YESAYA 15:2 - KITAB NU TUMPU ALLA LELE MA'IMAI'

² Aha mian anu jojoong i Dibon mindakomo mamba ipuge'nyo da humangmo itampat ponsomban pilogot. Aha mian anu jojoong i Moab talalomo susa' na kinyonyoa kalana aitu aha montando'imo kota' Nebo tiba Medeba. Kinismo nu aha na ubak tiba jangkut nu aha salaku tanda kinyonyoa talalomo hondo' sinusa'.

YESAYA 15:2 ပူးပေါင်းရင်းမြစ်များ

2 SAMUEL 10:4

Lantas ihakopmo i Hanun na mian haha aijo' anu sinai mae i Daud ka' kinisnyomo na jangkut nu aha sambiha' ka' mule' kinolongannyomo na baju' nu aha, me toka i peko'an na ko kodo'nyo ka' sinainyomo na aha ninsusule'.

1 TAWARIKH 19:4

I Tomundo' Hanun nohakopmo posaihon mae i Daud haha aijo', jangkut nu aha kinisnyomo ka' ki longannyomo na baju' nu aha pinokodo'mo me tinoka i lampeokan, ka' sinainyomo na aha ninsusule'.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

YESAYA 14:31

Polotando'mo na humang, ka' mule' poloboo'mo momoita tulung o, belemiu kota-kota' Filistin! Tionyo ahi' belemiu iwi-iwi' kalangkabutmo ka' mule' mabuhukmo! Abu' susumomo kundom na kopuha-puha lengkat mae i sasu utara montandaimo katokaan mae nu gombuan nu suludadu nu aha sampobali'; madi' ko anu tolokondon' na kinyonyoa nu aha aijo'.

YESAYA 15:3

To mia-mian anu laja-lajang i jalan nompusokmo hude kalung tanda monsusa'akonmo kalana ko anumo sinilaka; mian lewa'mo tumando' na humang itanah lapang kabai aita ibangkala' nu laigan.

YESAYA 16:12

Aha mian nu Moab binasusa-susa'mo nindako ipuge'nyo anu saja-saja' ponsombahkonan koloban ka' binalado'amo panyo madi' kinokaliangannyo.

YESAYA 16:7

Kalana aijo' bakas da bansa Moab mompaha hahangimo. Bakas da aha tonginau' ikaanon anu to tami-tami bia-biasa nu kaan nu aha ikota' Kir-Hareset. Bakas da aha hentemo na montutugi apa-apaa ka' sola' nu bapisala.

YESAYA 22:12

Tempo'nyo aijo' Tumpu Anu Matangkas na Kuasanyo ka' mule' Anu Daka' na Kuasanyo mompokaumo belemiu humang ka' montando'i, mongkismo ubak ka' mule' mompusokmo hude kalung.

YESAYA 3:24

Uuka aiya aha mompake minya-minya anu toto noho-nohong, saidi' mae aha mamabusikmo. Pombutu' nu aha anu ma'i-ma'ima hondo obolosimo nu kahohon anu madi' ma'ima'. Ubak nu aha anu ko bulunyo nu ubak anu ma'ima' hondo saidi' mae okiismo. Baju nu aha anu toto ima-ima' saidi mae obolosimo nu anu toho'mo lewa' pinusok nu mian. Uuka aiya aha singkap handa; saidi' mae ohup nu aha ma'idekmo kalana osapmo.

YEREMIA 3:21

Aita' mae ibawo nu to bungku-bungkutnyo ihongomo na potatae anu ihengge'mo; aijo' potatae nu aha mian Israel anu ihumangmo ka' lewa' mongkakase, kalana aha binaladosa'mo ka' nongkolilimimo Tumpu Allah nu aha.

YEREMIA 47:2

Tumpu notatae, “Toa na uee no ilimo lengkat mae isasu utara ka' nosawe'mo susumo uee anu ingiaba'mo ka' nonganjuhakonmo lipu' tiba apaa na anu kiijo' i unonyo. Mian naha loboo'anmo na momoita tulung, ka' iwi-iwi' na mian da'isan humangmo.

YEREMIA 47:5

Aha mian nu Gaza tinokanmo nu kasusa'an anu daka' hondo; mian anu jojoong i Askelon nomohokotmo. Sampe toka hipian na kopinnyo na aha mian nu Filistin anu daagi' tinontuha' me saja' susa' na kinyonyoanyo?

YEREMIA 48:1

Sumo uuka na anu pinoto'i nu Tumpu Anu Mahakuasa, Tumpu Allah Israel, apaa na anu jadi saidi' mae hi lipu' nu Moab, “Silakamo na mian anu jojoong i Nebo kota'nyo na'idekmo! Kiryataim pinatundu'mo, ka' benteng anu mahoson aijo' ihansunanmo, sahingga mian anu jojoong kiijo' na ambangmo;

YEREMIA 48:18

O, mian anu jojoong i Dibon, pintatau'mo mae atina' itampat nu beleyum anu oholomati hondo; ka' suhangmo itano' ka' i abu'. Kalana anu mongidei Moab lipu' nu beleyum atina' tinokamo mae, ka' mohansunimo iwi-iwi' na benteng nu beleyum.

YEREMIA 48:31

Mokonyo aijo' Ku haangimo hoso-hoson na belemiu iwi-iwi' ka' suele kona hi aha mian nu Kir-Heres, puso nu kota' nu belemiu.

YEREMIA 48:35

Ku pobelentimo na aha mian nu Moab mompapu koloban itampat-tampat ponsomban nu aha ka' madi'mo mompalasombahkon koloban hi to pilo-pilogot nu aha. Aku, Tumpu notataemo.

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

YEREMIA 7:29

Tumpu notatae, “O mian anu jojoong i Yerusalem, pongoa'imo susa' kalana ko anumo silaka! Guntingimo na ubak nu beleyum ka' alinmo! Nyanyiakonmo na nyanyian nu montando'i aita' mae ibawo nu to bungku-bungkutnyo, kalana Aku, Tumpu notambuha'mo ka' madi'mo nongala belemiu iwi-iwi'.

YEHEZKIEL 27:31

Kalana aha monginau beleyum sahingga kinismo nu aha na ubak. Nompusokmo hude kalung kalana sinusa'mo hondo. Aha ihumangmo kalana nolibosmo ka' nontando'imo uki' nu beleyum.

YEHEZKIEL 30:2

“O manusia anu madi' tumuu' batu, soba kila-kilamo ka' poto'i hi bansang Mesir apaa na anu Kupoto'i hi aha Aku Tumpu Anu Matangkas na Kuasanyo. Potataemo daka-daka' ka' haangmo sumo uuka; Ibeh! Sinaa nu Tumpu toka malia'mo mae! Ia sampamo mompalentah. Sinaa aijo' pikat kundomon, tempo'nyomo na to bansa-bansa mohumpakmo hukuman.

YEHEZKIEL 7:18

Aha mompusokmo hude kalung ka' songko-songko nu aha langkakatanmo. Ubak nu aha singkapmo okiismo ka' mule' aha opopo ambangmo.

IMAMAT 13:40

De samian na mo'ane lendesmo na ubak i tundun kabai i buan nu siakan, lendesnyo aijo' madi' monsaduakon ia mahumimi'mo.

IMAMAT 21:5

Samian na imam madi' timbali mongkis sambagian na ubaknyo ka' madi' timbali monggunting jangkutnyo kabai momboyo-boyot butongnyo nu balang anu matajom bau pompotoa saba' ia hau-haunyo susa' kalana ko anumo sinilaka.

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

NOMBILANGMO 21:28

Daagi' kino minsan lengkat i kota aiya suludadu nu Sihon nambamo nontumbuhi sumomo ahi' apu. Anu nongideimo kota Ar i da'erah Moab, ka' nongkuasaimo iwi-iwi' na puge'nyo nu Arnon.

NOMBILANGMO 21:30

Panyo uuka aiya silakamo na lee' nu aha lengkat mae i Hesybon mokiijo' i jalan mamba i Dibon, lengkat mae i Nasyim mokiijo' i Nofah koko Medeba.”

NOMBILANGMO 32:3

“Tano' nu kota-kota Atarot, Dibon, Yaezer, Nimra, Hesybon, Eleale, Sebam, Nebo ka' Beon anu kinuasaanmo nu Israel, kalana tinulunganmo nu Tumpu, ma'ima' hondo na pompotuu'an binatang. Jadi kalana potuu'on mami manjoo' hondo,

NOMBILANGMO 32:38

Nebo, Baal-Meon tiba Sobam. Kota haha aijo' anu po'ule'mo binau nu aha binolosanmo nu aha na sanggonyo.

PO'ULE' INGULIT 14:1

“Belemiu mian anu pinalesayamo hi Tumpu Allah nu belemiu. Jadi de belemiu ko anumo sinilaka, ka' mombaumo adatnyo kona hi mian anu sinilakamo, boli mombelai butong miu kabai mongkis siakan nu belemiu susumo anu nubau nu aha bansa sangga'at.

PO'ULE' INGULIT 34:1

Lantas i Musa nompala'imo hatanyo nu Moab ka' nindakomo i Bungkutnyo nu Nebo, aita' i bawonyo nu Pisga sasu kabete'an lipu nu Yerikho. Ikiijo' mae Tumpu nompotoamo hi ia iwi-iwi' na lipu' aijo', aijo'mo: Da'erah Gilead sasu utara kojo'onnyo toka-toka i kota Dan;