YESAYA 11:4 - KITAB NU TUMPU ALLA LELE MA'IMAI'

⁴ Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 11:4 ပူးပေါင်းရင်းမြစ်များ

2 SAMUEL 8:15

Sumo aijo' na i Daud nompalentah songko-songko na Israel ka' nu jaga da mian anu nu palentah, opalentah ma'i-ma'ma' adin.

AYUB 15:30

Madi'mo ko popalaiannyo na ia i kantumuu'annyo anu pintungmo hondo; apu montanggotimo iwi-iwi' na sumpenyo. Ia silakamo nu sawo nu Tumpu Allah.

AYUB 4:9

Susumo bokon daka', sumo aitumo na Tumpu Allah mompatei aha, sahingga mohopu'mo iwi-iwi'!

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

MAZMUR 18:8

Lantas tano' ginayu'anmo ka' ginenggohanmo, pu'un nu bungkutnyo iwi-iwi' tinolohenggomo ka' ilangkakatanmo kalana Tumpu notambuha'mo.

MAZMUR 2:9

Aha iwi-iwi' nu pato'imo nu tokon besak ka' nu biha'mo susumo kuhon tano'.’ ”

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YESAYA 13:11

Tumpu motataemo, “Ku hukumo na dunia aiya kalana palabuatannyo na'idekmo tiba aha mian anu toto ide-idek na kinyonyoanyo kalana dosa-dosa' nu aha. Toto samian na anu buulon Ku popo ambangmo, ka' mule' anu montige-tige tiba anu buhingison Kuhukumo.

YESAYA 14:30

Belemiu monta'upmo tempo' anu kakulangan i anu okaan anu tahahumo na kosusa'nyo, ka' mule' iwi-iwi' na mian anu daagi' tontuha' opateimo. Panyo mule' ahi' mian anu talalo hondo kasiasi na aha mian anu palesayamo hi Tumpu, na mohumpak ahi' anu okaan, ka' mule' aha to mia-mian anu madi' moko ala mombau apa-apaa na tumuu' ahi' sanang madi' ko anu mompoposia.

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YESAYA 2:4

Ia na momputusi aha to bansa-bansa, ka montantukan kaputusan nu palakala hi aha tulunan nu to bansa-bansa. Bajak otutukmo da timbalimo aja' ka' mule' talombo' otutukmo da timbali piso' bau pongkis. Aha to bansa-bansa madi'mo lewa' mompaha tubu-tumbuhi, ka' mule' madi'mo lewa' balasadia da mahampatemo.

YESAYA 26:6

Aha to mia-mian anu kasiasi ka' sinansalamo, mompahampeja'akonmo ia.”

YESAYA 29:19

Aha to mia-mian anu kasiasi ka' anu madi' ko angga'nyo poule'mo molasai kantumuu'an anu ma'ima' anu binee'mo nu Tumpu Israel anu susi'.

YESAYA 3:14

Tumpu mongulusmo susumo mian kopian hi aha to pola-polaya' nu aha mian anu palesayamo hi Ia. Sumo uuka na Tumpu nontudu aha; “Belemiumo na nontomang iwi-iwi' na isi nu ale' nu anggur; laigan nu belemiu kahomo balang anu ingagoan nu belemiu hi aha mian anu kasiasi.

YESAYA 30:28

Nu sai na mombun mamba pe'e momona susumo iaba' anu kotangkas-Nyo ungka'mo gogohong anu monganjuhakonmo sinin na apaa. Nu silakaimo iwi-iwi' na to bansa-bansa ka' madi'mo mompojadi sinin na tanga'an nu aha anu ma'idek.

YESAYA 30:31

Aha mian nu Asyur tolokengkengmo de mohongomo potatae nu Tumpu ka' molasaimo hukuman-Nyo mabo-maboat.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YESAYA 32:1

Soba toa, tokaje mae na tempo'nyo samian na tomundo' adinmo hondo na mompalentah ka' mule' to pola-polaya' nu bansa mompojalanmo ahi' ka'adilan.

YESAYA 32:7

Ka' mule' mian anu saja' mongakali mompopikilakon ka' mombau palabuatan anu ma'idek. Ia molio kapandean pa' mosia na monsilakai mian anu kasiasi nu potataenyo anu toto bale-baleko' ka' montewa' aha da madi' mohumpak hak' nu aha.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 40:7

Hemput manggasmo ka' bunga-bunga magayoumo, de Tumpu mompuhakon mae mombun anu mapanas. Totu-totu'u bansa aijo' sumo hemput.

YESAYA 49:2

Ia nompotajomo potataengku susumo bajak, Ia nonjagaimo aku nu posi lima-Nyo. Ia nompotimbalimo aku susumo hihis nu pana' anu binoitmo, ka' pino isimo i uno nu bulu'nyo da me bapake-pake.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 9:7

Tumpu nonabu'akonmo hukuman hi aha kalaja'an Israel.

YEREMIA 33:15

Toka itempo'nyo aijo' samian na anu lengkat mae hi lee' i Daud Ku pile'imo da timbali tomundo'. Tomundo' aijo' mompojalanmo anu adin tiba anu totu'u isongko-songko na lipu'.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

HOSEA 6:5

Aijo' na sababnyo sinaing-Kumo na to nabi-nabing-Ku da mompotoka hi belemiu kaputusan-Ku, saba' belemiu tionyo ahi' o hukumo ka' osilakaimo. Anu Ku kahanda'i hi belemiu natantumo ka' naningkoyamo.

ZEFANYA 2:3

Pobalikmo mae hi Tumpu o mian iwi-iwi' anu madi' buulon ilipu' aiya, ka' mule' mian iwi-iwi' anu montuluti palentah-Nyo. Soba pombau apa-apaa mombatuki pongka'oho' nu Tumpu ka' bolimo ko bubuun i ahop-Nyo. Ihe na monsumbu' belemiu opoluputmo ihukuman de tokamo na sinaanyo nu Tumpu mompotoa tambuha'-Nyo.

MALEAKHI 4:6

Nu pojadije na to tutuuma ka' mule' to ana-anak da kinyonyoa mosa'angu', da Aku madi' mohansuni lipu' nu belemiu.” 1

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 5:5

Bila-bilahi na mian anu madi' ko tige-tige; Tumpu tionyo mongganapije janji'-Nyo hi aha!

SISIKON NU TO RASUL-RASUL 9:1

Hau-haunyo i Saulus saja'mo mongkahanda'i mompatei anu saja' mombatuki Tumpu Yesus. Ia namba hi imam daka',

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

GALATIA 5:23

aha madi' takabun, ka' saja' moko ala mongkuasai anu nu ka'ima'i nu butong. Madi' ko atulan nu agama anu montewa' hahan anu sumo aijo'.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

TITUS 3:2

Taloakon hi aha da boli mompitana' kabai painggaga mau mule' pa' hi he, panyo mingkalakuan manonong na kinyonyoa. Tionyo ahi' aha saja' tobos hi iwi-iwi' na mian.

YAKOBUS 3:13

De itina' hi komiu daagi' ko mian anu pande ka' manonong, tionyo ahi' anu ma'ima' aijo' nu potoa i uno nu kantumuu'annyo, ka' mombau ahi' hahan anu ma'ima', anu ososapi'i nu kinyonyoa madi' ko bubuun ka' pande.

ANU PINOTO'I HI YOHANES 1:16

Lima-Nyo koanan montoongi popitu' na mandala', ka' aijo' i nganga'-Nyo nosabat mae samata na bajak anu matajom poti-potimbiha'. Ohup-Nyo mangkunining sumo batu nu sinaa de sonsu'unmo.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

ANU PINOTO'I HI YOHANES 2:16

Kalana aijo', balatobatmo i to dosa-dosa' miu! De madi' saidi' mae Aku po'ule'je toka hi belemiu ka' mompahampateakon mian haha aijo' nu bajak anu aiya i nganga'-Ku.