YESAYA 10:6 - KITAB NU TUMPU ALLA LELE MA'IMAI'

⁶ Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 10:6 ပူးပေါင်းရင်းမြစ်များ

2 SAMUEL 22:43

Aku lewa'mo tinutuk sumomo abu' anu nohimpuamo ka' sinapuankumo sumomo hensek i jalan.

2 TOMU-TOMUNDO' 18:25

osangka nu belemiu kami montumbuhi ka' mompatundu' lipu' nu belemiu madi' nutulungi mae nu Tumpu! Tumpu na monsai kami montumbuhi ka' mompatei!”

YESAYA 19:17

Tano' nu aha Yehuda mompokalangkabutmo aha mian nu Mesir de aha tolo inau'mo ikaputusan nu Tumpu Anu Daka' na Kuasanyo mongkona aha.

YESAYA 22:5

Memang Tumpu Anu Daka' na Kuasanyo nontantukanmo sinaa aiya salaku sinaa anu kalangkabutmo, ka' kahengge'anmo nu mian, ka' bingungmo na mian i Bangka'nyo nu Pinontoan. Iwi-iwi' na pagan mesen nu kota' pinaha hobo'akonmo. Loboo' momoita tulung ihongomo i iwi-iwi na puge'nyo.

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 32:6

Mian anu ponga' montaloakon potatae anu ponga' ka' saja' montanga'i palabuatan anu ma'idek. Maumo ahi' pa' apaa na anu nu bau kabai anu nu taloakon saja' mompopo ise' Tumpu. Madi' toho' ia mombee'i mongkaan mian anu mo'ohop kabai mompo inumi mian anu megotmo.

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

YESAYA 41:25

Aku nompotukamo samian anu lengkat mae i sasu kabete'an; Ilagang-Kumo na ia da montumbuhimo mae lengkat mae sasu utara. To mia-mian anu balakuasa nu pahampeja'akonmo susumo hensek, susumo mian anu lewa' mombau kuhon tano' mompahampeja'akonmo tano' ponto.

YESAYA 49:17

Aha to mia-mian anu po ule'mo mombau beleyum malia'mo toka, ka' anu nohansunimo beleyum saidi' mae mambamo.

YESAYA 49:25

Tinaamanmo nu Tumpu, “Aijo'mo na saidi' mae jadi. Mian anu ihakop nu to tale-talenga' po ule'mo o, agoi. Balang anu nu mian singgi po ule'mo opahuhuakon. Kalana Akumo na mongewa sampobali' nu beleyum; Ku posalamatmo na to ana-anak nu beleyum.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YESAYA 5:29

To sulu-suludadunyo molohuu' susumo singa anu sala'je nonsa'u kaanonnyo lantas pinopadeka'akonnyomo ka' madi' ko anu moko ala mongagoi aijo' hi ia.

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 63:3

“Sausa'-Ku na ninsoop i tampat pompetian anggur aha mian anu palesayamo hi beleng-Ku madi' ko anu nontulungi Aku. To bansa-bansa pinahampeja'akon-Kumo bau nu tambuha'-Ku, susumo nompeja-peja'mo bua' nu anggur. Baso' nu aha tinolopinjitmo mae nohomei baju'-Ku, nohumimi'imo songko-songko baju'-Ku.

YESAYA 63:6

I uno nu tambuha'-Ku anu talalomo hondo, Ku pahampeja'akonmo na to bansa-bansa; Ku silakaimo na aha, ka' baso' nu aha Ku bubusakonmo i tano'.”

YESAYA 7:17

Tumpu mompotokamo mae tomundo' nu aha Asur lantas beleyum ka' belemiu salaigan ka' mule' mian da'isan nu beleyum mongoa'imo sinaa anu talalo hondo manjoo' na kasusa'annyo ka' mule' sansala nulingkudui apaa na anu toho'mo ingoa'an salatanmo pe'e kalaja'an Israel ka' Yehuda nobagi-bagimo.

YESAYA 8:4

Kalana ma'isa pe'e anak aijo' daka' da timbalimo montaloakon ‘Tuuma’ tiba ‘Tina’, iwi-iwi' na kakaya'an nu aha Damsyik ka' mule' iwi-iwi' na anu pinahuhuakon nu aha Samaria na balang, o'atomo oboa hi tomundo' Asyur.”

YESAYA 8:8

Nu letabimo nu aha na Yehuda susumo lapangnyo iaba' toka-tokamo igogohong na kotangkasnyo ka' mule' mongomokimo iwi-iwi na apaa.” Tumpu na monsangalui kita! Polipik-Nyo anu bibinokamo nonsalumbungimo lipu'to aiya.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YESAYA 9:19

Isongko-songko na lipu' aijo' mian mo agomo maumo pa' apaa na anu timbali okaan panyo madi' mongoa'i mobosu. Aitu pe'e to sanga-sangalu nu aha na kaanmo nu aha!

YEREMIA 25:9

‘Ku lagamo mae na bansa iwi-iwi' anu lengkat mae isasu utara, tiba suele i Nebukadnezar posaihon-Ku tomundo' nu aha Babel. Aha Ku palentahmo da mompahampateakonmo mongewa Yehuda tiba anu jojoong kiijo' ka' mule' sinin na bansa anu mompaha ohani. Bansa Yehuda tibamo bansa-bansa sangga'at anu mompaha ohani Ku silakaimo ka' mule' Ku pojohokmo da hansunmo sampe toka sidu-sidutu'. To mia-mian anu montoa ia tolokengkengmo ka' mule' mabuhukmo. Aku, Tumpu notataemo.

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

YEREMIA 34:22

Ku bee'imo tanda da aha po ule'mo mae minsusule' ikota' aiya, lantas montumbuhimo mae, ka' mongkuasaimo, ka' nu papumo nu aha. Sinin na kota' nu Yehuda Ku pojadimo susumo padang tampat anu mateges anu madi'mo nu jojoongi nu mian. Aku, Tumpu notataemo.”

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEHEZKIEL 29:20

Tano' nu Mesir Ku bee'mo hi ia salaku pombalosi kalajanyo kalana suludadunyo nokalajamo hi beleng-Ku. Aku, Tumpu Anu Matangkas na Kuasanyo notataemo.

YEHEZKIEL 38:12

Beleyum montololangimo ka' mongagoimo sinin na balang nu aha anu jojoong ikota' anu u'utu mae ihansunmo aijo'. Mian anu jojoong ikiijo' pipinosihukmo lengkat mae iyaya na bansang uuka aiya kinohalata'mo manjoo' hondo tiba potuu'on ka' aha jinojoongmo i puso nu dunia.

YEHEZKIEL 38:13

Mian anu jojoong i Syeba tiba Dedan ka' mule' to pada-padagang isinin na kota' Spanyol mompokilawamo hi belemiu sumo uuka, ‘Pa' beleyum mompalentah suludadu nu beleyum ola da mongagoi ka' montololangi mosoni', salaka, potuu'on, tiba halata' ka' oboamo na aijo' iwi-iwi'?’ ”

MIKHA 7:10

Naipuan mae sampobali' mongalu kita, aha notatae, “Iya mae na Tumpu nu belemiu aijo'?” Panyo uuka aiya aha montoamo apaa na anu nu bau Tumpu, hi kita, ka' aha ma'ambangmo. Kita monsakisamo to sampo-sampobali'to ka' opantundu'tomo ka' opahampeja'akonmo susumo hensek i jalan.

HABAKUK 1:12

Tumpu, daagi pe'e naipuan mae Belento memang Tumpu. Belento Tumpungku anu susi' sampe toka sidu-sidutu'. Tumpu, Tumpungku anu monjagai mae aku, bansa Babel aijo' pinile'anmo nu Belento ka' pinobaanimo nu Belento da mohukum kami.

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

MATIUS 15:7

Komiu mian baleko'! Kona hondo apaa na anu tinaeakonmo i Yesaya mongkona komiu, aitumo,