakonmo hi beleyum, o, domba-domba anu toto lompo-lompo', Aku tokamo mae timbali mian kopian atina hi to domba-domba anu toto hoso-hoson ka' hi domba anu madi'mahoson.

AMOS 3:12

Susumo samian na anu molaya' potu'on anu nompo'ule' nohumpak ohua' na tengkenyo kabai sambiha' na bihing nu dombanyo anu sina'u nu singa, sumo aitu mule' memo sangkiding na tontuha' na mian anu jojong i Samaria, anu uuka aiya sana-sanang na ko mamale' i kamale'an anu ma'ima'an.”

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.