YESAYA 14:2 - KITAB NU TUMPU ALLA LELE MA'IMAI'

² Manjoo' na bansa montulungimo bansa Israel da minsusule'mo ilipu' anu binee'mo nu Tumpu hi aha ka' ikiijo' mae bansa haha aijo' baumo posaihon nu aha Israel. Israel mompahahakopakonmo aha to mia-mian anu toho'mo nohakop ia ka' mule' mompalentahmo aha to mia-mian anu toho'mo nonsakisa i uno nu pakalaja'an.

YESAYA 14:2 ပူးပေါင်းရင်းမြစ်များ

MAZMUR 68:18

Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

YESAYA 18:7

Tokaje mae na tempo'nyo palasombahan-palasombahan obee'mo hi Tumpu Anu daka' na Kuasanyo lengkat mae ilipu' aijo' nunu sahak nu kaunyo haha aijo'anu lengkat mae i bansanyo anu mahoson ka' mule' baani, ka' mule' lengkat hi aha miannyo anu toto tangka-tangkas ka' kilitnyo ma'ima' ka' mule' okabuhuk isongko-songko na dunia aiya. Aha tokamo mae i Puge'nyo nu Sion itampat nu Tumpu Anu Daka' na Kuasanyo osombah.

YESAYA 31:8

Asyur saidi' mae osilakaimo i uno nu pahampatean, panyo misa' kalana samata-mata kahosonan nu manusia. Aha mian nu Asyur sadi' mae mopalaimo mompala'i pahampatean ka' to oli-olitau nu aha opotimbalimo posa-posaihon.

YESAYA 45:14

Tumpu notataemo hi Israel, “Alamo na hasin nu tano' Mesir tiba kauntungan nu aha Sudan. Aha to mia-mian nu Syeba anu toto hoso-hoson, belemiumo, na tumpunyo; aha lumajang aitu mae ihiku nu belemiu hau-haunyo pinungumo nu lante' besak. Aha tolodadupumo ka' mongakuimo, ‘Tumpu totu-totu'u daagi' ko anu atina' hi belemiu; madi' ko tumpu sanga'at ola ahi' Ia aijo'!

YESAYA 49:22

Tumpu Anu Matangkas na Kuasanyo notataemo hi mian anu palesayamo hi Ia, “Aku saidi' mae mombee'ije tanda hi aha to bansa-bansa, ka' aha monsule'akonje to ana-anak nu beleyum; to ana-anak nu beleyum anu to momo ane saidi' mae otangkungmo, ka' mule' to ana-anak nu beleyum anu to bou-boune osombungmo ibekoang.

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 49:25

Tinaamanmo nu Tumpu, “Aijo'mo na saidi' mae jadi. Mian anu ihakop nu to tale-talenga' po ule'mo o, agoi. Balang anu nu mian singgi po ule'mo opahuhuakon. Kalana Akumo na mongewa sampobali' nu beleyum; Ku posalamatmo na to ana-anak nu beleyum.

YESAYA 54:3

Beleyum mompaka ewamo kowi ka' koanan, belemiu monjojoongimo tano' nu to bansa-bansa ka' monjoongimo kota' haha aijo' anu uuka aiya i liingmo hondo.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YESAYA 60:4

Soba toa apaa na anu jinadimo atina' songko-songko hi belemiu; mian da'isan nosa'angu'mo da minsusule'mo hi belemiu. To ana-anak nu belemiu to momo'ane tinokamo lengkat mae itano' majo'on, to ana-anak boune nu belemiu otangkungmo mae.

YESAYA 61:5

O, bansaku, mian anu i salipu'an aha montulutije palentah nu belemiu ka' monjagaije potu'on nu belemiu ka' mongkalajakonje ale' nu anggur nu belemiu.

YESAYA 66:12

Kalana Tumpu notataemo, “Belemiu Ku bee'ije kabilahian susumo kaunyo anu mo'ili; kakaya'an nu to bansa-bansa nuboaje mae hi belemiu susumo kanyo anu mosawe'mo. Belemiu sumomo anak anu oposusu ka' otangkung nu tinanyo, ka' osapu-sapumo aijo' tangku-tangkung hi ia.

YEREMIA 30:16

Panyo uuka aiya iwi-iwi' na anu nolonyomo beleyum suele olonyomo ka' iwi-iwi' na sampobali' nu beleyum oboamo itampat pompojoongan. Aku mombee'imo kasansala'an anu nombee'imo kasansala'an beleyum. Aku montololangimo anu nontololangimo beleyum.

YEREMIA 49:2

Te madi'mo daagi' ko ahanyo mian nu Israel anu timbali mompo ago daerah aijo? Panyo tokaje mae na tempo'nyo Ku pojadije na mian anu jojoong i Raba, puso nu kota' nu lipu' Amon aijo' mohongomo ais nu pahampatean. Kota' aijo' mohobo'mo ka' kampung toto ise-ise anu idaerahnyo mopapumo ingko-ingkot. Lantas Israel po ule'mo mongala tano'nyo aijo' hi aha anu naipuan mae nongalamo.

YEHEZKIEL 39:10

Jadi aha madi'mo daagi'mo mongala kau' anu oposun i ale' kalana sinin na toongon anu pinala'ianmo aijo' sukupmo na oposun. Aha montololangimo ka' mongagoimo halata' nu to mia-mian anu nontololangimo ka' nongagoimo halata' nu aha. Aku, Tumpu Anu Matangkas na Kuasanyo notataemo.”

DANIEL 7:18

Panyo mian anu palesayamo hi Tumpu, Anu Matangkas na Kuasanyo na montalimaje hak da mompalentah ka' pamalentahannyo timbali pin hondo sampe toka sidu-sidutu'.”

YOËL 3:8

To oli-olitau ka' to lalangkoyang Ku pobalukmo hi mian anu jojoong i Yehuda ka' anu po ule' mule' mompobaluk ilipu' Syeba, lipu' anu majo'on hondo. Aku na Tumpu anu notataemo.

IMAMAT 25:44

De belemiu mompalalui botuan, belemiu timbali mongoli hi to bansa-bansa anu atina' hi belemiu.

OBAJA 1:17

“Panyo i bungkutnyo nu Sion saidi' mae ko anumo oposalamat ka' bungkutnyo aijo' timbalimo sa'angu' na tampat bau katokaan-Ku. Sahingga lee' i Yakub po Ule'mo montumpui tano' pusaka' nu aha.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

ZAKHARIA 2:9

“Posi Tumpumo ahi' na mongewa belemiu! Ka' belemiu nu bulingimo nu aha anu toho'mo binau posaihon nu belemiu. De han aijo' jadimo osumbu'je nu belemiu talu' Tumpu Anu Daka' na Kuasanyo na nompalentahmo mae aku.”

LUKAS 12:45

Panyo de pokauhon aijo' motatae i uno nu kinyonyoanyo, ‘Tuanku daagi' pin minsusule'je mae,’ lantas dinokenyo iwi-iwi' na posaihon, ka' nongkaan nonginum sampe nalangu,

ROMA 15:27

Tiba kinyonyoa sanang aha nomputusimo da mombau sumo aijo'. Memang konanyomo na aha patut montulungi to utu-utus anu kasiasi i Yerusalem aijo'; kalana mianmo nu Yahudi haha aijo', sahingga mian anu misa' Yahudi nohumpakmo to bala-balakat anu lengkat mae hi Tumpu. Jadi to mia-mian anu misa' Yahudi aijo' patut suele montulungi to mia-mian Yahudi nu to bala-balakat, susumo lapangnyo to bala-balang.

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

EFESUS 4:8

I uno nu Kitab nu Tumpu tinulismo, “Salatan Ia noliba'mo i tampat anu matangkas hondo, Ia nomboamo manjoo' na anu i hakop-Nyo; ka' Ia nombee'imo palasen-palasen hi mian.”

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.