YESAYA 11:2 - KITAB NU TUMPU ALLA LELE MA'IMAI'

² Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

YESAYA 11:2 ပူးပေါင်းရင်းမြစ်များ

2 SAMUEL 23:3

Tumpu Allah i Yakub notataemo; hi belengku anu monjagai Israel nompoto'imo, “Tomundo' anu adin na mompalentah mian da'isan anu mompalentah montuluti Tumpu.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

NOSABATMO 28:3

Laga na tukang ka'ut iwi-iwi' anu binee'an-Kumo kapandean. Pokau na aha mombaui baju' i Harun da ia mokalaja samata-mata mombau anu Ku palentahkon salaku imam.

YESAYA 28:6

Tumpu mombalakatimo da adin na to mia-mian kopian ka' mule' da baani na to mia-mian anu monjaga kota' de bisuanyo ko anu mae montumbuhi.

YESAYA 32:15

Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 48:16

Tokamo mae oha-ohani hi beleng-Ku, ka' potombihing mae, naipuan pe'e mae madi' pinohowining-Ku na nompoto'i; ka' potataeng-Ku saja' ko bukutinyo na anu Ku bau.” Uuka aiya Tumpu nonsaimo mae aku ka' kuasanya-Nyo binee'-Nyomo mae hi belengku.

YESAYA 59:21

Aku mombaumo palajanjian tiba belemiu: Kuasang-Ku Kubee'mo hi belemiu ka' ajalan-Ku sampe toka sidu-sidutu'. Ajanakon hi to ana-anak nu belemiu da aha mongajanakon suele i tulunan uuka aiya sampe toka sidu-sidutu'.”

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

ZAKHARIA 4:6

Malaekat aijo' nonsaimo aku da mamba mompotokakon hi Zerubabel potuunon nu Tumpu sumo uuka, “Misa' kalana kahosonan nu suludadu ka' mule' misa' posi kahosonan nu beleyum sahingga binala hasinmo, panyo ola ahi' kalana roh-Ku.

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

YOHANES 14:17

Ia aijo' Roh nu Tumpu anu momponyata' kahondoan mongkona Tumpu. Dunia madi' montalima Ia kalana madi' montoa ka' madi' monsumbu' Ia. Panyo komiu monsumbu' Ia, kalana Ia jojoong hingga-hinggat ka' komiu, ka' mosa'angu' tiba komiu.

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

PO'ULE' INGULIT 34:9

Tumpu nombee'imo kapandean hi Yosua anak i Nun, kalana ia i hangkatmo i Musa mombolosi ia. Bansa Israel tulu-tulutan hondo hi Yosua ka' nombaumo iwi-iwi' na anu pinalentahkonnyomo, anu binee'mo nu Tumpu hi Musa lantas pinotokakonnyomo hi aha.

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,