YESAYA 14:3 - KITAB NU TUMPU ALLA LELE MA'IMAI'

³ Tumpu mompobebasmo Israel lewa-lewa'mo sinakisa ka' mule' i kasansala'annyo, ka' lewa-lewa' nokalaja maboat opa-opakisakon hi aha.

YESAYA 14:3 ပူးပေါင်းရင်းမြစ်များ

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 32:18

Mian anu palesayamo hi Tumpu bebasmo ikasusa'an ka' tumuu'mo itampat anu madi' ko anu mompoposia ka' madi'mo ko anu mombau kahengge'an.

YESAYA 40:2

Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”

YEREMIA 17:4

Belemiu saidi' mae talapakisamo mombee' tano' nu belemiu anu binee'-Kumo hi belemiu, ka' Ku pojadimo na belemiu da tulutmo hi sampobali' nu belemiu ilipu' anu madi' hondo-hondo osumbu' nu belemiu. Ku baumo na aijo' iwi-iwi' kalana tambuha'-Ku talalomo kosuhu-suhut susumo apu anu noakmo ka' madi'mo opoko ala opatei.”

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 30:8

Tumpu Anu Mahakuasa po ule' mule' notatae mae hi mian anu palesayamo hi Ia, “De maluanyo tokamo mae na sinaa aijo' tokon anu pinokona itundun nu beleyum Ku pato'akonmo ka' anu bau pinompungu Ku bukaimo. Belemiu madi'mo daagi' timbali botuan hi aha mian anu isalipu'an.

YEREMIA 50:34

Panyo Aku anu momposalamat aha aijo' mahoson, sanggong-Ku Tumpu Anu Balakuasa. Posi aku na balajuang mongulus palakala nu aha ka' momboa kadamean idunia aiya. Panyo kona hi aha Babel Ku potokamo mae na ka'idekan nu tano' tiba kabuhukan.”

YEHEZKIEL 28:24

Tumpu notatae, “Iwi-iwi na lipu' anu mompaha ohani anu madi' toho' nompopo ise' Israel madi'mo daagi' sumo unok tiba hii' anu monsakiti Israel. Aha mangalati'mo taalu' Akumo ahi' na Tumpu Anu Matangkas na Kuasanyo.”

ZAKHARIA 8:2

“Aku kahanda'mo hondo montulungi Yerusalem kalana Aku talalomo hondo mongkalibosi miannyo anu jojoong ikiijo', ka' kalana kalibosan-Ku aijo' kinyonyoang-Ku na'idekanmo hondo hi aha anu lewa monsampobali' mae kota' aiya.

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

PO'ULE' INGULIT 28:48

Kalana aijo' belemiu tionyo ahi' ta'alukumo hi sampobali' nu belemiu anu sinaimo mae nu Tumpu mongewa belemiu. Belemiu mongoa'ije ohop, mongoa'ije megot ka' langgo' ka' iwi-iwi' na han madi'mo ko anu daagi'. Tumpu mombee'imo kasansala'an anu taha-tahahumo, sampe belemiu silakamo.

ANU PINOTO'I HI YOHANES 18:20

O suluga', lame'akonmo na kota aijo' anu na'idekmo! O mian anu pinalesayamo hi Tumpu, to rasul-rasul, ka' to nabi-nabi balame-lame'mo! Kalana Tumpu nohukumo ia salaku pombalosi apaa na anu binaunyomo hi belemiu!