YESAYA 13:5 - KITAB NU TUMPU ALLA LELE MA'IMAI'

⁵ Aha tinokamo lengkat mae ilipu' anu toto jo'o-jo'on ipuusnyo nu tano'. Tumpu notambuha'mo sahingga nonggunakonmo aha da monsilakaimo songko-songko na dunia.

YESAYA 13:5 ပူးပေါင်းရင်းမြစ်များ

2 SAMUEL 1:27

Sinilakamo na to sulu-suludadu nu bansa anu baani hondo Madi'mo kinokaliangannyo na toongon nu aha anu bau pahampate.”

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 13:17

Tumpu motataemo, “Kupotukamo i uno nu kinyonyoa nu aha bansa Madai na montumbuhimo Babel, aha madi' opoko ala otamboi nu salaka kabai mosoni'.

YESAYA 24:1

Tumpu monsilakaimo tano' sahingga mategesmo ka' mule' liingmo. Nu bali-balikakonmo na aita' kilitnyo nu tano' ka' mule' mongga'a-ga'atakonmo miana nu monjojoongi.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 30:27

Kakuasa'an tiba Tumpu talasanggo ahi' otoamo aijo' mae majo'o-jo'on. Apu tiba tibuk aijo' bau pomponyata'nyo saba' Ia notambuha'mo. Ia motataemo tiba aha ka' potatae-Nyo aijo' mompapui susumo apu.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

YESAYA 48:14

Sihukmo mae na belemiu iwi-iwi' ka' potombihingmo mae! Aha aijo' to pilo-pilogot madi' ko anu nongkila-kila ahi' mian anu pinile'an-Kumo montumbuhimo Babel; ia mombaumo apaa na anu kinahanda'an-Kumo.

YESAYA 5:26

Tumpu molagamo bansa anu majo'on ka' aha tokamo mae malia-lia'!

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

YESAYA 7:18

Tempo'nyo aitu Tumpu nolagamo aha mian nu Mesir tiba aha mian nu Asyur lantas ohua' na bansa aijo' tinokamo mae susumo sampahas na lalo tiba uani' mongkampuhi' iwi-iwi na bangka'nyo tiba bungkutnyo anu ma'ampi ka' suele iwi-iwi' na olot nu batu gahanggan. Kuhat anu kohii'nyo ka' tampat anu hemputon nu songkohimo nu aha.

YEREMIA 50:25

Gudang nu sanjatang-Ku binuka'-Kumo ka' kalana tambuha'-Ku, sinabatakon-Kumo na sanjata haha aijo', kalana Aku Tumpu Anu Matangkas na Kakuasa'an tionyo ahi' mompojalanmo sa'angu' na kalaja i Babel.

YEREMIA 50:3

Sa'angu' na bansa lengkat mae isasu utara tokamo mae montumbuhi Babel ka' mompojadimo lipu' aijo' timbali padang tampat anu kunmo. Manusia tiba binatang anu ikiijo' mopalaimo, ka' madi'mo daagi' ko anu jojoong ikiijo' mae.”

YEREMIA 50:9

Ku tipaha'imo na to bansa-bansa anu toto hoso-hosan lengkat mae isasu utara da nu tumbuhimo nu aha na Babel. Nu atunje nu aha na balisan montumbuhi mongewa Babel ka' mompopatundu'mo aha. Aha atina'mo na to mia-mian anu toto pande-pande na mompana' ka' hihisnyo madi' toho' panseon.

YEREMIA 51:11

Tumpu nonsale'imo to tomu-tomundo' nu aha Media, kalana Ia kahanda'mo mohansuni Babel. Sumo aijo' na bau-baunyo Ia kahanda'mo mombalosakon palabuatan nu aha to mia-mian anu nohansunimo Laigan-Nyo. To sulu-suludadu anu toto tangka-tangkas na pangkatnyo ipasukan anu mambamahampate nompalentahkonmo, “Tajomimo na hihis nu pana'! Posadiamo na kanta!

YEREMIA 8:19

Hongo ahi' isongko-songko nalipu' kinolongnyomo kihis tiba haang nu bansangku mompokilawa, “Pa' madi'mo daagi' ko Tumpu kiita' i Sion? Iyamo mae na tomundo'nyo uuka aiya?” Tinaamanmo nu Tumpu, tomundo' nu aha, “Kadaka' belemiu tinolodadupumo monsombah to pilo-pilogot anu madi' hondo-hondo ko gunanyo? Kadaka' sinakitanmo nu belemiu na kinyonyoang-Ku nononsombahmo to pilo-pilogot?”

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”