YESAYA 17:3 - KITAB NU TUMPU ALLA LELE MA'IMAI'

³ Israel madi'mo daagi' ko anu monjagai ka' mule' Damsyik madi'mo daagi' maladeka'. Aha mian nu Siria anu daagi' tontuha' tumuu' madi'mo oholomati susumomo ahi' aha mian nu Israel. Aku, Tumpu Anu Daka' na Kuasanyo nontaloakonmo.”

YESAYA 17:3 ပူးပေါင်းရင်းမြစ်များ

2 TOMU-TOMUNDO' 16:9

I Tomundo' Tiglat-Pileser nongakuimo apaa na anu pinoto'i i Ahas, lantas nontumbuhimo ka' nongalamo Damsyik. Mian anu jojoong i kiijo' binoanyomo salaku mian anu i hakop ka' binoamo i Kir, ka' tomundo'nyo aijo'mo i Tomundo' Rezin, pinateannyomo.

2 TOMU-TOMUNDO' 17:6

– anu ko osio'nyomo na taun na i Hosea nompalentah – i Salmaneser nongalamo Samaria. Lantas mian nu Israel binoanyomo nokiijo' i Asyur salaku mian anu i hakop. Sambagian na aha pinojoong i kota' Halah, ka' sambagian mule' koko Kaunyo Habor i da'erah Gozan, ka' sambagian mule' i to kota-kota' i lipu' Madai.

YESAYA 10:9

Ku patundu'mo na kota' Kalno, tiba Karkemis, Hamat tiba Arpad. Kupantundu' mule' na kota' Samaria tiba Damsyik.

YESAYA 16:14

Ka' uuka aiya Tumpu notataemo, “Pas daagi' totolu' nataun iwi-iwi' nakakaya'an anu nunu kabubunakaon nu Moab lanyapmo. Mian da'isan nu aha Moab timbalimo me sangkiding ka' madi'mo mahoson.”

YESAYA 17:4

Tumpu nontataemo, “Tokaje mae na tempo'nyo katalasanggoan nu aha Israel mingkotmo, ka' mule' ka'ima'an nu kantumuu'an nu aha lanyapmo.

YESAYA 25:2

Kota' aijo' ihansunanmo nu Belento; kota' anu kobentengnyo aijo' nohobo-hobo'mo. Laigan nu tomundo' anu binau nu mian anu lengkat mae isalipu'an ihansunmo, ka' madi'mo po ule' obau sampe toka sidu-sidutu!

YESAYA 7:16

Kalana ma'isa pe'e tinoka itempo'nyo ohua' na lipu' anu nu palentah nu to tomu-tomundo' nunu kabuhuk nu beleyum aijo' opala'imo sahingga madi'mo ko miannyo anu monjojoongi.

YESAYA 7:8

kalana Siria madi' lebe mahoson molingkudui Damsyik puso nu kota'nyo, ka' Damsyik madi' lebe mahoson molingkudui i Tomundo' Rezin. Sadangkan i uno nu tempo' anompulu' ka' olima' nataun, Israel nobagi-bagimo sahingga madi'mo noko ala tinotahan salaku sa'angu' na bansa.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

HOSEA 1:4

Tumpu notataemo hi belengku, “Sanggohi na anak nu beleyum aijo' i Yizreel kalana madi'mo pin Aku mohukumo tomundo nu Israel kalana palabuatan i Yehu nompateimo mompolee'nyo kiijo' i Yizreel. Aku madi'mo mompobee' lee' i Yehu na mompalentah.

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

HOSEA 10:14

jadi mian da'isan nu belemiu ko anumo mae mompahampateakon ka' iwi-iwi' na benteng nu belemiu hansunmo. Balu-balu'nyo sumomo tempo'nyo i Tomundo' Salman nono hansunimo kota' Bet-Arbel tempo'nyo aha nahampate, ka' nompateimo to tina-tina nu anak tiba to ana-anaknyo.

HOSEA 3:4

Sumo aijo'mo na bau-baunyo na aha bansa Israel; pini ahi' hondo na aha tumuu' madi' ko tomundonyo kabai polaya', madi' ko koloban kabai tugu anu pinotinjo i tempat ponsomban, madi'mo ko to pilo-pilogot, kabai to aji-ajimat anu mompoto'i lahasia anu jadi aiya mae i ahop.

HOSEA 8:8

Susumo kuhon tano anu noposo sumo aitujemule na Israel madi'o daagi ko'alatinyo, ka tinimbalimo bansa biasa pokakana tibaa bansa sanggaat.

HOSEA 9:11

Katalasanggoan nu Israel tontilapmo susumo tomonsi'; madi'mo daagi ko anu poboa ka' madi'mo daagi ko to ana-anak anu ohampeakon.

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”