YESAYA 15:9 - KITAB NU TUMPU ALLA LELE MA'IMAI'

⁹ I Dibon uee nu kaunyo nomea'mo kalana ginalo'anmo nu baso'. Ka' mule' Tumpu Allah mompotoka mule' mae hahan anu lebe okabuhuk mule' hi aha to mia-mian anu ikiijo' mae. Topo patei anu osai mae aijo'mo na mompatei iwi-iwi' na aha mian nu Moab anu daagi' tutuu'.

YESAYA 15:9 ပူးပေါင်းရင်းမြစ်များ

2 TOMU-TOMUNDO' 17:25

Tempo'nyo aha momona jinojoong i kiijo' aha madi'mo nongadati Tumpu; aijo' na sababnyo Tumpu nompodaagi'mo to singa-singa anu lewa' monsa'u sambahagian na aha.

YESAYA 15:8

Iyaya mae idaerah potempasan tiba Moab ihongomo na loboo'nu mian; Tando' nu aha aijo' kinahongoanmo i Eglaim tiba i Beer-Elim.

YEREMIA 15:3

Aku, Tumpu, nontantukanmo taalu' tampat nu hukuman anu okabuhuk hondo saidi' mae nu ta upmo nu aha; aha silakamo i uno nu pahampatean, bangke' nu aha nu hela'mo nu dedeng, nu tolukmo nu tomonsi', ka' nu ingkotimo nu binatang anu mahangas.

YEREMIA 50:17

Tumpu notatae, “Mian nu Israel sumo sanggombu na domba anu iloloi'mo ka' pinosungkehetmo nu singa. Momonanyo aha tinumbuhanmo itomundo' Asyur, lantas mule' i Nebukadnezar tomundo' nu Babel nonggulugudi'mo buku nu aha.

IMAMAT 26:18

De lapasmo na mongoa'i hukuman aijo' iwi-iwi', belemiu ma'isa ahi' montuluti Aku, hukuman nu belemiu Ku paka tuangimo lipat pimpitun.

IMAMAT 26:24

saba' Ku dokemo na belemiu ka' mohukumo belemiu pimpitun lipat lebemo maboat molingkudui anu uuka mae momona.

IMAMAT 26:28

saba' pusamo na Aku, Ku dokemo na belemiu ka' Ku hukumo na belemiu pimpitun lipat lebemo maboat molingkudui hukuman anu uuka mae momona.

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

NOMBILANGMO 21:30

Panyo uuka aiya silakamo na lee' nu aha lengkat mae i Hesybon mokiijo' i jalan mamba i Dibon, lengkat mae i Nasyim mokiijo' i Nofah koko Medeba.”