YESAYA 11:3 - KITAB NU TUMPU ALLA LELE MA'IMAI'

³ Anu talalo hondo nu ka'ima'i montuluti Tumpu. Ia momputusi ulusan madi' ola asan oputusimo kabai ola mohongo potatae nu mian sangga'at.

YESAYA 11:3 ပူးပေါင်းရင်းမြစ်များ

2 SAMUEL 14:17

Ku palesaya hondo-hondo na janji' nu belento Tuanku aijo' timbalimo momposalamat aku, kalana belento Tuanku sumomo malaekat nu Tumpu Allah anu moko ala montoa apaa na anu ma'ima' ka' mule' apaa na anu ma'idek. O'amalakon da Tumpu Allah nu belento Tuanku na monjagai mae belento Tuanku!”

2 SAMUEL 14:8

Tinaaman i Tomundo', “Pinsusule'mo” “ku ulusje na palakala aijo'.”

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TOMU-TOMUNDO' 3:9

Kalana aijo' Tumpu bee'iakon mae kapandean anu ku pake mompalentah mian anu pinalesayamo hi Belento aiya ka' adin ka' mule' timbali monsumbu' iya na anu ma'ima' ka' iya na anu ma'idek. De madi' sumo aitu tantu aku madi' moko ala mompalentah mian anu pinalesayamo hi Belento ka' daka' aiya?”

AYUB 12:11

Susumo jila'ku mongka'ima'i hondo monyamit anu o kaan, sumo aijo'mo na bihingku mongka'ima'i hondo mohongo potatae nu mian.

AYUB 34:3

Anu o kaan osumbu'je taalu' ma'ima' de onyamitmo, ka' potatae anu mompopande osumbu'je de opotombihing.

AMSAL 2:5

Tiba jalan anu sumo aijo' nusumbu'je nu beleyum apaa na alati'nyo mabuhuk hi Tumpu ka' beleyum mohumpakje ilimu' ihe na Tumpu Allah aijo'.

AMSAL 2:9

De beleyum montuluti aku, o anakku, nusumbu'je nu beleyum apaa na aijo' adin, hodi' na kinyonyoa, ka' ma'ima'. Beleyum suele monsumbu'je mosia na beleyum mongatun kantumuu'an.

YESAYA 33:6

ka' mombee'i ka amanan hi aha mian anu palesayamo hi Ia. Halata' anu momposalamat aha aijo'mo kapandean tiba ilimu' ka' mule' moholomati Tumpu.

YEHEZKIEL 45:8

Tano aijo' baumo bahagian nu aha nu balakuasa mompalentah itano' nu Israel, da ia bolimo daagi' mompalentah taha-tahahu singgi mian anu palesayamo hi beleng-Ku, panyo ahi' da ia mombee'mo daerah labinyo sangga'at aijo' da baumo bagi nu aha tulunan nu bansa Israel.

MIKHA 4:3

Tumpu momputusimo palakala hi aha to bansa-bansa hi aha to nega-negara anu mahoson anu majo'on kabai anu ohani. To baja-bajak nu aha otutukmo bau pajeko ka' mule' to talo-talombo' nu aha opotimbalimo piso' bau pongkiis. To bansa-bansa madi'mo daagi' paintumbu-tumbuhian ka' mule' madi'mo daagi' mosadia da mahampatemo.

LUKAS 2:52

I Yesus kinodaka-daka'nyomo, ka' kino pande-pandenyomo, tiba mule' nukalibosi nu Tumpu, ka' nuka'ima'i nu mian.

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 7:24

Boli mompisala'i mian ola kalana mompintongi anu otoa, panyo kalana mompintongi ka'adilan.”

IBRANI 5:14

Kaanon anu mokuut aijo' bau bagi nu mian anu motu'amo, anu kalana ko'anumo nu sumbu-sumbu', timbalimo monggihanakon iya na anu ma'ima' tiba iya na anu ma'idek.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”