YESAYA 13:8 - KITAB NU TUMPU ALLA LELE MA'IMAI'

⁸ Aha iwi-iwi' jadimo mabuhuk anu taha-tahahumo, ka' lewa'mo maha piosan nu buhuk susumo boune anu kahanda'mo mompohampe anak. Aha mompaha didinmo ka' bata-batamo, ohup nu aha mohahamo kalana na ambangmo.

YESAYA 13:8 ပူးပေါင်းရင်းမြစ်များ

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

NAHUM 2:10

Ninewe ihansunmo ilingmo ka' kinunmo. Kinyonyoa natawasmokalana nabuhukmo. Ike-ike' ilundengmo ka' ilakatnyomo. Ohup nu mian iwi-iwi' singkapmo ine'es hondo.

YESAYA 26:17

Susumo boune anu kahanda'mo mompohampe anak mongka'oa'imo ka' mondede'akonmo sakitnyo, sumo aijo'mo na kami i ahop nu Belento, o, Tumpu.

YOHANES 16:21

De samian na boune ohanimo na mohampeakon, ia susa' kalana tempo'nyomo na ia mongoa'i sansala. Panyo salatan anaknyo i hampemo, nukolilimimo nu boune aijo' na sansala anu ingoa'annyo, kalana lame' samian na bungamea' i hampemo i dunia.

YOËL 2:6

Tempo'nyo aha nolambanimo iwi-iwi' na mian i lakatnyomo iwi-iwi' na ohup nu mian i ne'esmo ka' nangkuyumo.

YEREMIA 50:43

Salatan nohongo lele aijo' itomundo' Babel madi'mo daagi' noko ala nombau apa-apaa. Ia tinokanmo nu buhuk anu taha-tahahumo, ka' nongoa'imo sakit susumo boune anu kahanda'mo mompohampe anak.

YEREMIA 30:6

Soba ahi' potutugakon ka' selidiki! Te toho' mule' mo'ane mohampeakon bungamea'? Yo de sumo aijo', kadaka' Ku toa na to momo'ane toto samian ohupnyo talalomo ahi' ine'es ka' nu toongi nu limanyo na kompongnyo sumomo boune anu kahanda'mo mompohampe anak?

YEREMIA 4:31

Ihongongkumo na mongkadede'akon sumomo boune anu kahanda'mo monganak; sumomo langkoyang anu ai-aituje na monganak, sumo aijo'mo na haang nu Yerusalem anu binusokmo na mingkinyonyoa. Limanyo maha kaweanmo ka' ia mompele-pele'mo, “Silakamo na aku – aku nu pateimo nu sampobali'!”

2 TOMU-TOMUNDO' 19:26

Aha to mia-mian anu jinojoong i kiijo' madi' noko ala nombau apa-apaa, aha tinolokengkengmo ka' nabuhukmo. Aha susumo hemput i padang kabai hemput anu tumuu' aita' i atop nu laigan, de nupuhimo nu mombun anu lengkat mae i kabete'an ka' makansang hondo, tantu ia manggasmo.

YEREMIA 13:21

Daagi' apaa na anu otaloakon nu belemiu, de to mia-mian anu binaumo nu belemiu salaku sangalu nu belemiu, mompatundu'mo ka' mongkuasaimo belemiu? Memang belemiu mongoa'imo sakit susumo boune anu mohampeakon anak.

YEREMIA 46:5

Panyo Aku, Tumpu nontoamo aha ninsusule'mo mae kalana nabuhukmo. To sulu-suludadu nu aha pinatundu'mo mae ka' nopalaimo mae kalana nabuhukmo madi'mo daagi' nonsiloi hiku.

YEREMIA 48:41

Sinin na kota'nyo tiba bentengnyo iwi-iwi' opatundu'mo ka' suludadunyo singkapmo mabuhuk sumomo boune anu kahanda'mo mompohampe anak.

YEREMIA 49:22

Susumo bonyia' monsabut nu boka na polipiknyo, sumo aijo'mo na sampobali' toka mae ka' monsabut Bozra. Toka isinaa aijo' suludadu nu Edom mabuhukmo susumo boune anu kahanda'mo mompohampe anak.”

YEREMIA 49:24

Mian anu jojoong i Damsyik madi'mo nahoson ka' nopalaimo kalana nabuhukmo.

YEREMIA 51:30

Suludadu nu aha Babel binelentimo nahampate ka' jinojoongmo ibenteng-benteng. Aha madi'mo daagi' kinokabaaniannyo ka' madi'mo daagi' noko ala nombau apa-apaa. Iwi-iwi' na sabatan daka' nu kota' pinaha tobahanmo, ka' iwi-iwi' na laigannyo nu aha pinaha papuanmo.

YEHEZKIEL 20:47

Soba palentah na alas aijo' da mompotombihing mae apaa na anu Ku taloakon hi aha, Aku, Tumpu Anu Matangkas na Kuasanyo, notataemo hi aha, ‘Soba potombihing mae! Aku momposunmo apu da pompapuimo sampe mingkot na to kau-kau' anu itina' hi beleyum, mau anu inanggasmo kabai anu daagi' mata'. Apu anu timbuhukanmo aijo' madi'mo daagi' opoko ala opatei. Ia mokaanmo lengkat mae isasu salatan ka' mambamo isasu utara ka' iwi-iwi' na mian mongoa'imo panasnyo.

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

MAZMUR 48:7

Ikiijo' mae aha ilakatnyomo kalana nabuhukmo ka' nalanitmo, susumo boune anu kahanda'mo mohampeakon anak,