YESAYA 13:6 - KITAB NU TUMPU ALLA LELE MA'IMAI'

⁶ Polotando'mo kalana sinaa nu Tumpu toka mae malia'mo, aijo'mo sinaa kasilaka'an anu nu potokamo mae nu Tumpu Anu Daka' na Kuasanyo.

YESAYA 13:6 ပူးပေါင်းရင်းမြစ်များ

AYUB 31:23

Madi' hondo aku mombau sumo aijo', kalana hukuman nu Tumpu Allah na nompopobuhukmo hondo kinyonyoangku.

YESAYA 10:25

Madi'mo daagi' pin pusa-Ku hi belemiu madi'anmo, lantas aha Ku pateimo.

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YESAYA 13:9

Sinaa nu Tumpu malia'mo mae toka ka' toka isinaa aijo' nu potudunmo nu Tumpu na tambuha'-Nyo ka' mule' pusa-Nyo anu taha-tahahumo. Tano' timbalimo tampat anu mateges ka' toto samian anu binaladosa'mo osilakaimo.

YESAYA 14:23

Babel; Ku potimbalimo tampalang anu nu jojoongimo nu mongkoek. Babel Ku sapuimo sampe belesi'. Aku, Tumpu Anu Daka' na Kuasanyo notataemo.”

YESAYA 14:31

Polotando'mo na humang, ka' mule' poloboo'mo momoita tulung o, belemiu kota-kota' Filistin! Tionyo ahi' belemiu iwi-iwi' kalangkabutmo ka' mule' mabuhukmo! Abu' susumomo kundom na kopuha-puha lengkat mae i sasu utara montandaimo katokaan mae nu gombuan nu suludadu nu aha sampobali'; madi' ko anu tolokondon' na kinyonyoa nu aha aijo'.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

YESAYA 23:1

Sumo uuka na potuunon mongkona Tirus. O, to mia-mian nu Spanyol anu lewa' balayan motaap indalangon toto daka-daka' haangmo! Tempo'nyo ninsusule'mo mae lengkat i Siprus pinoto'imo hi belemiu na kota' Tirus ihansunmo. Labuan nu kapan nu belemiu tiba laigan nu belemiu iwi-iwi' kahomo na'idek.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

YESAYA 34:8

Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.

YESAYA 47:11

Panyo beleyum nu tokaimo mae nu balaa', ilimu' ponsumbu'an nu beleyum madi' moko ala mompoluput beleyum. Beleyum saidi' mae nu tokaimo mae nu kasilaka'an, ka' madi' ahi' opoko ala opimpali nu beleyum. Balaa' aijo' monti-montiik ahi' tokamo mae ka' madi' pinoko ala sinangka-sangka nu beleyum na han aijo' pa' jadimo mae.

YESAYA 52:5

Uuka aiya apaa na ulusan-Ku i aiya? Mian nu Babel nohakopmo belemiu mau madi' kokasala'an. Aha anu nonsansalamo belemiu tinakabunmo ka' saja'mo nongalu Aku.

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

YESAYA 63:4

Aku noko batanga'mo sinaanyo anu pombalosakonanmo ka' tempo'nyo pompobebasanmo mian anu palesayamo hi beleng-Ku.

YESAYA 65:14

Sabenannyo aha montaligalaimo ka' lame'mo, padahan belemiu humang ka' susa'mo.

YEREMIA 25:34

O to pola-polaya', o to pola-polaya' nu mian anu palesayamo hi Tumpu! Haangmo hoso-hoson! Pingkaleade'mo i abu', kalana tinokamo na tempo'nyo belemiu opateimo, ka' anu madi' opatei oga'a-ga'atakonmo mamba iyaya mae. Belemiu sumomo ahi' kuhon anu mahan na olinyo nanabu'mo ka' noposo'mo.

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

YEREMIA 51:8

Panyo mamanga ahi' Babel tinontuamo ka' noposo'mo. Haangimo na ia ka' lioakon pakuli' da bau pompakuli'i belanyo haha aijo', toho' pisa ia daagi' ahi' ma'alin.

YEHEZKIEL 13:5

Aha madi' monjagai tampat-tampat anu nohobo'mo na pagan mesen ka' mule' madi' mompokopiani pagan mesen haha aijo'. Jadi, Israel madi'mo daagi' moko ala totahan de tokamo na pahampatean isinaa nu Aku, Tumpu tokamo mae mohukum.

YEHEZKIEL 21:12

O, manusia anu madi' tumuu' batu, haangmo ka' polotando'mo! Kalana bajak aijo' mongewamo mian anu palesayamo hi beleng-Ku. To pola-polaya' nu aha Israel tiba songko-songko na bansa otabasmo nubajak aijo' sampe aha silakamo. Jadi hapa' na saha'an nu beleyum kalana nolibosmo,

DANIEL 5:26

Ka' sumo uuka na alati'nyo: Binilangmo na kopinnyo belento Tuanku nompalentah, binilangmo nu Tumpu ka' madi'mo pinotuus-Nyo na belento Tuanku mompalentah;

DANIEL 5:9

I Tomundo' Belsyazar nompaka pabuhukmo ka' mule' inesemo hondo! Ka' suele anu to tangka-tangkas na pangkatnyo binangangmo hondo.

YOËL 1:11

O topo ale', tando'imo! O topo bau ale' nu anggur haangimo! Kalana gandum, ka' jelai ka' iwi-iwi' na anu pinadak i hansunmo.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 1:15

Sinaa nu Tumpu ohanimo sinaa anu okabuhuk hondo; tempo'nyomo nu Anu Daka' na kuasanyo mompotokamo mae kahansunan.

YOËL 1:5

O anu lewa' malangu, pobulamo! O anu lewa' monginum haangmo! Kalana anggur anu salaje ingagoanmo lengkat atina' i nganga' nu beleyum.

YOËL 2:1

Puuhimo na tolompet, po'onyi'mo na tanda bahaya i bungkutnyo nu Sion anu susi' kajojoongan nu Tumpu. Langkakatanmo, o mian anu jojoong i Yehuda! Kalana Sinaa nu Tumpu ohanimo mae ka' malia-lia'mo mae toka.

YOËL 2:11

Potatae nu Tumpu sumomo gohung mombee'i tanda hi to sulu-suludadunyo. Talalo ahi' manjoo' na suludadunyo! Talalo ahi' mahoson na suludadunyo anu mombau palentah-Nyo! Talalo ahi' okabuhuk ka' hebat hondo na Sinaa nu Tumpu Madi' ko samian pe'e na moko ala mongewa.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

AMOS 5:18

Totu-totu'u silakamo na belemiu, anu saja' monginau' sinaa nu Tumpu! Apaa na gunanyo sinaa aijo' hi belemiu? Sinaa aijo' ola susumo sinaa anu pikat, misa' sinaa anu manjingka hi belemiu.

ZEFANYA 1:14

Sinaa pomputusianmo nu Tumpu malia'mo mae toka ya malia'mo mae, ka' memang malia'mo mae toka. Sinaa aijo' manjoo' hondo na kasansala'an sahingga to sulu-suludadu anu talalo hondo baani maha loboo'anmo kalana madi'mo ko anu otaha'imani!

ZEFANYA 1:7

Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.

ZAKHARIA 14:1

I sinaa anu pomputusianmo nu Tumpu malia'mo toka. Sahingga Yerusalem otololangimo ka' to bala-balangnyo otoamo nu belemiu na obagi-bagi i ahop nu belemiu.

MALEAKHI 4:5

Panyo ma'isa pe'e sinaanyo anu opalias ka' mule' anu okabuhuk aijo' titinantukan-Kumo tokamo mae, Ku palentah pe'e mamba hi belemiu na i Nabi Elia.

YAKOBUS 5:1

To Utu-utus, mian anu toto kaya-kaya! Potombihing mae na pokinde'ku. Tionyo ahi' komiu humang ka' montando'i kalana kasansala'an o'oa'imo miu!

ANU PINOTO'I HI YOHANES 18:10

Aha tuminjoje aijo' mae jo'o-jo'on, kalana aha mabuhuk na nukona nu kasansala'an anu saidi' mae nu oa'i. Aha notatae, “Ibeh, palias na balaa' nu kota anu talasanggo aijo' – kota Babel anu mahoson! I uno nu ola sajam hukuman pinokonamo!”