YESAYA 11:5 - KITAB NU TUMPU ALLA LELE MA'IMAI'

⁵ Ia adin na mongala kaputusan ka' madi' tageo' na kinyonyoa i uno nu han iwi-iwi'.

YESAYA 11:5 ပူးပေါင်းရင်းမြစ်များ

MAZMUR 109:19

Bakas da kutuk aijo' na molupi' ia susumo baju', ka' saja' mongkalekodi ia susumo pombutu'.

MAZMUR 45:4

Potakos na bajak nu beleyum ilampeokan o tomundo' anu baani hondo, belento talalo ahi' talasanggo ka' ma'ima' na otoa!

MAZMUR 89:9

O, Tumpu, Tumpu Anu Daka' na Kuasa-Nyo, ihe na anu susumo Belento na kohosonnyo? Belento manonong hondo i han iwi-iwi' o, Tumpu.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

YESAYA 25:1

O, Tumpu, Belentomo na Tumpu Allah-ngku, ku popodaka' na Belento ka' mule' ku puji na sanggo nu Belento. Kalana apa-apaa na anu binaumo nu Belento talalo ahi' okabangangi; Belento notanga'imo mombau apa-apaa daagi' pe'e naipuan mae, ka' binaumo ma'i-ma'ima.

YESAYA 32:1

Soba toa, tokaje mae na tempo'nyo samian na tomundo' adinmo hondo na mompalentah ka' mule' to pola-polaya' nu bansa mompojalanmo ahi' ka'adilan.

YESAYA 59:17

Ia nompake ka'adilan ka' kasalamatan, salaku baju' besak ka' songko' anu ko aja'nyo. Ia ko kahanda' mompokopiani kaadaan ka' mombalosi anu madi' adin.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YESAYA 9:7

Tumpu nonabu'akonmo hukuman hi aha kalaja'an Israel.

HOSEA 2:20

Susumo anu jinanji'-Kumo beleyum Ku nika'ije. Nu akuije nu beleyum na Aku salaku Tumpu nu beleyum.

ZAKHARIA 8:16

Sumo uuka na palentah-palentah anu tionyo ahi' obau nu belemiu: De motatae tionyo ahi' anu totu'u na otaeakon hi sangko manusia. Mian kopian tionyo ahi' momputusi nu ka'adilan ka' momboa kadamean.

2 KORINTUS 6:7

ka' mombebakon lele anu lengkat mae hi Tumpu ka' tiba kuasa nu Tumpu, kami nompotoamo saba' kami aiya aijo'mo to posa-posaihon nu Tumpu. Kami mintoong i kahanda' nu Tumpu bau salaku toongon mami monggagakon kabai mule' bau pontinjohi butong mami.

EFESUS 6:14

Tionyo ahi' komiu saja' balajaga-jaga. Tulu-tulutan hi Tumpu opake salaku bau pombutu' nu kompong, ka' kahondoan nu kinyonyoa salaku bau baju' besak nu belemiu.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

1 PETRUS 4:1

Kalana i Kristus nongoa'imo kasansala'an salaku butongnyo, belemiu suele tionyo ahi' mompohoson butong nu belemiu nu tanga'an anu sumo aijo'. Kalana mian anu nongoa'imo kasansala'an salaku butong madi'mo mombau dosa'.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.

ANU PINOTO'I HI YOHANES 1:13

I totonga' nu tengke nu sulu' haha aijo', tinuminjo na samian o toa sumo mian. Ia nompusok juba' anu komantannyo toka i tengke. I saha'annyo, Ia nompake kukup nu saha'an mosoni' na binau.

ANU PINOTO'I HI YOHANES 3:14

“Toka hi malaikat anu kiijo' hi jama'at nu Laodikia; tulismo sumo uuka: Aiyamo na potuunon lengkat mae hi Sang, Amin, sakisi anu mohongo-hongo ka' anu totu'u, pinolengkatan mae nu iwi-iwi' apaa anu pinotimbalimo nu Tumpu.