YESAYA 14:4 - KITAB NU TUMPU ALLA LELE MA'IMAI'

⁴ De nu posidamo nu Tumpu na aijo' nu alumo nu aha na itomundo' Babel sumo uuka, “Tomundo' anu buhingison pinatundu'mo! Ia madi'mo daagi mombee'i mae pakalaja'an anu monsakisa.

YESAYA 14:4 ပူးပေါင်းရင်းမြစ်များ

YESAYA 49:26

Ku potimbalimo na sampobali' nu beleyum da mangoa i baso', sahingga aha mompaha pate-pateimo. Jadi iwi-iwi' na manusia saidi' mae monsumbu'mo, taalu' Akumo ahi', na Tumpu Anu momposalamat beleyum; Anu Mahoson hondo, Tumpu i Yakub Anu nontobusmo beleyum.”

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!

ANU PINOTO'I HI YOHANES 18:16

Lantas notatae, “Ibeh, palias na balaa' nu kota anu talasanggo aiya! Biasanyo ia mompake baju' lenan, hude mingkamumu' ka' hude momea' hondo; biasanyo me saja' mosoni' na nu pake, batu nu mainan ka' mutiara!

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.

HABAKUK 2:17

Tinaa'anmo nu beleyum na kau' i unu nu kuhat nu Libanon ka' uuka aiya beleyumo na otaa'. Beleyum lewa'mo nompatei binatangnyo ka' uuka aiya to bina-binatangmo na mompopobuhuk beleyum. Iwi-iwi' aijo' jadimo kalana lewa'mo nompatei na beleyum ka' lewa'mo nombau palabuatan anu buhingisin hi to lipu-lipu' ka' mule' hi to kota-kota' ka' hi mian anu jojoong ikiijo'.

DANIEL 2:38

Belento Tuanku pinojadinyomo anu mongkuasai bagian nu dunia anu ko miannyo ka' mongkuasai to tomo-tomonsi' tiba binatang sangga'at. Belentomo Tuanku na ubak mosoni' i patong aijo'.

YEHEZKIEL 5:15

De Aku motambuha'mo ka' pusamo hi beleyum ka' mule' mohukumo beleyum, iwi-iwi na bansa anu mompaha ohani beleyum mabuhukmo. Aha saidi' mae mongkokojoimo beleyum ka' bubunmo na montoa beleyum.

MOHAANGI 4:1

Mosoni' anu jongkilaban madi'mo jinongkilaban iwi-iwi na batu i laigan nu Tumpu Allah nodaya-dayamo i jalan.

YEREMIA 24:9

Ku silakaimo totu-totu'u na aha sahingga iwi-iwi' na bansa isongko-songko na dunia mabuhukmo. Maumo iya mae na pombee'an-Ku, aha tataap sola' oletakon ka' opojadimo anu sola' okokojoi ka' o'alu. Sanggo nu aha opakemo salaku bau pongkutuki mian.

YESAYA 51:23

Kasansala'an aijo' Ku bee'mo hi miana nu nonsansalamo beleyum, anu toho'mo nompalentah belemiu nale' itano', ka' nompahampeja'akonmo belemiu, sumomo lapangnyo belemiu jalan anu saja' kajalanan.”

YESAYA 47:5

Tumpu notataemo hi Babel, “Bolimo mombau apa-apaa, ka' pinsoopmo i uno nu pikat. Beleyum madi'mo daagi' osanggohi ‘Tomundo' boune nu to kalaja'an-kalaja'an.’

YESAYA 14:17

Te iamo aiya na anu nonohansunimo kota-kota' ka' nombali'imo dunia sahingga timbalimo tampat anu kaho bone'nyo? Te iamo aiya na anu madi' toho' nompolapas mian anu lewa' ihakopnyo kabai madi' nompobee' da aha ninsusule'mo?’

YESAYA 14:6

ka' saja motambuha' na mombee'i kasansala'an nu to bansa-bansa ka' saja' monsakisa aha.

YESAYA 13:19

Babel aijo' ma'ima'an hondo ka' binaumo katalasanggoan nu aha anu jojoong ikiijo'. Panyo Aku, Tumpu, mohansunimo ia susumo anu binaung-Kumo hi Sodom tiba hi Gomora.

2 TAWARIKH 36:18

To paka-pakakas i Laigan nu Tumpu, ka' to bala-balangnya anu mahan na olinyo, ka' suele balang kakaya'an nu tomundo, ka' anu nu to mia-mian anu ko pangkatnyo mokalaja hi tomundo, iwi-iwi' pinahuhuakonmo i tomundo Babel aijo' lantas binoanyomo i Babel.

YESAYA 9:4

Sapatu nu suludadu anu ginalupakanmo ka' mule' baju' nu aha anu kahomo baso' saidi' mae mingkotmo mo'angot nu apu.

YESAYA 13:1

Aiya na potuunon nu Tumpu anu tinalima i Yesaya anak i Amos mongkona Babel:

YESAYA 14:5

Tumpu madi'mo mompobee' pamalentahan anu ma'idek na balakuasa

YESAYA 16:4

Pobee' mae na kami jojoong madi' pin ilipu' nu belemiu. Jagaiakon mae na kami da madi' nu silakai nu to mia-mian anu kahanda'mo mompatei mae kami.” (Ponsakisan ka' mule' pompateian belentimo, ka' aha to mia-mian anu lewa' mohansuni ka' lewa' monsakisa lipu' Israel lanyapmo.

YESAYA 51:13

Tetoho' mule' beleyum mongkolilimi Tumpu anu Nompotimbalimo beleyum anu nombokamo langit ka' nompokokomo lananyo nu tano'? Kadaka' beleyum sansina-sinaamo na mabuhuk hi kabaanian nu anu saja' monsansala ka'kokahanda'mo mompatei? Memang kabaanian nu aha aijo' madi' mompoposia beleyum.

YESAYA 54:14

Beleyum binaumo i uno nu kaadilan, madi'mo daagi' ko anu okabuhuk ka' kasansala'an.

YESAYA 21:2

Aku nontoamo han anu jinadimo ka' talalo ahi' okabuhuk; mongkona palabuatan anu talalo ahi' ma'idek ka' mule' lewa'mo nompatei. Sampa lambanimo, belemiu suludadu nu Elam, tumbuhimo! O, belemiu suludadu nu Madai, sampamo tiku! Tumpu mompobelentimo iwi-iwi' na kasansala'an anu sinaduakon nu Babel.

YEREMIA 48:17

O, belemiu negara-negara anu mompaha ohani Moab anu nonsumbu'mo kamajuannyo, haangimo na ia! Taloakon, ‘Moab madi'mo daagi' balakuasa, kaholomatan tiba kahosonannyo imadi'anmo!’